ازيك يا ماما نجية وحشاني والله
حلمت اني واقفة في البلكونة وقت الفجر في وقت الفجر والدنيا بتشقشق والشمس قربت تطلع والنور بدا يظهر وفي ولد جاي علينا وفي دكان قدامي مقفول فماما قالت للولد دة انت يابني افتح دكان عمك صابر دة راح الولد رافع باب الدكان لفوق وفتحه بعد ما فتح الدكان خرج منه مجموعة كبيرة من الخرفان والجمال والمعيز والفراخ والبط وكانهم كانو محبوسين روحت انا قولت يااااااااه كل دة خير كان في دكان عم صابر وبقيت شيفاهم كتير في عنيا ومبسوطة بالخير دة انه خرج من حبسته في الدكان
يارب يكون خير
للعلم انا ليا خالي اسمه صابر بس انا مبفكرش فيه نهائي بس انا دايما الايام دي بحلم كتير اوي وبشكل دائم باسمين صابر ورضوي دايما احلم بيهم مقترنين ببعض
معلش يا ماما نجية انا اسفة بس ياريت تفسريلي حلمي بالتفصيل وجزاكي الله كل خير
