ماما انا شوفت منام غريب شوية وبجد اقسم بالله العظيم انا احمد حاليا لا يمثل لى شىء وبقا حتى مجرد رؤيته فى منامى بيضايقنى بس بتفاجىء بيه والله ومش عارفة معنى المنام ده ايه شفته من يومين وحاولت اطنشه بس فضولى الصراحة هيموتنى .....شفت خير يااااااااااااااارب انى زى ما يكون قريبة من الشركة اللى هوه بيشتغل فيها ولقيته واقف مع بنات بيشتغلوا هناك وزى ما يكون قاعد يهزر ويضحك زى عادته فانا لقيت روحى فجاة مش محجبة ولابسة نص كم كده فقولت انا مش عايزاه يشوفنى وانا بالشكل ده وروحت خدت بعضى ومشيت بسرعة لقيت جاى ورايا بسررررررررعة وراح زى ما يكون عامل ببقه حركة كده او زى ما يكون نفخ هوا من بقه وجه على وشى وكان قاصد يعمل كده عشان يشد انتباهى وكان ساعتها لابس لبس رياضة كده كان لبس كورة زى شورت وتيشرت فانا رجعتله وقلتله ليه نفخت فى وشى كده وكنت مبتسمة عشان مش يحس انى اتضايقت من الحركة وبعدين سلمت عليه عادى وقعدت وغطيت شعرى ودراعى بايشاب موف كده عندى اصلا فلقيته بيقولى انا لا يمكن هقعد جنبك كده وانتى شعرك فيه خصل لونها اصفر فانا ابص لشعرى يا ماما فى المرايا ملا قيش فيه ولا شعراية صفرا واقوله مفيش فى شعرى حاجة يقولى لا فيه وانا ابص كويس فى المرايا والله العظيم شعرى اسود وزى الفل وما فيه حاجة ملونة خاااالص المهم كنت ماسكة الموبايل بتاعى فى ايدى لقيته بيحاول ياخده منى وعايز يقلب فيه عمل الحركة دى مرتين وانا امنعه وابعد الموبايل عنه وبعدين جيت ابص فى ايده لقيته لابس دبلة من العاج فسالته عن خطيبته عشان برده ميحسش بحاجة لقيته بيبوس الدبلة وبيقولى هى حلوة ومش حلوة وكويسة ومش كويسة واجاباته عايمة كده المهم وانا ماشية معاه شفت منظر عجيييييييييب جدا شفت ولدين صغيرين بيطلع من بين ايديهم نار وببص لروحى فى المرايا لقيت سبحان الله لاقيتنى بعد ما كنت مش محجبة ولابسة نص كم لاقيتنى فجاة ببص لنفسى فى مرايا كده لقيت روحى لابسة قميص ابيض جميل وايشارب ابيض جميل وكان وشى حلو جدااااااا وكان مكياجه جمييييل ومخلى وشى حلو اوووى وكان شكلى وقور جدا وزى ما يكون ربنا انزل عليا لبس بعد ما كنت قاعدة جنب الواد ده ومش مستوره وقلت لا انا لااازم امشى من جنب الواد ده مادام ربنا سترنى يبقى مفيش داعى انى افضل قاعدة جنبه كده وسبته ومشيت فعلا بعد ما لقيت نفسى شكلى حلو ولبسى حلو كده وخلص المنام ...خير يا امى ...
