ازاى حضرتك يا ماما ربنا يديك الصحة والعافية يارب ويحبب فيكى عباده الصالحين ويرزقك الجنة ويرزق اولادك كل الخير والرزق الحلال ويرزقهم البنين والبنات - انا حلمت - انى لابسة فستان فرح ابيض وراكبة اتوبيس سياحى والاتوبيس ده كان ماشى فى مكان جميل اوى اوى وفيه زرع اخضر وانا كنت راكبة قدام وكنت بتفرج وبقول الله ايه الجمال ده هو فيه اماكن جميلة كدة وبعدين الاتوبيس نزلنا فى مكان فيه شجر وكل اللى فيه كانوا لابسين فساتين فرح بيضة بردوه يعنى المفروض المكان اللى الاتوبيس وصلنا فيه ده عملين حفلة كبيرة لكل العرايس وبعدين واحدة زقتنى روحت وقعت على الارض بس قمت بسرعة ولاقيت واحدة تانية زعلانة عشان وقعت روحت قلتلها وايه يعنى طيب ما انا وقعت وقمت اهو المهم اننا نستمع بالطبيعة الجميلة دى وبعدين لاقيت طفلة لسة مولودة جميلة اوى اوى روحت العابها راحت ضحكتلى ومامامتها قالتلى غريبة اوى دى مش بتتضح لحد خالص كويس انها ضحكتلك - وخلص الحلم يا حبيبتى - معلشى يا ماما وحلم تانى - بس ده كان من يومين كدة - حلمت انى راكبة ميكروباص انا وماما وجوزى وولادى وفى ناس تانى راكبين وبعدين شفت طيارة على الارض لسه بتتطلع روحت قلت لماما بصى يا ماما طيارة اهى وبعدها شفت طيارة تانى برده لسه هتطلع وبعدين قلت لماما ايه ده هى الطيارات ايه اللى جابها هنا هو احنا قريبين من المطار ولا ايه راحت واحد قالتلى اه ماهو المطار قريب من هنا وبعدين واحد قالت ايه ده دى مصر للطيران بتوزع بواكى نعناع على الناس وكان فيه واحد واقف فى الشارع وماسك بواكى نعناع وبيفرق علينا وماما اخدت منه وقالتله هاتى تانى عشان معانا اطفال وراحت وزعت علينا - وخلص الحلم على كدة -
