ماما نجيه انا حلمت الحلمين دول بس فى يومين مختلفين
الحلم الاول حلمت انى فى مكان فيه مياه كتيره اوى زى البحر او البحيره وكبير اووووووووووى بس مقفول ومعايا واحد بيجرى معايا وعمالين نجرى فى المياه بندور على باب نخرج منه لانه زى ما يكون فى حد بيطاردنا انا وهو وكل لما نروح عند باب نلاقيه مسدود او مش نلاقى الباب اصلا وفى الاخر خالص نطينا من على سور
الحلم التانى حلمت انى راجعه من عند جدتى لوحدى وماشيه فى طريق بس الطريق مفيهوش حد خالص والمفروض كان اخر الشارع ده يوصلنى على العربيات اللى هركب فيها عشان اروح بيتنا لاقيت اخر الشارع مسدود بجبل كبير بس الجبل فيه شبه من السلم الخشب(( مدرج يعنى )) فانا كنت مرعوبه وخايفه جدا ومن خوفى من عدم وجود حد معايا وعدم وجود اى ناس حواليا جريت بسرعه عشان اتسلق الجبل واعدى واوصل للعربيات و فضلت اتسلق الجبل المدرج ده وكان متعب اوى وكنت خايفه لانه عالى اوى وخايفه اقع وفى الاخر اتسلقت الجبل كله وطلعت اخر درجه فى الجبل وعديت فلقيت نفسى وصلت لمكان مسطح كله زى سيراميك ابيض كدا وشايفه العربيات اللى المفروض اركب فيها عشان اروح بس انا مش عارفه اذا كان الطريق ده هو اللى هيوصلنى فعلا ولا لاء ؟ ومش عارفه بعد ما تعبت التعب ده كله وطلعت الجبل هوصل للى انا عايزاه وللطريق الصح ولا لاء ؟ وهل ده فعلا اخر حاجه هتسلقها ولا لسه فى طرق جديده و جبال وحاجات تانيه المفروض اعديها عشان اوصل للعربيات وصحيت من النوم
