موضوع: الملابس الداخلية والسمك فى الحلم ياماما نجية الإثنين 26 سبتمبر - 1:09
انا 5 يوم أصلى أستخارة وحلمت بالحلم ده
انا حلمت ان ماما كانت بتنضف البيت ووهى بتنضف قولتلها انا عايزة اكل قالتلى لا انا مش حعمل اكل فااخدت فلوش عشان اكل اخدت فلوس كنت بحسبهم 60 جنيه ففتحتهم لقيتهم 55 جنيه خدت 50 وعطيت لماما 5 وبعدين نزلت رحت فى البيت عند نينا فخالتى قعدت تقولى خلاص متنزليش تشترى اكل كلى معانا احنا عاملين كشرى مصرى قولتلها لا انا حنزل اشترى فراخ مشوية المهم نزلت لقيت خالتى التانية واقفة بتشترى اندرات قطن فقولت لهاانها تشتريلى واخترت اكتر من واحد عطهملها على اساس انهم ليا قالتى لا دول بتوعى وحطيت كل اتنين فى كيسة وشليتهم وبعدين الراجل صاحب المحل جاه وحسبته ومشيت فقولتله انا عايزة اشترى بس ممكن تمشى عشان انا محرجة اتفرج قدامك قالى حاضرفالمحل اللى خالتى كانت فيه لقيت فيه ولدين واقفين فتحرجت ادخل ادور فروحت ادور على اللى انا عايزة فى مكان تانى بس لنفس الراجل مكنتش لقيا اندرات خالص فجالى وقولتله انا مش لاقيه خالص راح مطلعلى علبتين كده من مكان كان قدامى بس انا مكنتش عارفة ان العلب دى فيها اندرات بحسبها حتبقى محطوطة من غير علب زى اللى خالتى اشترتهم فطلعلى اول واحد لونه احمر شيفون كده فى ستان وقالى ده كبير وواسع وكان اكبر من مقاسى قولتله لا انا مش عايزة كده انا عايزة قطن قالى بس ده حيبقى اغلى ب 2 جنيه قولتله ماشى مش مشكلة واشتريت تقريبا ب 10 جنيه فقالى انت محسبتنيش على حق سمك امبارح فقولتله طيب الحسب كام وطلعت من جيبى 150 جنيه وفلوس فكة ووانا بحسبه افتكرت انى نسيت ازازة المية بتاعتى مع العيلة بس لقيت قدامة ازازتين مايه فى كيسة فقولت حخدهم قالى انا انا جبتلك اكبر طوبة ( فى الحلم الطوبة دى نوع سمك بيتاكل ) ففكرت كده قولت فى نفسى لا انا واخدة واحدة عادية لان عندنا فى العيلة بيخبوا الكبير للى هما عايزينه وبعدين بدء الراجل ده يقطعلى سمك تانى وتونة وتقريبا كان حيديلى طوبة تانية وكانت معايا بنت خالتى تقولى ان العيلة حتمشى بالاتوبيس قولتلها لا لسه ساعة الا تلت وبعدين لايمكن يسبونا ويمشوا
انا 25 سنة عزباء متوسطة التدين
الاستخارة بخصوص شخص كنت مرتبطة بيه وانفصلنا ومفيش اى حاجة بينا دلوقتى
بنت خالتى مخطوبة 23 سنة
خالتى اللى كانت بتشترى ام بنت خالتى دى وهى 50 سنة متزوجة
راجية عفو الرحمن عضوة
عدد المساهمات : 108 تاريخ التسجيل : 23/09/2011
موضوع: رد: الملابس الداخلية والسمك فى الحلم ياماما نجية الإثنين 26 سبتمبر - 20:56
الاستخارة بخصوص شخص كنت مرتبطة بيه وانفصلنا ومفيش اى حاجة بينا دلوقتى
هو انا عايزة اوضح لحضرتك ان انا لسه فى حاجة من جوايا ليه عشان كده كنت بصلى استخارة عشان اعرف هو فيه خير ليا ولا لا
ماما نجية شخصية vip
عدد المساهمات : 5535 تاريخ التسجيل : 17/07/2011
موضوع: رد: الملابس الداخلية والسمك فى الحلم ياماما نجية الإثنين 26 سبتمبر - 22:38
لا يا حبيبتى هذا العريس امره انتهى وربنا هيسترها معك وهيرزقك باحسن منه وان شاء الله سوف تخطبى قريبا مثل بنت خالتك والله يسعدك
