السلام عليكم ورحمة الله وبركاته
ازيك يا ماما يارب تكونى بخير
انا حلمت انهارده انى واقفه فى الشارع وكان فيه واحد واقف كده قصادى وتقريبا انا كان فى دماغى انه عريس ليا وانا كنت تقريبا معجبه بيه وبقول ده زيي تقريبا نفس سنى وتقريبا مدرس قلت يعنى زيي مع العلم انا مش بشتغل بس متخرجه من اداب المهملقيت حد ندهلى وخلانى اروح المحل بتاعنا ولقيت واحد تانى عريس حد من قرايبنا جايبهولى وكانوا عاوزنى اشوفه فانا اول ما شفته لقيته ضخم كده تخين وطويل ومش عجبنى وانا قلت انا مش عوزاه وكان فى دماغى انى عاوزه التانى ولقيت اخويا بيقولى خلاص قوليلهم مش عوزاه وقالى حجه اقولها بس مش فاكره هو قالى ايه وبعدين فى نفس الحلم لقيت انى ماشيه فى الشارع ولابسه هدوم اخويا الكبير كنت لابسه بنطلونه الجينز الازرق وقميصه الطوبى وصحيت من النوم ونمت تانى شفت حلم تانى قالقنى
شفت انى موجوده عند ناس مش عرفاهم وقعده عندهم وكنا بناكل على ترابيزة سفره وكنت فاكره انى باكل بطاطس مهروسه بس كانت طعمها حلو اوووى وسألت الست هى عملاها ازاي وقالتلى على طريقتها وبعدين مشيت من عندهم وروحت وبعديت لقيت رجلى اليمين من الجمب تحت كده متعوره تعويره كبيره فانا كنت زعلانه اوووى وخايفه وقلت انا كده اتشوهت فلقيت بابا قالى لو مرحتش هنودديكى لدكتور تجميل يعملك عملية تجميل فلقيت اخويا محمد الصغير مشالى حاجه كده فوقها ولقيتها اقشرت بس طبعا العلامه لسه واضحه وباينه وكانت كبيره فكنت لسه زعلانه ولقيت ماما قالتلى ادهنى الكريم ده وان مرحتش هنعملك عمليه تجميل قلتلها مهو بابا قالى كده برده وقعدت ادهنها وصحيت على كده
طمنينى يا ماما الله يكرمك
انا انسه برقى نفسى الفتره دى وبقرأ البقره لانى حاسه بتعب ومرتبطه بواحد قريبى وللاسف الموضوع واقف ومفيش حاجه بتتم
وانا كنت قلتلك حلم ليه وحضرتك قولتيلى خليه يروح لحد يرقيه او يرقي نفسه ويقرأ البقره
