ازاى حضرتك يا ماما معلشى بتعبك معى يا حببتى - الحلم ده اختى حلمته ليلة 27 رمضان - هى حلمت - انى انا وهى واختنا الصغيرة راكبينا عربية والعربية دى بتاعتى وانا اللى كنت سايقة العربية وبعدين لاقينا شباب واقفوا ادامنا وعايزين يغتصبونا وانا نزلت من العربية وفضلت اعيط ليهم واتحايل على الشباب انهم يسبونا واختى الصغيرة نزلت بس وقفت تتفرج من بعيد واختى التانية فضلت جو العربية بتفكر ازاى نهرب من الشباب دول وانا كنت مرتبكة جدا وخايفة وبعيط وبعدين اختى نزلت من العربية وبصت على عمارة ادامها وعملت نفسها بتكلم واحد فيها وفضلت تقول ايوه يا احمد تعال بسرعة لحسن فى شباب بتضايقنا هنا يلا يا احمد تعال بسرعة راحوا الشباب خافوا ومشيوا وراحت اختى الصغيرة دخلت العربية وقعدت ورا وبعدين انا واختى قعدنا على الكرسى اللى قدام كاننا هنسوق احنا الاتنين وانا بعيط وبقول لاختى لا مش هقدر اسوق واختى بتقول لا لازم تقدرى ما تخافيش هما خلاص مشيوا حاولى تسوقى بقا لانى مفيش حد غيرك يعرف يسوق وكانت ايدى ورجلى بتترعش من الخوف واختى عمالة تهدينى وقعدة جنبى وماسكة الدريكسيون بتاع العربية وبتقولى حاولى تسوقى انا مش بعرف غير امسك الدريكسيون بس لكن انتى بتعرفى تسوقى اهدى كدا وحاولى تسوقى وبعدين بطلت عياط وهديت وروحت سايقة بهم العربية راحت اختى سابت ايدها من على الدريكسيون وقعدت على الكرسى اللى جنبى واختى الصغيرة كانت ورا - وانتهى الحلم- اختى الصغيرة اللى قاعدة ورا حامل - واختى اللى جنبى مش حامل -
