تفسير احلام يوم الاثنين الموافق 9\14 ن شاء الله

الحلم 1

حلمت اني واقفة ف البلكونة مع اخويا الله يرحمة وواقف يشرب شاي وبنبص ف الشارع لقينا عريية كبيرة وقفت قدام بيتنا ونزل ولد يمسح فيها وبعدين نزل منها ظابط وكأنة جاي يزور اختي وهي اصلا جوزها مسافر اخويا لما عرف اتضايق وبدأ يرمي علية الشاي وانا ابتسم للظابط واقولة اسفة مش قصدة واخويا دخل يلبس وينزل وانا دخلت ااكلة زبادي ويقولي شبعت اقولة هاتخلصها كلها قالي كفاية هارجع قلت لة خلاص وبابا دخل علينا يدور علي الديب فريزر يحط في حاجة قلت لة ماهو مكانة اهوة قالي امك فين خفت اقولة ان في راجل غريب تحت قلت لة في واحدة بتزور نيللي اختي وهي نزلت تسلم وكنت خايفة ينزل ويلاقي الراجل

رقم 2..حلمت انى فى اوضة النوم بتاعتى و لقيت جوزى راقد ع السرير و متغطى وفيه واحدة بنت سنها تقريبا 14 مثﻻ نايمة جنبه وانا اتضايقت انها جنبه وكمان رجلها كانت جاية على الكوفرتة وانا قرفت من رجلها و زى جوزى نايم على حرف السرير و هى جنبه و باقى السرير فاضى و بنتى الكبيرة قاعدة ع السرير برضه و لقيتنى كمان قاعده ع السرير من الجنب التانى و لقيت هدوم بلوزات كتيرة و قلت لبنتى الكبيرة ان البلوزات دى بتاعت اختك خدى علقيهم و قلتلها هما كتير ممكن تعلقى اتنين اتنين مع بعض و هى اخدتهم و بدات تعلقهم و كانت الوانهم مختلفه و انا فاكرة واحدة لونها احمر ...بنتى الصغيرة فى المدرسة فى اﻻعدادى

الحلم رقم (٣)
الحلم ده لواحده صاحبتى 

انا كنت تعبانة وبتحصلى حاجات غريبة فى الشقة ارق رهييييب وهلع  وقالو سحر وكنت بتعالج بنت اختى حلمت بيا فى ان واحدة لبسه اسود  وطرحة سودا وسمرا جدا ماسكة شوال فيه خنافس وعماله تاخد من الشوال وترميهم عليا وانا اموتهم بايدى وبذكر الله وبقرا قران وهالست دى تصرخ فيا انتى مش بتموتى ليه وترمى تانى وانا اموتهم لغايه ماالشوال خلص وهى فضلت تصرخ ووقعت ماتت من الحسرة بس كانت بترمى عليا الخنافس لما بضعف واول ماترمى افوق واموتهم

الحلم رقم ٤

السلام عليكم ورحمه الله وبركاته


كل سنه وحضرتك بألف خير وسعاده ياااااااااااارب

انا حلمت انى فى فرح بنت خالتى فى بلد غريبه وجوز خالتى جايب واحد متجوز واحده صاحبتى هو صعيدى لكن عايش فى المنوفيه عندنا و عنده فرن وبيعمل مخبوزات المهم ان جوز خالتى جايبه الفرح يعمل فطير ومخبوزات للمعازيم ومأجرله زى شقه يعمل فيها حاجته ومعاه مراته الشقه دى كانت بعيده شويه عن الفرح
وانا موجوده مع المعازيم وبعدين زهقت قولت اروح ابص على صاحبتى دى 
روحت لاقيت جوزها بيبيع الفطاير والمخبوزات للناس استغربت اوى ازاى يعمل كده دى مش حاجته ومش المفروض يبيع لحد هو جاى يعمل للفرح وواخد حسابه 
ولاقيت ٢ ستات و٢ رجاله بشتروا منه وبعدين بيقولوا لصاحبتى بتبيعى أكل بيتى قالتلهو والله لا ده انا بعمل أكل للفرح علشان المعازيم قواللوها طيب عايزين نشترى منك محشى قالت والله مش عندى وهما مصممين انها عندها محشى للبيع 
قالتلهم طيب ادخلوا شوفوا البيت علشان تتأكدوا ودخلت هى والستات اوضه وجوزها والرجاله اوضه وانا مش رديت ادخل معاهم انا وقفت مستنياهم فى الصاله بين الاوضتين
اتأخروا عليا ومش سامعه صوت ولا حد بيخرج قلقت وفتحت الباب اللى فيه صاحبتى شوفت ست من ضهرها خوفت وجالى احساس ان الناس دى قتلت صاحبى وجوزها وطلعت اجرى فى الشارع
خوفت حد منهم يشوفنى قولت اجرى بين البيوت لكن انا معرفش البلد ولا اعرف حد فيها جريت ولاقيت ست منهم ورايا بتقولهم اهى هناك 
ودخلت شقه كان فيها بابا وماما وقولت لبابا اقفل الباب بسرعه 
قفل الباب والناس خبطت على الباب جامد وقولت لبابا متفتحتش هيموتونا استنى لما انط من الشبك وروحت عند الشباك علشان اهرب منه 
وصحيت على كده

