موضوع: هدية الميت في الحلم الجمعة 30 سبتمبر - 0:09
السلام عليكم ورحمة الله وبركاته لو سمحتى يا ماما نجيه انا كنت من سنتين تقريبا حلمت انا ليا جدتى متوفيه وفوجئت انا انى عندها فى بتها فطلبت منى ميه تشرب فانا جبتلها فهى طلعتلى من الدولاب بتعها بلوزات وتشرتات وجواكت وجيبات واغلبيتهم لونهم موف بدرجاته وبعدين ادتنى كيسه وفيها هدوم بسى كانت الكيسه مقطوعه من الجمب بسى ما فيش حاجه وقعت وبعدين ان اختى لقتها معانا فى الاوضهوفتحنا الكيسه انا وهى سو وانا وهى فى وقت واحد انا مسكت جيبه سمرا وعجبتنى اوى وهى برضه مسكت جيبه سمرا وعجبته اوىوكان ده فى وقت واحد وبعدين جدتى ادتنى سلاسل بسى كانت جميله ومش فاكره ايه تانى مع العلم جدتى كانت فى حياته من السيدات الميسورة الحال جدا هى بالنسبه ليه مش قرابت الدرجه الاولى انا انسه واختى انسه انا كنت بعته قبل كده يتفسر بسى تفسيره كان كلمتين وهل بدال الحلم يتفسر مره ميتفسرشى تانى وهل شرط انه لو اتفسر يقع التفسير معلشى طولت عليكى انا عندى 24سنه واختى 27سنه طيب لو سمحتى لو ميته طلبت منى تدخل الحمام فى مكان مدارى وانا ودتها ده معناه ايه وجزاكى الله خير
???? زائر
موضوع: رد: هدية الميت في الحلم الجمعة 30 سبتمبر - 0:26
انتي كاتبة حلمك في قسم الرؤى المفسرة
مش الي لسة هاتتفسر
سيتم نقلها للقسم المناسب وارجو الانتاه
وارجو كتابة كلمة في الحلم بعد كتابة الرمز الي في رؤيتك ياقمر
وتكبير حجم الخط
انا هقوم بالتعديل لانك عضوة جديدة
واهلن بيكي معانا
قوانين القسم مثبته ارجو منك الاطلاع عليها
ماما نجية شخصية vip
عدد المساهمات : 5535 تاريخ التسجيل : 17/07/2011
موضوع: رد: هدية الميت في الحلم الجمعة 30 سبتمبر - 1:20
يا حبيبتى هذه الرؤيا قديمة واكيد تحققت وهى جدتك تريد منك الدعاء وفيه خير وستر لك وفيه سر انت هتعرفيه وفيه واحد انت واختك هتعجبوا به ولكن رؤيتك لم توضح هيكون من نصيب مين اما ان ميت يطلب منك دخول الحمام يكون مزنوق فى حسابه ويريد منك ان تدعى له حتى يستطيع قضاء حاجته وخروجه من هذه الزقة رحمه الله ووسع قبره
