انا حلمت يا ماما اني كنت ف المنطقة اللي ساكنة فيها مامتي قبل كده مع ان ف الحقيقة انا مش بروح هناك خالص من زمان ,, المهم حلمت ان فيه حاجات غريبة جدا بتحصل وان فيه ناس معرفش دول مين قاعدين بيرموا كرات من النار على عمارة كده فيها ماما وصحباتها وبعدين اترمت مرة كرة نار فجرت العمارة كلها ولقيت كل الناس نجت ولقيت ماما مش معاهم فقعدت اعيط جامد اوي لاني كنت فاكرة ان ماما اتقتلت بس اما سألتهم عليها قالولي لأ دي الحمد لله نجت وبعدين انا روحت شفتها .... وبعد كده فجأة اتغيرت كل حاجة ولقتني ف عمارتنا القديمة اللي كنا ساكنين فيها و وانا هناك طلعت فدخلت بيت ناس جيرانا ولقيتهم عاملين زينة ف بيتهم وقاعدين وزي ما يكون عندهم مناسبة سعيدة فسلمت على جارنا دا وسلمت على ابنه الكبير و وانا بسلم على ابنه راح ابنه دا سلم عليا وقالي سمسم حبيبي ازيك ... بس وبعدين مشيت وقابلت بقية الجيران وسلمت عليهم ..
معلش انا طولت ف الحلم اوي بس ليكي الثواب اما تفسريه ان شاء الله
