تفسير احلام يوم الاثنين الموافق 2\20 ان شاء الله

الحلم 1
سلام عليكم رايت انني ادخل في فتحة مدورة كالنفق المظلم اسود احسست بروحي تسري فيه فقلت لنفسي هل انا مت هل هذا هو الموت متى يفرج الله عني فخرجت منه ورايت زوجي يلبس قميصا ابيض ويقول وجدت فرصة عمل سارحل واسافر ثمانية اشهر ثم قلت في نفسي هذا هو الطلاق
بعد تسعة ايام تقريبا تحققت رؤياي وسافر زوجي فعلا واخذ معه بناتي غدرا  وحالتي صعبه جدا
اريد ان اسالك ياماما عن تفسير المنام وهل المقصود بالشهور هو انه سيعود بعد 8 شهور او سيحدث الطلاق بعد 8 شهور وشكرا

رقم 2 ...حلمت ان زوجى اخدنى و مشينا فى شارع بس مش عارفة كنت فى عربية ولا ماشيين ..و لقيت محلات لبيع الذهب محلين او تلاتة و بعدهم محل لبيع الفضة و قلت عايزة اشترى ميدالية فضة ...و لقيت زوجى دخلنى فى بيت بس زى دخلنا من باب خلفى و لقيت نفسي فى حجرة زى الانتريه كده ...و قعدت بس لقيت سلفتى جاية و زى ما يكون ده بيتها و جات تقول لى تعالى فى الحجرة التانية فيه ناس موجودين و قالت انى لازم اقعد جنب سلفتى التانية ...ذهبت الحجرة الأخرى لقيت سلفتى التانية و سلمت عليها و بعد كده لقيت 3 ستات لابسين طرح طويلة شوية و سلمت عليهم واحدة واحدة و قلت أهلا و سهلا لكل واحدة و فى الاخر قلت حمدلله على السلامة ..الستات شكلهم كبير شوية فى السن و الست التالتة كانت أكبر...و كانوا مكسوفين ووشهم فى الأرض...و قعدت جنب سلفتى التانية ...اتكلمنا شوية بس مش فاكرة الكلام بس سلفتى قالت انها بتطبخ العدس فى حلة كبيرة كان معاها بنتها الصغيرة مريم .....سلايفى الاتنين عندهم أولاد و بنات فى الجامعة و المدرسة و فيه ابن خاطب ...

الحلم 4

حلمت اني قاعدة انا واخويا الكبير واخويا التاني الله يرحمة واخويا الكبير كل شوية يسألة انت مش هتاخد حد وانت ماشي طب هتاخد اميرة اللي هي انا وتحسي انة عايزة ياخدني اخويا الله يرحمة ابتسم وقالة دي زي بنتي اللي ماخلفتهاش اخويا الكبير اتعصب علية وقالة داانت ماكنش حد من اصحابك بيتقدم لها وتوافق علية دا انت كنت هاتعنسها سكت وشوية ودخل نام علي كنبة الانترية وحاوط نفسة بالكراسي عشان ماحدش يقرب وانا دخلت اوضتة الله يرحمة ونمت فيها وصحيت بصيت علية ودخلت نمت تاني 


وحلمت برضة بماما انها اخدتني لزيارة واحدة قريبتها عشان ابنها يشوفني ويتجوزني وابنها رجع من الشغل اول ماشفتة اتضايقت جدا وقلت لماما عايزة اروح هو اة ظروفة المادية والاجتماعية ممتازة بس تحسي انة مريض نفسي طلع من اوضتة وقعد يرش الشقة كلها بمعطر والسجاد وكل حتة وانا اصلا متجوزة وعندي اولاد هاتجوز ازاي قالولي عادي بس كنت متضايقة منة جدا

حلم رقم 5
حلم لواحدة قريبتى هى حلمت انها فى الشقة اللى تحتها (ودى شقة فاضية حاليا ) وفيها باباها واعمامها ودول كلهم متوفيين
وزى مايكونو بيتكلمو فى ميراث وبعد كده اتخانقت مع ابن عمها (هو عايش) وبعدين سابته وطاعلة شقتها مالقتش المفتاح وبعدين لقيت كتلة مفاتيح كبيرة واقعة على الارض قدام الباب وجارتها اللى قدامها كانت بتدور على مفاتيح شقتها ايضا وبعدين خدت كتلة المفاتيح دى وجربت تفتح باب شقتها واتفتح

حلم رقم 6
الحلم لوالدتي حلمت انها في الصالة وبترفع طرف السجادة لقيت تحتها دوود كتير ابيض راحت علشان تجيب المكنسه وتكنسه وقابلت اخواتي قعدو يتكلمومعاها ولمارجعت مالقيتش الدوود ودورت عليه كتير مالقيتهوش
الحلم التاني ليها شافت دبلتها مكسورة
ملحوظة والدي متوفي من 5 سنوات

حلم رقم ٧
عمي حلم لولدي حلم خير اللهم اجعله خير انه ماشي ووراه جيش كبير هو مش عارف يجيب اخره وكلهم لبسين اخضر وبابا متقدمهم بخطوه وهو لابس اخضر وليه جناحين كبار اوي لونهم ازرق وبعدين وقف على اطراف اصابع رجله وهيطير
بابا لسه متوفي يوم الاحد وادفن امبارح والحلم ده بعد صلاه الفجر

حلم 8 
رايت ان في الفصل والمديرة دخلت وشافت دفتر الغياب لقته كامل ومضت وخرجت وبعدين مةجه كبير جه للغياب بس وقعد يشوف الغياب بس لقاه كامل ومضي وخرج 
انسة اعمل معلمة 
مفيش حد بيجي للغياب بس والمديرة لما بتدخل مش بتفتش ع الغياب بسبتفتش ع كل حاجة

رقم 9...حلمت انى نازلة من عمارة و لقيت خروفين لونهم اسود و حجمهم أكبر من العادى ..و خفت شوية و لما جيت اعدى من جنبهم كنت بقول انهم مربوطين ..الخروف الأول كان على جنب و ما عملش حاجة و التانالتانى كنت معدية جنبه على طول و هو عمال بحاول يقرب منى و يدعك رأسه فى ايدى و انا خايفة و لقيت راجل تقريبا هو صاحب الخروف و انا بقول له انى خايفة