انا رايت يا ماما ان انا واختى الى اكبر مني منى زى ما يكون بنتخانق عند ماما وزى ما يكون ماما مختلفه معايا فانا زعلت ونزلت من البيت وكان بيتنا القديم اوى فى الشارع اسمه شارع الخان وبعدين لقيت ماما بتقول لبابا انزل وراها هو نزل ورايا المهم رجعت معاه ووقفت تحت البيت مع ست كانت تحتنا بتبيع حاجه ساقعه الست دى اسمها فاطمه ومتوفيه من زمان ولقيت بنتى منه شلتها والست دى قالت لى انتى حللتلها قلتلها اه فصيله دمها بى وبعدين طلعت البيت لقيت خالتى شاديه بتقول لى انا هاخدك معايا الامارات انا قلت لها يا ريت امتى قالت لى اما نيجى فى الاجازه المهم قلت لها يبقى على شهر7 المهم لقيت اختى منى زى ما يكون بتنظف البيت وبتمسح فجات تتكلم قلت لها اسكتى انتى خالص انتى السبب وكان شعرها وحش اوى يا ماما وكتكت وبعدين لقيت زوج خالتى التانيه المتوفى داخل علينا وشكله شاب قال لنا فيه ايه احنا قلنا انا وخالتى شاديه ايه ده هو مش ميت انت جيت ازاى هو ما ردش علينا وطلع من معاه اشارب صغير لونه انا عمرى ما شوفته دهبى كده وبيضوي على اخضر انا لبسته وكان شكله حلو وبعدين لبسته لخالتى شاديه وبعدين واحده كمان انا مش فاكراها وبعدين جيت البسه لمنى اختى مع انى زعلانه منها ام اخده مني وقال لى انا اتاخرت وبعدين انا لبسته تانى وقال الايه الى فى سورة الانسان(عاليهم ثياب سندس خضرواستبرق) وقال قبلها متكئين على الارائك وبعدين قلت له سبهولى قالى لا ده بتاعى واخده ومش وبعدين لقيت خالى السيد قلت له انت رايح فين قالى رايح عند الشيخ انا جه فى بالى وقتها انه هو ده زوج خالتى بس خالى عايش فى الحقيقه والحمد لله وكانى كل الى حصل ده كان حلم فى الحلم وقلت لما هيرح عند الشيخ هتصل بيه واحكيله على الحلم ده و افرحه وبعدين وقع من خالى فلوس فيها جنيهات ورق انا وطيت على الارض وجبت الجنيه واعطتهوله
(علما ان اختى منى يا ماما متزوجه وعندها بنت وولدين وعلاقتى بيها كويسه اوى وبنحب بعض جدا ومش بنتخانق خالص بس ياماما مش عارفه ليه دايما احلم انى بتخانق معاها كتير اوى فى احلامى يا ريت تفسريلى ده وزوج خالتى ده مات وهو عنده حوالى50سنه او اقل بعد سراع وعذاب مع مرض القلب فى اخر ايامه وخالتى شاديه فعلا فى الامارات متزوجه وعندها اولاد شباب وبنت واحده وانا بحبها اوى)
