تفسير احلام يوم الاحد الموافق 4\12 باذن الله

حلم رقم 1
السلام عليكم. من فتره حلمت اني في بيتنا القديمه وان ماما الله يرحمها قاعده في المجلس بتاع البيت. وكأن حد من صديقاتها جايب لها علب من الكرتون بتاعت الاكسسوارات هديه. واخواتي البنات ( هم اتنين ومتجوزين ومخلفين الحمد لله في الحقيقه).المهم كل واحده معاها حاجات من اللي جت هديه. حاجات فضه. او اكسسوارات حريمي. ومبسوطين بيها. وانا اول ما شفت الحاجات مع ماما واخواتي زعقت وقلت لهم احنا مش عايزين حاجه من حد. الحاجه دي لازم ترجع لاصحابها. ماماقالت لي طب بصي عل حاجتك وراحت مديالي علبتين. فتحت واحده لقيت فييها خاتم ساده اما العلبه التانيه لقيت فيها خاتم وفيه مكان عالي لوضح فص او حجر بس كان المكان ده فاضي. وكان الخاتم او المحبس ده لونه برونزي او محمر مش ابيض ولا اصفر. ولبست الاتنين في صباعي وكملوا بعض كانهم توينز بس كنت زعلانه من الفص اللي مش مو جود. وخلص الحلم عل كده. 
 عل فكره انا صاحبه الحلم اللي كان يوم الجمعه بتاع الراجل اللي كان ورا الباب في المكتب. نسيت اقول لحضرتك انه كان اسمر و رفيع ولابس قميص ابيض وكان بيضحك لما شفته وحتي وانا باصرخ واقول حرامي حرامي.
انا انسه

2..حلمت ان اخت الشاب كانت زعلانه وانا اخدتها فى طريقى عشن اروحها ركبنا تاكسى وكنت مفكره ان معيش غير 5جنيه فاخرجتها من شنطتى وبعدين ببص لقيت فى الشنطه لقيت 20جنيه ويعدين جيت اخدها لقيت 10 و 5 جنيه فاطمننت..وصلنا البيت وكان بيتهم فى الحلم هو بيت خالى اللى فى البلد ..دخلت الشقه وانا كنت على الباب كان فى غرفه نوم خارجيه اخواتى نايمين فيها فصحيو لقونى وانا المفروض ان عندى درس لكن مروحتوش عشن اكون مع اخت الشاب ..بعدها الشاب طلع استقبلنى ودخلنا الشقه كانت مبهدله واخته كانت بتنضفها وتكنسها فاخدت منها المكنسه وقلتلها رتبى الفرش وانا اكنس وقعدت اكنس بسرعه ..دخلت مراه خالى قالتلى المكنسه اهش بيها القطه الصغيره اللى تحت رجلها بس انا فضلت اكنس واعيد الكنس..وبعدين دخلنا غرفه النوم وجلسنا على السرير والشاب كان بيلعب مع اختى وكانو فرحانين... فى جزء كده لقيت جدى بيقول شعر فيما معناه انى لو استبدلت شعرى بحجاب والنص كم بكم لتزوجت اسرع ....جزء اخر كنت فى مول نع اسرتى واصحاب بابا وكنا فى قسم الفساتين السواريه وكنت بنقى وبعدين ماما قالت انة اتخطبت وةلكل فرحلى ولما سألو اتخطبت لمين بابا قال لابن فلان ..فردو قالو كنا عرفين ...مراه خالى اسمها سلوى وجدو اسمه فاروق شيخ مسجد..اختى اسمها نورا ..اخت الشاب ياسمين طفله علاقتنا كويسه بفضل الله.ً..احيانا بستقبل الشاب فى بيتنا بشعرى ..بس كده

