ازيك يا ماما نجية يارب تكوني في اتم صحه و سعاده
الحلم دا لواحده صاحبتي
حلمت خير اللهم اجعله خير انها عند والدتها في البيت (هيا متجوزه ) و كانو فوق السطح و كانت مامتها بتكنس السطح
فصاحبتي دي بتقول هيا بتبص كدا علي المكان اللي ورا البيت فلقته فاضي (هوه كان فاضي زمان بس دلوقتي فيه مباني )
فبتقول لقته فاضي و لقت الارض بتلف يعني الناس راسها تحت و رجلها فوق وكل حاجه مقلوبه فسالت مامتها ايه دا يا ماما قالتلها دا يوم القيامه
فبتقول نزلوا ودخلوا البيت و كان في البيت اخواتها نجلاء ونهال والاتنين متجوزين ففتحت لهم الشباك اللي بيطل علي المكان دا وقالتلهم بصوا دا يوم القيامه
فضلو يتفرجوا شويه و بعدين بان لهم مبني كبير اوي قد مابين السما والارض فبتدقق فيه لقته زي كنيسه و فيها شبابيك كتير اوي اوي
بس وخلص الحلم علي كدا
صاحبتي دي عندها 26 سنه و متجوزه
والحمد لله متدينه تدين متوسط
