ازيك يا ماما نجية يارب تكونى فى احسن حالة
انا باختصار حامل فى نهاية الشهر الثامن
انا حلمت من كام شهر وقبل ما اعرف نوع الجنين
انى حاطة ايدى على الكعبة وزوجى جمبى وبدعى ربنا
يارب ارزقنا ب احمد يارب ارزقنا ب احمد
وكنت فى الحلم تقريبا مش حامل
وبعدها فى الحقيقة بشهر كده شفت السونار وطلع حملى فى ولد
وحلمت من كام يوم تانى انى ولدت وبيسئلونى هتسمى ايه قولتلهم فى الحلم احمد
الموضوع بقى ان جوزى من زمان عايز يسمى عمر وانا مش عارفة دلوقتى ومحتارة هل اسمى عمر ولا احمد
وهل الحلم ده بيدل ان لازم اسمى البيبى احمد ولا ايه محتارة ولا بيدل على حاجة تانية
انا عندى 20 سنة متزوجة من سنتين الحمد لله بصلى ونفسيا الحمد لله وحلمت الحلم التانى لما اشتريت هدوم البيبى
انا فى الحققة متزوجة من سنتين وكنت اتاخرت فى الحمل سنة وشهرين بدون اسباب
وكان فيه واحد صاحب زوجى قاله انه دعا لينا بالزرية عند الكعبة اول ما شافها وبكى
مستنية ردك يا ماما وجزاكى الله خيرا
