انا صليت صلاة الاستخارة للشخص اللى بتمناه حلمت ان امل بنت خالتى ماتت وانا كنت زعلانة اوى وعامله اقول دى كانت رايحة تشترى هدوم جديدة مع ابوها وحتعمل عمرة دى لسه صغيرة وكنت بقول لفتحية انها ماتت علشان مش مصدقة واناكنت فى الشارع لقيت واحدة جارتنا اسمها شيماء وكانت واقفة فى الشباك قعت اتريق عليها وانا ماشية علشان هى اكثر واحدة مش بتحبلى الخيرولما دخلت بيتنا لقيت واحدة اسمها راوية فى البيت بس انا لما قومت من النوم كنت متضايقة اوى ونفثت عن يسارى وقولت اعوذ بالله من الشيطان الرجيم
معلومات امل بنت خالتى مش مخطوبة وانا كنت بصلى الاستخارة دعيت ربناانه يبين لى امتى حييجى يتقدملى
وشيماء حتجوزفى شهر11
ولما صحيت سمعت ان ابوه اتحجز فى المستشفى
الرؤية التانية كانت قبل
الظهر حلمت فكان فيه ترعة وكان فيه ناس قاعدين الناحية الى قصادنا وكانوا بيبيعوا حاجات منهم كرنب اخضروالى كانت بتبيع الكرنب فاطمة قاربيتنا واحنا الناحية التانية وكانوا عمالين يتكلموا وببص لقيت الشخص اللى بتمناه جاى من بعيد وكان لابس بدله سوداء وبعدين قرب لقيته مشى من الناحىة التانية اللى من قصادنا فلما قرب مننا قولت لامى ده مش هو ده ابن راوية قالتلى هو وحتلقيه رايح لخطيبته قولت لها بس ده مش طريق خطيبته ده الطريق ده بعيد وبعدين المكان اللى كنا فيه والمكان اللى هوكان فيه الاول فى الحقيقة يبعدوا عن بعض بامتار يعنى استحالة اشوفه
على العلم ان راوية اللى فى الحلم الاول غير اللى فى الحلم التانى والترعة ردموها من زمان
