السلام عليكم يا ماما نجية
انا حلمت اللهم اجعله خير يا رب اني مجتمعة مع اهلي كلهم تقريبا في بيت خالي وهوه ف بلد تانية في الحقيقة يعني كنا مسافرين وانا اصلا كنت بقول اني نفسي اسافر ف الحقيقة ولما نمت حلمت الحلم ده وكان بنات خالي في الحلم وخالتي وامي كلنا ف بيت خالي وكنت تعبانة وسالت اختي على اسم الدوا اللي جابته قبل كده فقالتلي عليه بس خالتي فضلت تتريق عليه ففضلت ادعي عليها ف سري واقول ربنا يخدك ربنا يخدك ورحت ادور على صيدلية عشان اشتري الدوا واختي قالتلي اشتري حاجات لولادها معايا بس انا اتلخبطت ف الشارع فنادت عليه وقالتلي الشارع اللي قبله كنا باليل وكان الشارع فيه نور بس مش جامد ومافيش فيه حد فاختي جت معايا وكان معانا واحدة تانية وبصراحة الشارع كان ضلمة شوية وانا كنت ماشية قدامهم وماسكة عصايا ف ايدي باخبطها ف الارض كده وبعدين فضلت اغني بصوت واطي لان مافيش حد ف الشارع ببص لاقيت واحد معدي جمبي شبه محمود ابن خالتي بس مش هوه وضحك كده اني بغني يعني وقالي ازيك يا ميوي(دلع مي يعني) فانا استغربت وقت ميوي؟ قالي تبقي 0000000اسمي الحقيقي يعني وبس
فيه حلم تاني بقي في نفس الوقت قبل الفجر بس انا خايفة منه اكتر من الاولاني وياريت لو وحش ماتفسرهوش حلمت ان دكتور انا بصراحة كنت بحبه بس بيني وبين نفسي كده والموضوع انتهي بس بفتكر من حين لاخر
المهم حلمت انه بيعملي عملية تجميل في انفي وصغرها وانا كنت مبسوطة مش عشان العملية لا عشان هوه جمبي وكده وزي مايكون بيحبني او هيتجوزني مش فاكرة بالظبط بس بعد ماعملها كانت مش مظبوطة قوي بس برضة مازعلتش وكنت مبسوطة بس هوه ف الحقيقة مش جراح
انا عندي 23 سنة ومش مخطوبة
حالتي النفسية متقلبة شوية
وربنا يجعله خير يارب
وربنا يكرمك ويوفقك
