حلمت إنى فى بيت غير بيتنا وقاعدة أنا وخالى وأولاد عمى( فى الحقيقة ولاد عمى واحد نفس سنى وواحد أصغر منى بحوالى خمس سنين وأنا مش بكلمهم ولا بخرج أقابلهم لما ييجوا عندنا وده قليل لما بييجوا أصلاً)ولقيت كمان خالى وكنا قاعدين نتكلم وتقريباً بنت بنت عمتى عندها حوالى 12 سنة وبعدين مشيوا بعدها أنا كمان نزلت لقيت ماما رايحة تفرز لبن مع إننا مش عندنا جاموسة صحيح احنا عايشين فى قرية لكن مش عندنا جاموسة وأنا عارفة المكان اللى هيه راحت تفرز فيه ده لقيته على باب الشارع اللى أنا واقفة فيه بس فى الحقيقة البيت اللى حلمت بيه ده مش فى الشارع ده تقريباً أو يمكن فيه لأنى بقالى كتير مش رحت هناك المهم جيت أطلع كنت متلخبطة ودخلت بيت غير البيت زى ما أكون مش عارفة شقتنا فى أى عمارة لقيت ستات فلاحين كده قاعدين كل واحدة أمام بيتها وبيقولولى لا يا حبيبتى العمارة التانية بيتك فيها مش اللى أنتى دخلاها دى سمعت كلامهم وطلعت العمارة اللى قصدهم فيها لقيت النور قاطع خفت ونزلت قلت هستنى ماما لما تيجى أخت صديقتى عدت كده عليه ولابسة طرحة صغيرة مع إنها بتلبس خمار ومش كلمتنى هيه فى الحقيقة مش بتكلمنى زى بقيت أخواتها مش عارفة أناعملالها ايه أما فى الحلم مش فاكرةأنا أعطيتها ظهرى أول ما قربت منى لأنى مش بحب حد يشوفنى ولا يكلمنيش أو إنها شافتنى من غير ما تكلمنى بعدها لقيت نفسى قريبة من شارع عمومى وناس ماشيين بواحدة عايزة تولد محطوطة على عربية وعمالين ينادوا أى واحدة بتعرف تولد تطلع وأنا بقيت خايفة على الست دى جداً وبعدين لقيت نفسى واقفة فى وسط عربيات رايحة جاية وأناعمالة أنقذ نفسى واعدى من بين عربية والتانية و من ضمن العربيات دى عربية أستاذى كان بيسوقها وبعدين لقيت نفسى عديت الناحية التانية من الطريق وبابا لقيته مستنينى ومشينا مع بعض ولقيته بيقول لواحد السلام عليكم فلان الفلانى طلع من المستشفى خلاص واحد حلاق يعنى وبعدين سألته هوه كان فى المستشفى ليه يا بابا لقيته بيكلمنى على عمى مش اللى ولاده كانوا فى أول الحلم لا عمى التانى وبيقولى أصله كان عنده شوية إكتئاب كده وبعدين كلمنى على بنت بنت عمتى الصغيرة دى وقالى ينفع يعنى تقول اللى قالته ده وتقريباً كمان قال وتعطينى الفلوس دى قلتله يا بابا دى بنوتة صغيرة ومش فاهمة حاجة برده مش تزعل ودخلنا على شقة بابها مفتوح زى ما تكون شركة طباعة صغيرة يعنى الباب كان مفتوح ولقيت على باب الشقة تحت على العتبة إيميل كده أنا كنت عملاه لما كنت فى الشركة دى قال يعنى كنت بشتغل فيها وكان ده الإيميل الخاص بى فى التعامل مع أى زبون ييجى للشركة دى وقلت لنفسى شكلهم عمرهم ما هيستغنوا عن إيميلى ده والشركة هتكبر بيه لأنهم كاتبينة على حاجة كده على العتبة بتاع الباب ودخلنا المدير كان شخص مش شفته قبل كده وأنا مش فاكرة ملامحه برده بابا قاله عايزين نطبع الرسم الهندسى ده مش عارفة لموقع ولا عمارة ولا ايه بس بابا مدير مساعد فى شركة مقاولات يعنى وبعدين الراجل قال لبابا على السعر المطلوب وبابا وافق بس رجع قاله إن فيه جزئية مش هينفع تنطبع هل الشركة عيزاها بابا قاله آه الراجل قاله مش هقدر أطلعها فى الطباعة بابا قاله خلاص مش مشكلة وبعدين واحنا خارجين الراجل ده نادالى وقالى تعالى أنتى اسمك ايه قلتله (.......) لقيته بيقول معناه ايه بقى قلتله معرفش لقيته كتبه عى سبورة وبيقولى بقى معقولة مش عارفة معنى اسمك أنا اسمى معناه واضح فى الحقيقة بس مش عارفة هل أنا مش كنت عايزة أطول فى الكلام معاه ولا ايه لقيته بيبدل نقطة فى أول حرف من اسمى وبدل ما هى تحت بيحطها فوق وبابا كان واقف بعيد شوبة عن باب الغرفة اللى بنتكلم فيها وباب الغرفة التانية اللى واقف بجوارها كان فيها راجل كبير نايم وجهه للحائط بابا كان عايز يدخل يكلمه بس حس إنه نايم وتعبان فقال بلاش خليه نايم والراجل اللى أنا واقفة معاه ده عمال يفتح درفة دولاب بابها من قماش مش من خشب ويجيبلى عبايات زى فساتين كده ويقول ده لا بلاش ده ويجيب حاجة تانية وأنا واقفة ببص عليه مش بتكلم ومش عارفة لقيت صديقتى بتقولى يا سلام يا أختى أنتى واقفةكل ده معاه بيكلمك مش عارفة كنت بحكى ليها الموقف لما روحت ولا هيه جاءت تنادينى وأنا عنده بس تقريباً حاولت أقولها يا بنتى بابا كان واقف معايا مش كنت لوحدى.
أنا الحمد لله بحاول أكون ملتزمة وأقرب من ربنابكل الطرق حفظ القرآن محافظة على الصلاة والنوافل
حالتى النفسية شوية مبسوطة وشوية زعلانة نفسى أى تغيير يحصل فى حياتى ربنا يرزقنى بالزوج الصالح والذرية الصالحة أو شغل
