الدعاء وذكر الله في الحلم

ازيك ياماما نجيه يارب تكوني بخير
انا حلمت امبارح برساله وكان فيها دعاء
الرساله المفروض من واحد كان هيرتبط بي بس محصلش نصيب والموضوع اتاجل بس الكلام ده من زمان من حوالي سنتين
والموضوع متفتحش خالص
كان كاتب في الرساله انه تعبان اوي
وفاخرها كاتب دعاء بس مش فاكره كان دعاء استخاره ولا ايه
بس مضمون الكلام ان ربنا لو كاتب انه يرتبط بيا يعني ربنا يتم الامر ولو مش كاتب يريحه او كده

واليوم اللي قبليها حلمت اني فعربيه مسافره وكنت باقول اذكار ( ودي عدتي في الحقيقه )
وكان في واحده اعده جمبي وكنت مستغربه مني اوي
وانا في العاده ببقى بقول الاذكار بيني وبين نفسي من غير ماحرك شفايفي
لكن في الحلم انا كنت بقولها بصوت عالي شويه
وبعدين البنت سالتني انتي بتقولي ايه
فقولتلها انا بذكر ربنا فدحكت وبدات تذكر ربنا وقالت استغفر الله العظيم واتوب اليه

الحلم الاول كان عليا الدوره فيه مش عارفه كده ممكن يكون من الشيطان ولا ايه ؟
والحلم التاني كنت طاهره فيه ومتوضيه قبل مانام