بصى يا ست الكل انا معلش عندى منامين
المنام الاولانى كل مرة انسى احكيلك عليه كنت شوفت خير الله اجعله خير ان كلنا نقلنا شقة جديدة فى القاهرة وقال ايه كانت فى مدينتى اللى هى فى القاهرة الجديدة (مش عارفة اشمعنى المدينة دى ) المهم وكان كل واحد فينا انا واخواتى فى اوضه كانت اختى ليها اوضه وفيها سرير كبيروحطينالها دولاب (وهى متزوجة ) واخويا ليه اوضه ونصبناله فيها سرير وبقت اوضته اما انا بقا فاوضتى كانت الصالون وكنت المفروض انى لما انام هنام على كنبة الصالون وكان قدامى السفرة فقولت ايه ده معقولة انا هنام فى الصالون كده وقدامى السفرة يعنى يبقى اللى قاعد على السفرة شايفنى كده وبعدين انا هعرف انام على كنبة الصالون واشمعنى انا اللى هنام فى الصالون وكل واحد من اخواتى هينام فى اوضة نوم مقفوله وفيها سريره وكنت عايزة انتقل السفرة مكان تانى يعنى كنت احطها مثلا مع الانتريه بس ماما مش رضيت المهم قلت خلاص هنام فى الصالون وامرى لله هوه الصالون حلو بس كنت مستغربة لان كنبة الصالون تكفى واحد بس وانا هنام لوحدى فيه وفجأة لقيت كنبة الصالون بقت سرير عريض وباقى الصالون موجود عادى ولقيت نفسى شعرى اسود وطويييييييييل وشكلى حلو وروحت ممدة على الكنبة وقلت كويس اهى اتحلت اهى وبقا ليا سرير اينعم فى الصالون بس احسن من نومه الكنبة بتاعته لان انا كل اللى كان مضايقنى فى الموضوع ورايحة جاية اناكف ماما واختى فيه ان اولا ازاى هنام على كنبة الصالون وثانيا السفرة اللى قدامى دى خصوصا كان فيه سفرة تانية فى الحلم موجوده وقولت لماما ما فيه سفرة تانية موجوده عندنا بس كانت قديمة (الظاهر كانت بتاعة ماما باين يعنى من زمان بتاعة بيتنا العادى )قالتلى لا مش لاقيين مكان نحط السفرة دى فى حته تانية وكان الصالون والسفرة جداد ....دلوقتى يا قمر انا مش عارفة معنى وجودى فى القاهرة ايه ومش عارفة معنى كلمة (مدينتى ) دى ايه ووضعى اللى يختلف عن اخواتى ده معناه ايه ...وعلى فكرة يمكن معلومة ليها فايدة بسيونى اللى بدعى بيه من القاهرة وبيشتغل هناك ..... واختى الكبيرة ساكنة معانا هنا فى البيت لان احنا بانيين بيت وهى اتجوزت هنا فى شقتها معانا واخويا له شقة هنا برده لما ربنا يكرمه هيتجوز فيها وانا برده ليا شقة وعلى فكرة اخويا حاليا بيدور على عروسه ربنا يسهله ...بس مش عارفة ليه حاسة ان السفرة القديمة دى بترمز لاحمد اللى مش حصل معاه نصيب اصل لما قولت لماما فى الحلم ما احنا عندنا سفرة قديمة اهو زعقت وقالتلى لا هى الجديدة اللى معاكى دى كويسة ...اصل امى مكانتش بطيق احمد ده دى كرهت كل الاسكندرانية بسببه اصله كان اسكندرانى
الحلم التانى صغنون خااااااااالص
امبارح قعدت ادعى كتييييييييييير فى موضوع بسيونى ده ربنا يفرجها من عنده فشفت رؤيا خير يااااارب انى قاعدة مع ماما وبتسالنى تقريبا عن الموضوع ده وبتقولى هتعملى ايه قولتلها مش عارفة يا ماما قالتلى طب ما تروحى النادى اللى بيتجمع فيه الموظفين عشان تشوفى الموضوع ده والله ما احنا راجعين غير لما تاخدى حد منهم وكنت مستغربة ومش عارفة ماما بتتكلم باصرار ليه كدهمع ان مش طبيعتها ولقيت نفسى وانا بكلمها فى ايدى حلقة مفاتيح كتيييير مش عارفة جت فى ايدى منين ومنهم مفتاح طلعته من وسط المفاتيح وقلت اه هوه ده مفتاح شقتى هوه ده المفتاح اللى هيفتح وهينفع الباب بتاع شقتى وكنت ماسكاه فى ايدى كده من وسط المفاتيح لانه فعلا شبه مفتاح شقتى فى الحقيقة و قلت هوه ده مع العلم انى قبل النوم طلبت من ربنا يورينى رؤية صادقة واضحة فى الموضوع ده اطمن بيها ....ياااااااااااارب يكون خير ياااااااااااارب
