ndigo]18]السلام عليكم ورحمة الله وبركاته
ازيك يا ماما نجية ايه اخبارك ، يارب تكوني بخير ، بصي يا ماما انا حلمت امبارح الاحد كنت نايمة من 2 ونص ل خمسة ونص الظهر ، حلمت حلم غريب وطويل كنت فيه بجري من مكان لمكان ، بس اكتر حاجة فكراها اخر مشهد في الحلم قمت عليه ، حلمت ان انا راكبة عربية معايا والدتي واختي الاصغر مني وهي مخطوبة من شهر ونص ، ومعانا راجل غالبا بابا وانا بتخانق معاهم واقسمت ان محدش منهم هيجي معايا المشوار اللي انا ريحاه ، وان دا مشواري انا وماما قعدت تقول حلفتي ليه ان محدش هيجي معاكي هتروحي لوحدك كررتها كتيرررررررررررر ، المهم وصلت موقف الاتةبيسات عشان اركب الاتوبيس اللي مسافر العريش ، رحت الموقف لقيت فيه اتوةبيسين اتنين الاتنين لونهم ازرق فاتح وفيه خط ازرق غامق زي اتوبيسات السي تي ايه اللي بتمشي في القاهرة ، المهم الاتنين واحد يميني والتاني شمالي اللي على يميني اليافطة بتاعته لونها ابيض والكتابة احمر القاهرة العريش وجنبها كلمة زي المساعد مسعد كده ، والاتوةبيس اللي على الشمال اليافطة ابيض ومكتوب عليهات بالاخضر القاهرة العريش ممتاز، ببص على الاتوبيس اللي على اليمين لقيته مليان ، لكن الاتوبيس اللي على شمالي فاضي مفيهوش اتنين تلاتة ، قلت اركب فيه ،رحت اركب لقيت الكمساري بيقولي لا دا هيوديكي ابعد من العريش مش هيوديكي المكان اللي انتي عيزاه فبقوله بس دا مليان قلي لا في مكان فاضي ليكي روحي اركبيه ، فعلا جريت على الاتوبيس وركبته لقيته فعلا مليان بس في مكان فاضي ، واول ما طلعت الاتوبيس الاتوبيس بدء يتحرك ، فانا قطعت تذكرة وبقول للكمساري تذكرة فاداني حاجة غريبة اداني خاتم بلاستيك وفيه كريزة (عارفة حضرتك المصاصة اللي على شكل خاتم هي كده )ى وهو بيضحك اووي ، خت الخاتم وانا مستغربة ومش مصدقة دي التذكرة ، وبعد ما ركبت اكتشفت ان معايا شنطة واحدة فيها هدومي وشنطة الورق مش موجودة ، فقلت هبقى اكلم اختي منى وتبعتلي الورق اللي ناقص بالفاكس ، قعدت اقول كده بس كات الاتوبيس اتحرك معرفش اختي سمعتني ولا لأ.
دا ايه بقى يا ماما اضغاث احلام ولا ليه معنى ، لحسن انا احلامي ملخبطة ، بصي يا ماما انا انسو 32 سنة مش متجوزة ، حالتي الدينية متوسطة ، قلقانة من تاخر الزواج والشغل الل يمقدمة فيه ومجاش منهم رد ، مع العلم ان الشغل ده في العريش فعلا . طمنيني يا ماما [/size]
