السلام عليكم ورحمه الله وبركاته
ازيك يا ماما نجيه ربنا يحفظك ويخليكى لينا دائما يارب
أمى حلمت
"انها موجوده فى شغلها وبعدين كانت مبسوطه انى دخلت كليه الهندسه ،، بس كانت زعلانه عشان محدش من زمايلها بيبارك لها ،، وبعدين جالها وهى فى الشغل علبه جاتوه وكانت القطع بيضه وكبيره وجميله عجبت ماما اوى وكارت مكتوب فيه من
المهندس/ محمد .......... ،،وكان مكتوب اسمه بالكامل بس هى مش فاكراه بس فاكره ان لقب العيله كان فيه حرف السين..
وكان الكارت و علبه الجاتوه بيكبروا ويصغروا قدمها،، يعنى وهى ماسكه الكارت يكون كبير والاسم مكتوب فيه بخط كبير ويبقى صغير وهكذا.""
انا فعلا فى كليه الهندسه يا ماما ، بس سنه رابعه يعنى دخلت من زمان مش لسه داخله
وانا تدربت الاجازه دى فى مصنع وكان معى فى التدريب فعلا مهندس اسمه م/محمد السمان ،،
وكنت حاسه انه عايز يقول حاجه بس هو مرتبط بالتجنيد بتاعه ،، عشان كده تقريبا سكت
وأمى لا تعمل الان فهى تركت العمل من زمان من لما كنا اطفال
خير ان شاء الله يا ماما ،،، طمنينا.....هل ده معناه ان فى حاجه من نحيته
(انسه - طالبه جامعيه - التدين الحمد لله - أمى هى اللى حلمت الحلم ، وماكنتش بتفكر فى الموضوع ده خالص قبل ما تنام.)
شكرا يا ماما نجيه.
