حبيبتى يا ماما انا بتقل عليكى اوى اوى بس انا عارفة انك قلبك كبير اوى وبيستحملنا كلنا ربنا يخليك لينا يارب ويفرح قلبك باولادك دايما - انا من يومين يا ماما حلمت انى راكبة عربية والعربية وقفت ادام مكان كان فيه بقرة بتولد وكان فيه راجل هو اللى واقف يولدها وانا كنت مستغربة اوى وبقول هو الراجل واقف بيعمل ايه روحت شفت عجل صغير بيتطلع من البيقرة انا بصراحة مش عارفة اللى بتولد بقرة ولا جاموسة بس هى لونها بنى واللى متاكد منه انى قلت اهى جابت عجل صغير انا هدعى بقا ربنا يشفينى على وشى العجل المولود ده - وخلص الحلم - وفى نفس الحلم يا ماما حلمت انى عند ماما فى البيت ونازلة الصبح بدرى رايحة المدرسة بس لبست فستان حلو اوى وواسع وكمان لبست النقاب وماما بتقولى طول عمرك شيك يا بنتى حتى لما لبستى النقاب بتنوعى فيه وكان النقاب اللى لابسه لونه بيج فاتح والفستان فيه الوان كتير ومنهم لون البيج ونزلت فى الشارع وبقول اكيد مفيش حد هيعرفنى بالنقابة ده وبعدين وقفت على فرن بتاعة عيش وجبت عيش كتير اوى وفتحت محل ماما وخالى وحطيت العيش فيه بس زعلت عشان ميعاد المدرسة عدى وقلت يا خسارة فاتنى ميعاد المدرسة عشان اجيب عيش لماما - وخلص الحلم يا ماما - انا فى الحقيقة مش لابسة نقابة محجبة بس لكن بفكر انى البسه بس مستنية لما اخلص علاجى عشان مش اكون متاثرة بموضوعى مرضى -