جوز صاحبتى صعيدى وفاتح مخبز عندنا هو واخواته واختلف معاهم وعايزنا ندخل شركاء معاه فى مخبز وينفصل عن اخواته لكن لسه مفيش شراكه حصلت بينا ده مجرد كلام لسه

ربنا يجازيكى كل خير يا ماما ويديكى الصحه يااااااااااارب

رقم 5...حلمت حلم غريب ..حلمت انى شايفة بنتى الكبيرة ماسكة سور البلكونة و عمالة تعمل حركات اكروبات فى الهوا وهى ماسكة السور بس و كانت صدرها عريان يعنى ﻻبسة بنطلون بس و مش ﻻبسة حاجة على نص جسمها الفوقانى ..و كان شكل الثديين باين و لقيت ابنى واقف و شايفها و انا قلتله ازاى سايب اختك كده مش شايف ان صدرها عريان ازاى ساكت كده

الحلم رقم 6
السلام عليكم ورحمه الله وبركاته
ازيك يا ماما عامله ايه
انا حلمت خير انى بتصل بعمى اساله على بابا علشان اتاخر مجاش فردت عليا مرات عمى وادتنى عمى وحسيت انه بيتوه فى الكلام فقلتله بابا جراله ايه وقعدت اعيط واقوله هوه بابا مات وقعدت اعيط جامد ومرات خالى اسمها امال كانت عندنا وهيه واخواتى كانو حاطين الاكل وبياكلو بس انا كنت اكتر واحده كنت بعيط لان فى الحلم كان المفروض انه كان تعبان جامد قبل كده فكانو متوقعين موته فمعيطوش كتير انا اللى كنت بعيط جامد اوى وببص من الشباك لقتهم شيلين بابا الله يرحمه على النعش بس مكنوش مغطين وشه كانو مكفنينه بس وشه باين فقعدت اعيط جامد وبصيت تانى من الشباك لقيت الرجاله مغرقين الشارع زى مان فى جنازته الحقيقيه وانا ببص شفت واحد قريبا اسمه محمود ده كان بيحب بابا اوى وبابا كمان كان بيحبه شفته كان بيعيط وانا ببص هوه كمان كان بيبص لفوق وشافنى وانا كنت بعيط ودخلت من الشباك بس انا كنت فى شقتنا اللى تحنا فيها دلوقت لكن الشارع كان شارع عمى اللى كان فيه جنازه بابا الحقيقيه
مع العلم انى انسهومش متجوزه وبابا متوفى

حلم رقم 7
ازيك يا امي مش بقيت بقول لحد يا امي غيرك بعد ماما الله يرحمها
لى واحدة صحبتي حلمتلى حلم انى كنت عندهم فى الشقة وقاعدة على الكرسي اللى جمب باب بيتهم من جوه الشقه وكان شكلى حلو جدا ومبسوطة وقالت ماماتها كانت بتغسل وجت سلمت على ودخلت ورجعت ادتني مصحف من عندهم وكانت بتكلمنى بس صاحبتى م فاكرة مامتها كانت بتقولى ايه وبس
يعني اللى سلمت على وكلمتنى وادتنى المصحف والدة صاحبتى وفى الحقيقة انا بكن لهم محبة واحترام كبير


انا نفسيتي وحشه بقالى يومين ونفسى اغير حاجات كتير فى حياتي واقرب لربنا وربنا يرزقني بالزوج الصالح وعندى ايمان ان ربنا سامعنى وجمبى

الحلم رقم 10
السلام عليكم 

انا حلمت بعد الفجر  ان ماما ماتت وانا قعدت اعيط جامد اوووووي واقولها هتروحي وتسبيني لمين دلوقت 

وفي حلم تاني ماما حلمت انها جوا الكعبة ...هي مش شايفة حاجة بس عارفة انها جوا الكعبة وقعدت تنده على خالتي وعلى اولاد خالتها ستات برضه وصحيت طبعا فرحاىة ومش مصدقة

اانا متزوجة ورافعة قضية خلع على جوزي عشان اطلق وعندي بنت

حلم رقم 12 
حلمت خير اللهم اجعله خير جوزى اتجوز اوختى الصغيرة هى بنت بنوت 
وماما عارفة وعايزاه يتجوزها مرة كده وخلاص علشان هى استغقر الله مش بت بنوت 
وانا كمان مراته فى الحلم وعلى زمته وشوفته نايم معاها فى الحلم 
استغفر الله انا مديقة اوى من حلم جوزى محترم جدا جدا واختى بنوته صغيرة مش عارفة ايه حلم ده 
انا مش حامل ومتزوجه من 4 شهور واختى لسه بتدرس وحاله دينيه كويسة