ازاى حضرتك يا ماما ربنا يديك الصحة ويبارك فى عمرك ويفرح قلبك باولادك ويعجلهم كل الخير ويرزقك الجنة - انا عملت الاشعة امبارح بس لسه الدكتور هيشوفها بكرة ان شاء الله بس الكتور بتاع الاشعة قال لجوزى ان لسه فى شوية ميه على الرئة وان اكيد هكمل كيماوى ولسه بقا لما اشوف راى الكتور بتاعى ايه ايا كان كل خير من عند الله وهطمن حضرتك بكرة ان شاء الله لما ارجع من عند الدكتور هكلمك على التليفون يا حببتى عشان انا بطمن لما اسمع صوتك - ماما يا حبيبتى انا حلمت الحلم ده امبارح - حلمت ان فى البلكونة عندى غسيل حماتى وبناتها منشور عندى وانا بقول ايه ده ايه اللى جاب الغسيل ده عندى وبقول ومين اللى حط المشمع ده كدة على السور بتاع البلكونة وندهت جوزى وبقوله شوف مين اللى جاب غسيلهم عندى راح قالى مش عارف وبعدين اخو جوزى كان موجود راح قالى اكيد اللى نشر الغسيل ده يا ام طلع من البلكونة او معه مفتاح شقتك وبيفتح ويدخل روحت قلتله دى تبقا مشكلة لو حد معه مفتاح شقتى بس ازاى يدخل وانا مش احس به راح اخو جوزى قالى هو تقريبا اللى نشر الغسيل طلع من البلكونة عشان شوفى فى قوالب طوب تحت اهى حد حطها وطلع عليها واللى يعمل كدا اكيد اختى لانها هى اللى تقدر تطلع من البلكونة وبعدين واحنا بنتكلم شوفنا على الاحبال بطنية مطبقة اربع اربعة روحت قولت لجوزى شوف البطانية بتاعتهم كمان وقعت عندنا ايه ده راح جوزى قالى اكيد امى واختى هم اللى وقعوا - وخلص الحلم على كدا - زى ما حضرتك عارفة اننا مش بنكلم اهل جوزى بس ساكنين معانا فى نفس البيت - معلشى يا ماما وفى نفس الحلم - شفت اخت جوزى ماشية فى الشارع ولابسة جلابية سودا وطرحة سودة وحشة اوى ووشها كان اسود اوى وكانت ماسكة اكياس سودة وطلعت البيت وبعدين جوزى خد سجادة ودواسة وفرشهم قدام باب شقتى عشان كان بيروق الشقة وانا روحت خرجت اشيلهم عشان مش حد يدوس عليهم وانا بشلهم سمعت صوت رجالة طالعين على السلم ومعهم اخت جوزى وفضلت اسحب فى السجادة والدوسة عشان ادخلهم جو الشقة وكانوا تقال اوى رغم ان حجمهم صغير وفعلا دخلتهم شقتى قبل مايطلعوا ويدوسوا عليهم وبعدين لاقيت اخت جوزى شافت باب شقتى مفتوح راحت لسه هتبص جو الشقة روحت انا قفلت الباب فى وشها جامد اوى راحت فضلت واقفة ساندة على باب الشقة من برا وبتبص من خرم الباب وبتقول انا شايفة النور برده روحت انا طفيت النور ودخلت لجوزى قلتله انى عملت كدا وقلتله هى اختك بتفرش شقتها جديد ولا ايه قالى لاء دول هياجروا الشقة اللى تحت وبيفضوا شقة لاختى الكبيرة عشان تعيش فيها ووامى واخواتى البنات هيعشوا مع بعض - وبعدين جوزى قالى تعالى افطرى بقا عشان المغرب خلاص هيأذن وكان اللى محضر لنا الفطار الشيخ محمد حسان وانا بقول للشيخ اناا هروح افطر فى بيتى وارجع راح قالى لاء عيب مدام انتى وجوزك عندى يبقوا تفطروا معى احسن - رغم انى الشيخ محمد حسان والفطار كانوا فى اوضة نومى - وخلص الحلم يا ماما - اخت جوزى انسة والاخت الكبيرة اللى بيحضروا لها الشقة متجوزة بس زعلانة مع جوزها اليومين دول وقاعدة عند ماماتها - انا اسفة ياماما انى بطول عليكى وبتعبك معى ربنا يخليكى ليا يارب ويارب اطلع معاكى الحج السنة الجاية -
