السلام عليكم ورحمة الله وبركاته
ازيك يا ماما نجية ايه اخبارك ، احلامي يا ماما غريبة جدا زهقت منها بجد ، معلش بتقل عليكي يا حبيبتي ، بصي يا ماما انا حلمت ان انا راكبة سفينة في البحر ، والبحر ازرق هادي وجميل والسفينة دي عليها ناس كتير وانا ماسكة في السور بتاع السفينة ماسكة فيه جامد كاني خايفة اقع ، ببص لقيت باب المطعم مقفول والنور منور جوه وواقف ممثلة اجنبية مشهورة اسمها نيكول كيدمان ورا الباب وواقف جوزها السابق توم كروز ادام الباب وكانه بيترجاها بيعتذرها وانا بحاول اصلح بينهم بصتلي وقالتلي بالعربي انها مش قادرة تنسى خيانته ليها وان الالم جواها تعبها ووهو بيترجى فيها وهي بتعيط ومش راضية تسامحه ، وفجاة حسيت برجه في السفينة جريت ابص على السطح لقيت السفينة داخلة على دوامة
والسفينة كانها هتغرق وفعلا غطست في المية ولكن الجزء اللي انا فيه مغرقش وفضلت فوق المايه لغاية ما السفينة رجعت تاني لوضعها الطبيعي ، وبعد كده نزلت من الفسينة مع نيكول وتوم كروز ورحنا فندق فخم جدا وبرضه هو واقف على الباب مش راضية تدخله ، لكن سمحتلي ان انا ادخل وقالتلي هفتحلك الباب تدخلي معايا ، برضه الفندق كان ولا القصور فخم بطريقة رهيبة وقمت من النوم على كده .
الحلم ده يا ماما حلمته يوم الجمعة ساعة ما بين الظهر والعصر ، انا انسة 32 سنة قلقانة من تاخر الزواج ، حالتي الدينية متوسطة ، مقدمة في شغل ومجاليش منه رد ، وفي موضوع عريس بس لسه مردوش علينا . طمنيني يا ماما الله يخليكي