رقم 3..حلمت كذا حلم قصيرين ..حلمت انى فى بيت واحدة كانت ضايقتنى جامد من حوالى شهر ..حلمت انى فى بيتها و شكلى متضايقه قوى و عايزة امشي بسرعه من عندها ودخلت اخدت شنطة علشان امشي والشنطة دى شبه شنطة مدرسه وكانت مفتوحة و الست زى ماتكون مش عايزانى امشي وانا مصممة . حلم تانى انى باستحمى فى الدش و زى ما اكون سرحانة و بعدين فقت و قلت اغسل شعرى بالشامبو و بعدين قلت مش مهم انا لسه غاسﻻه من يومين بشامبو وكان شعرى مبلول ..حلم كمان انى شفت الممثلة خيرية احمد قاعده تقريبا على سفرة و بتقول انها عملت ديك رومى علشان واحدة بنت و هى عملته اول ماعرفت انها نفسها فيه و بتقول انا هاعلم البنت ازاى تعمله كويس بس انا مش فاكرة البنت مين و كانت باينه وﻻ ﻻ ..المهم انا لقيت الديك الرومى قدامنا و فيه جزء منه متاخد و كان هو ده الجزء اللى انا باكله و لقيت طعمه حلو و عجبنى ..اخر حلم اننا فى عربيتنا وانا قى كرسي السواق و لقيت ضابط جاى يفتش العربية و راح عند شنطة العربية وانا زى ما اكون قفلت الكاسيت و قلت اشغل قران احسن قدام الضابط ...شكرا

السلام عليكم 
رقم ٥
حلمت انى منت فمركب وفى زى حفله بليل وفيها اهلى وصحابى وبنتى كانت بترقص وفجاه رجلها فلتت وقعت فالنيل جريت عليها معرفتش الحقها وفضلت اصوت لقيت واحد ظهر ينقذها فنص النيل معرفش جه منين ومش فاكره شكلو ولقيت كزا راجل جنبو بس هو اللى لحقها وطلعهالى بأيدو من بطنها وشعرها نازل على وشها انا فضلت احمد ربنا بس صحيت قبل ماعرف كان فيها نفس لسه ولا لئه يارب يكون خير 
انا عايشه مع اهلى وباباها مغترب ومعنديش غيرها

الحلم رقم ٧
السلام عليكم ورحمة الله وبركاته
حلمت خير اللهم اجعله خير 
هو گان حل طويل مش فاكرة منه ان فى اخره كان معايا طاووس ذكر بالوانه و كنت شايلاه (بس كان العضو الذكري واضح اوى عنده اسفة اوووى) على اللفظ وحطيته فى مية البحر بس على الشط عشان يعوم فى البحر و انا قعدت على الشط بتفرج عليه و طلع وانا دخلته البحر تانى وقلتله عوم ورجعت قعدت على الشط تانى
انا ٣٠ سنه مسلمة ومتزوجة ومتوسطةالتدين
وعندى مشاكل مع زوجي بسبب شخص كان متقدملي زمان

الحلم رقم ٨ 
انا حلمت اني سافرت كندا و شوفت فيها الممثل عزت ابوعوف و بعدين شفت أكن الحوائط بتاعه الشوارع كلها ورد بكل الألوان مرصوصة فوق بعض 
انا أنسه

حلم رقم  10

حلمت يا ماما نجية كاني فى مكان ظلمة وبعدين حاولت اهرب لاقيت ست خدتني عشان توديني المنطقة ج راحت مدخلاني من بيت لبيت لحد ماكنت عايز تخطفني  وبعيدن فى نفس الحلم  لاقيت فى اثنين من زميلي كنت زمان اعرفهم كان بيوصلوني واحد بيسوق والتاني كان قاعد جنبي وطلع بي على كوبري وبعدين دخل بي  على الطريق السريع وكان ظلمة روحت قولتله ليه كده راح اللي كان بيسوق نزل ركب عربية تانية واللي جنبي بقى يسوق وقالي انا باختصر الطريق روحت جريت وهربت منه  انا الحمدالله متدينة بس قلقانة مش شوية حاجات