حبيبتى انا عندى منامين المنام الاول خير ياااااارب انى ماشية فى الجامعة بتاعتنا وزى ما يكون التحقت بكلية تجارة ابتداء من سنة اولى بعد كلية اداب بتاعتى دى المهم وانا ماشية قابلت ناس اصحابى من ضمنهم بنت اسمها علا هى متجوزة وصاحبتى المهم بتقولى اخبارك ايه وبتكلمنى زى ما يكون اتخطبت وكانى فعلا كنت مخطوبة فى المنام فعلا فبتقولى الفرح امتى قولتها انا فرحى هيبقى يوم 15 -1 بس لو العريس عادل ( ده واحد مكانش مناسب خاااااااااااااااااااااالص كان مترشح ليا كعريس ومش وافقت عليه خااااااااااالص لانه كان غير مريح بالمرة وموضوعه اتقفل والبيت كله اقتنع انه غير مناسب الله لا يعيدها ايام ) المهم قلتلها لو العريس كان عادل مش هتمم الفرح وان كان العريس بسيونى هتمم الفرح ...ومش عارفة ايه اللى جاب سيرة عادل ده فى المنام !!!! ومش عارفة يا ترى التاريخ ده معناه ايه !!!!ربنا يستر انا بجد موصفلكيش قد ايه انى مكنتش طايقة عادل ده لان مكانش فيه وفق خااالص وكان غير مريح بالنسبة ليا خاااالص وكان بخيل وصعب
الحلم التانى
حبيبتى فيه واحدة صاحبتى اسمها نور ثابت ومامتها متوفيه انا بس بديكى معلومات قبل الحلم المهم شفت خير انى كنت فى لجنة امتحان ومعايا واحدة صاحبتى اسمها خلود زيادة بقالى زمان مش شفتها بتمتحن معايا (هى اصلا فى كلية طب ) المهم كنا بنحل الامتحان تقريبا سوا وبنساعد بعض وحليناه كللللله وخلصناه وكان ده زى ما يكون اخر يوم فى الامتحانات وبعد الامتحان ما خلص روحت عند نور فى البيت لقيت مامتها الله يرحمها زى ما يكون قامت من قبرها وجت تعيش معاهم تانى فى البيت بس زى ما يكون كانت مرهقة كده وكانت طالبة دليفرى ديك رومى مطبوخ فكنت همشى على طول لانى خفت من الجو ده فلقيتها مسكت فيا هى وجوزها اللى هوه والد نور دى وهوه عايش حاليا وعايزينى اتغدى الاول ولقيتها اعطت لنور طبق فيه رز ومكرونة بشاميل لكل واحدة فينا انا كلت الرز وجيت ااكل المكرونة لقيت طعمها غريب شوية ومش حلو اوى زى الرز المهم كلته وخلاص ونور كمان كلته ونضفنا الترابيزة مطرح ما كلنا ولمعناها فنور جت تقولى اجيبلك كبدة الديك الرومى قلتلها لا شكرا مش عايزة انا هروح بقا فقالت لمامتها طب نعملها شاى قلتلها شكرااااااااااا الف شكر انا عايزة امشى فلقيت مامتها بتقولها يوه بقا يا نور ما تقومى انتى تعملى انا تعبانة او حتى اعمليلها عصير ليمون قلتلها لا خلاص يا نور متشكرة انا هروووح وما مصدقت اروح وروحت البيت وانا بقا فرحاااااااااااانة ان اخر يوم فى الامتحانات جه وخلص وانى اجتزت الامتحانات وخلصت خلاص وكان ادان المغرب بيأذن وانا بكلم ماما وكانت الساعة 7 ونص ساعتها وقومت وصوت الاذان فى ودانى .....مع العلم انى كتيييييييييييير مش برتاح لناحية نور شوية يعنى مامتها الله يرحمها كانت طيبة وباباها كمان بس نور ساعات بحس انها مش سهلة شوية يلا ربنا يصلح حالها وحالنا جميعا
