ازاى حضرتك يا ماما ربنا يديكى الصحة والعافية ويفرح قلبك باولادك يارب ويرزقهم كل الخير فى الدنيا والاخرة - انا حلمت انى فى شقة بنت عمتى وبساعدها فى تحضير الاكل وتجهيز السفرة وعملت سفرة كبيرة اوى وهى كانت بتقولى هاتى الملح هنا وهاتى الكوباية دى هنا وبتورينى طقم صينى عايزاه على السفرة وكمان كان قاعد بياكل على السفرة الممثل احمد السقا - وخلص الحلم ياماما - بنت عمتى اللى فى الحلم اسمها ( سناء) انا مش شفتها بقالى سنين ولا بنسئل على بعض خالص - وفى نفس اليوم حلمت حلم تانى - حلمت انى بفتح دولاب اخوى بس كان عند ماما وبقول ايه ده هى الحاجة متلخبطة كدة ليه اللى فوق تحت واللى تحت فوق راحت مرات اخوى قالتلى ورينى كدة وبصيت وراحت ماسكة برواز زجاج وضغطت عليه راح الزجاج اتكسر فى ايدها راحت اختى زعقت لها واخدت قطعة زجاجة ورميت على وشها وانا قعدت ازعق لاختى واختى عمال ترمى الزجاج راح صباع رجلى الكبير اتعور روحت قلتلها عجبك كدة صباعى اتجرح اهو وبصيت لاقتها حاجة بسيطة واختى قالتلى هى كانت قصد انها تكسر البرواز ده لانه بتاعى وانا فضلت اقولها لاوالله هى مش تقصد انا كنت شايفها هى لسة بتلمسه كدة راح اتكسر فى ايدها وبعدين انتى اللى رميت الزجاج فى وشها وبهدلتى الارض كدة وروحت نزلت على الارض مسكت قطعة زجا وقلتلها شفتى بقا راحت مرات اخوى قالتلى اوعى انا هلمه وانا بقيت اقولها لاخلاص تعالى راحت نزلت على الارض واعدت تلم الزجاج وكمان التراب - وانتهى الحلم يا ماما - علاقتى بمرات اخوى كويس والحمدلله بس فيه مشاكل بينها وبين اخوى وانا الوحيدة اللى واقفة معها
