السلام عليكم ورحمة الله وبركاته
الحلم الاول
ازيك يا ماما ، بصي ياماما انا حلمت النهارده بعد الفجر حلمت بان انا وبنت خالتي الكبيرة كل واحدة فينا عندها خيمة ، هي الخيمة بتاعتها ورا خيمتي وهي فيالحلم المفروض واخدة الخيمة دي عشان تصمم نافورة ميه حلوة اوي ، لقيتها مش بتصمم النافورة ندهت عليها وقلتلها ابدئي خلصي في النافورة بتاعتك لحسن حد يجي يفتش وتبقى مشكلة ، وسبتها ودخلت خيمتي وانا خيمتي كانت زي الفصل او المدرسة فيها اطفااااااااااااال كتير صغيرين في سن الحضانة بعلمهم فيها أ - ب و1- 2 وكده وبعدين جت لجنة تفتش علينا ودخلوا وسئلوا الأطفال ردوا عليهم وبعدين راحوا لخيمة بنت خالتي وفتشوا فيها والحمد لله لقوها خلصت النافورة وسمعاها بتكلم حد وبتقوله ان انا الله يكرمني اللي نبهتها انها تخلص بدري .
اه وبعدين نسيت اقولك يا ماما الخيمة زي ما تكون في مكان زي النادي حاجة زي كده وبعدين خرجت من الخيمة بتاعتي وبببص لقيت زي مياه جاية على الخيمة بس ماية مش كتير عاملة زي الموج خفيف يعني يدوب لمست رجلي .
الحلم التاني
ازيك
يا ماما ، معلش دوشاكي معاييا ، انا امبارح ساعة الفجر حلمت الاتي قمت من
النوم على اقامة الفجر وعيني راحت في النوم لغاية الساعة 5 تقريبا من
الساعة 4 ونص وخمسة الى 5 الفجر وقمت صليت حلمت بالاتي :
حلمت ان انا واقفة بالمدينة المنورة في مطار المدينة ومستنية الطيارة اللي هترجعني مصر وانا زعلانة اني هرجع بقول
انتي
تعلمي يا مدينة رسول الله انكي احب بلاد الله لي ولكن ساعود لمصر لعلي
اتزوج هذه المرة ، ( انا قات كده فعلا وانا جاية من المدينةشهر 12 اللي فات
ما عدا العبارة الاخيرة اللي هي الجواز ) ، وجت الطيارة وجابوا السلم
بتاعها وانا طلعت السلم جري وانا مبسوطة ودخلت لطيارة لقيتها غريبة من جوه
زي ما تكون طيارة خاصة مش عادية اول ما دخلت من الباب على يمين مساحة كبيرة
فاضية وفيها كراسي الطيارة على شكل كنبة مش زي الطيارة العادية ونص وشمال
الطيارة زي الطيارة العادية بس المساحات واسعة بين الكمراسي مريحة والكراسي
بتاعت الطيارة كانها كراسيفيها معدن بتلمع لانها جديدة وببص في الكرسي
اللي انا هقعد عليه لقيت ادامي سماعة زي سماعات الهدفون اللي ببتحط على
الودان ومعاها اسلاك تانية لونها اسود مغلفة في كيس وورقة مطوية كانها ورقة
تعليمات حاجة بس وانا طالعة الطيارة ادوني سماعة فقلت لما السماعة اهه
ادوني واحدة تانية ليه ، المهم الطيارة في اخرها في نصها شباك شايفين منه
ايه اللي بره ، قعدنا والناس مكنتش كتير ، وبدات الطيارة تتحرك وببص لقيتني
شايفة الطيار لقيت الطيارة عمالة ترجع لورا لورا لورا بسرعة وانا عاملة
اصرخ في الطيار انه يستعمل الفرامل ، وزي ما يكون مش عارف او مش فاهم او
الفرامل مش شغالة معاه ، بقيت ابص لقيت الطيارة خرجت من المدرج وداخلة على
الشوارع والبيوت وبقيت اصوت لانها هتخبط في البيوت والعربيات وفضلت ترجع
لورا لغاية ما فجاة وقفت وهي ايه بينا وبين البيوت شعرة وتحت الطيارة كان
واقف عربيتين عربية ملاكي وعربية تاكسي بيضاء وفيها اسود وقعدت اقول الجناح
هيتكسر كده والغريبة انه متكسرش وفضل ثابت .
وفجاة تاني لقيت
الطيارةة بتجري لادام بسرعة رهيبة كانها هتطير وبرضه خفت ورحت قايلة للطيار
فرمل سرعتها زي عالية فرملها فين عقبال مهداها لغاية ما بدات تستقر تاني
بس المرة دي الطيار سمعنى وبصلي وضحك . واناقمت من النوم على كده ، الطيار
ده يا ماما شاب صغير ابيض اللون وشعره اسود شفته من الجنب بس .
طمنيني يا ماما انا خايفة اوووووووووووي يعني ايه الطيارة اللي ببتمرجح دي ومطارتش
انا انسة 32 سنة غير متزوجة ، مقدمة فياكتر من شغل ومجاليش وشغل منهم في التدريس ، حالتي النفسية مش كويسة ، حالتي الدينية متوسطة ، بنت خالتي دي اكبر مني ب 3 سنين ومتجوزة ومخلفة ولد وبنت .
طمنيني يا ماما الله يكرمك
