السلام عليكم
ازيك يا ماما نجية انا جيت جري اول ما حضرتك قولتيلي
ربنا مايحرمنيش منك ويخليكي لينا
انا بقه عايزة احكيلك على حلم بالتفصيل الحلم بتاع باب
انا حلمت ربنا يجعله خير ان كلنا انا واخواتي وامي متجمعين في البيت وتقريبا كان معانا خالتي كمان
المهم محمد اخويا كان جايب اربع تماثيل قماش على شكل رجالة وراكنهم في البيت وكان فيهم واحد شكله شرير قوي وكان بيتحرك وبيقعد يبص بعنيه بصات مخيفة وانا كنت مستغربة قوي واختي كمان اخدت بالها
وبعدين هيه كانت قاعدة على سجادة الصلاة فقلتلها شفتي التمثال ده انا خايفة منه وبيتحرك ساعات فقالتلي خلي حمادة(على محمد اخويا) يشيلهم من هنا تلاقي التمثال ده هوه اللي بياخد الحاجات اللي بتضيع من البيت
فلما جه محمد قلتله شيل التماثيل دي من هنا قالي يابنتي ارميهم ازاي انتي عارفة دول بيتباعوا بكام بره دا انا جايبهم من خالك اسماعيل كده من الحاجات اللي عنده هديه(خالي متوفي اسمه اسماعيل) قلتله ماليش دعوة خدهم احرقهم عند المزرعة فيهم تمثال بيتحرك وخبيث قالي لا المزرعة هزرع عندها شجر كبير قلتله خلاص انا مش هدخل الشقة دي طول ماهما هنا
وبعدين فجأة حسيت ان التمثال الخبيث ده بيتصنت علينا جريت اشوف لاقيت حد ورا الباب فجريت وقلت هوه اهه وببص لاقيت والدي الله يرحمه بيجري ورايا بالعصاية عشان يضربني فبصيت وابتسمت وهو ابتسملي وقربت منه ومسكت العصاية وقلتله كده يابابا عايز تضربني وحطيت خدي على خده وكنت مبسوطة خالص
طبعا لو حضرتك تفتكري انا كانت اتقرت فتحتي وبعدين وصلني كلام وحش عن العريس ففسخت بعد ماكنت شايفاه مناسب
وربنا يكرمك امين
