Arial black]السلام عليكم ورحمة الله وبركاته
ازيك يا ماما اخبارك ايه ، تعباكي معايا يا ماما بس بجد محتجالك اوي ، معلش هي التفاصيل كتير بس عشان تكوني حضرتك ملمة بكل شئ النهارده نمت بعد صلاة الفجرعلى الساعة 6 نمت من 6 ل 9 وقمت من النوم لوحدي اخر كلمة قلتها قبل ما انام ايه الكرسي قريتها مرتين ورا بعض وعيني راحت في النوم ،وقبل ايه الكرسي كنت ماسكة السيحة بتاعتي وبستغفر ، شفت اربع احلام - مشاهد لغاية ما قمت هكتب لحضرتك اتنين هنا واتنين في موضوع تاني وارجو من الادراة متمسحش الاحلام لاني محتاجة تفسيرهم جدا لان في ضيق شديد .
الحلم الاول :
حلمت ان انا في بيتنا واني بروق وبشيل وفي واحدة صحبة اختي جاية تزورها اسمها اميرة ومعاها جوزها وابنها ياسين الصغير طفل (ودا حقيقي فعلا اختي ليها صاحبة كده ) وان انا بروق وبشيل ومن ضمن اللي بروقه لقيت خاتمين دهب وسلسة وانسيال لمتهم كلهم في قلب بعض وبحطهو في درج بخفيهم بس خاتم منهم وقع وطيت جبته وحطيته في الدرج وقفلت عليهم في داخلة صحبة اختي ، دخلت غرفة نومي لقيت فيها حاجة عجيبة جدا مكتبة ضخمة جدا مليانة كتب جميع الالوان والاشكال وملفات ورق ايه كتيررررررجدا ، المكتبة كانت جنب الباب على ايدي اليمين ، وفي كتب كمان بره المكتبة بس الكتب اللي جوه واللي بره متوصلين ببعض ، وفي كتب منهم كانت مش ماسكة نفسها حسيت انها هتقع بس موقعتش ، فقلت في نفسي ياااااه عشان ارتب الكتب والمكتبة دي هتعب اووي وبعدين سكت وابتسمت بس سهلة ان شاء الله خاصة وان اخر الكتب دي باين يعني ممكن تتنظم ولفت نظري ملف اصفر مليان ورق وانتهي الحلم .
الحلم الثاني :
حلمت اني مكان زي مكن رعاية مرضى ناس تعبانة مستشفة ممكن مش قادرة احدد ، وان المكان كله ابيض في ابيض وان انا قاعدة ادام اوضه برضه ابيض في ابيض كلها وحد بينضفهالي وبيروقهالي قبل ما ادخلها وانا قاعدة على كرسي بره الاوضه واثناء كده حد بيغير لي هدومي وبلبس هدوم جديدة ونضيفة زي لبس المستشفيات وفي حواليا ناس كتير كده منهم واحد قريبي اسمه احمد (جوز خالتي كبير في السن ) كلنا زي بيهتموا بينا بالطريقة دي . المهم انا قلت ايه ده عمو احمد هنا كمان ، وقمت وانا مستنية الاوضة تتوضب ورلقيت نفسي زي في مطعم في نفس المكان بنفس اللبس وقعدت على ترابيزة كبيرة مليانة اكل كتير بس اللي لفت نظري الرز ابيض وطبيخ كان ايه الصنف مش فاكرة وحد جابلي طبق وباكل منه بهدوء بمعلقة فضي ، لقيت واحدة قاعدة على شمالي شكلها مش طبيعي شعرها اسود منكوش عينيها سوداء اوي وبيضاء زي الاموات شحوب غريب ، بتبصلي اوي وبتضحك ضحكات غريبة جدا وبعدين بصتلي وانا باكل وقالتلي انتي بتاكلي بطريقة حلوة اوي انا مردتش عليها وسبتها كان في طبق طبيخ قريب منى ، وهي بتاكل بطريقة مقرفة جدا ، بتاكل بايدها تحط بايدها في طبخ الطبيخ وبتاكل وهي بتاكل بتوقع على نفسها ، انا قرفت منها ووشي بقى عليه علامات القرف منها راحت قايلالي انتي مش عجبك طريقتي وراحت غرفة من الطبق وعايزة تدني بايديها لقيت موصلنيش شئ منها الا حتة طبيخ واحدة حاجة كده شبه الكوسةة المطبوخة ووقعت على حرف الطبق انا شيلتها بسرعة من الطبق . وسبتها وقمت وفتحت باب لقيته بيودي على بلكونة كبيرةةةةة جدا ودخلت البلكونة وفضلت ماشية فيها لغاية ما وصلت للسور وورايا ببص لقيت الباب اتفتح ودخل منه شاب طويل ماشاء الله عليه يا ماما ليه هيبة كده وشكله له مركز لابس بدلة لونها ما بين الكموني والبني وقميص اسود من غير كرافتة وماسك تليفون محمول بيتكلم فيه وفضل ماشي لغاية ما جه ورايا وحط ايده على كتفي كانه بيناديني انا استغربت وخفت وسبته ومشيت لقيته مصمم يمشي ورايا وعايز يمسكني من دراعي علامة اني استنى او اهدي شوية بس انا ماشية برضه وبصيتله كان بيتكلم في التليفون لسه وحسيت انه عايز يقولي اصبري انا جايلك انتي انا عايزك حاجة زي كده بس انا برضه ماشية ناحية الباب وهو ورايا وقمن النوم على كده .
معلش يا ماما طولت عليكي بس دا اللي شفته كله انا انسة 32 سنة حالتي النفسية وحشة جدا مقدمة في شغل في الجامعة وعمال يتاجل المقابلة بتاعتي وناوية ابدا في تحضير الدكتوراه ان شاء الله ، حالتي الدينية متوسطة وان كنت بستغفر كتير ، اه في ايه بقالها كام يوم شغلاني في دماغي اللي هي :انما يوفى الصابرون اجلهم من غير حساب " معرفش هي في سورة ايه بس من ساعة ما اتبعتتلي على الفيس بوك وهي شغلاني جدا مش عارفة ليه حسيت انها رسالة ليا . طمنيني الله يخليكي يا ماما دا خير ولا ايه معلش تعبتك معايا [/size]
