تفسير احلام يوم الاحد الموافق 11\16 باذن الله

حلم رقم 1

ماما ازيك يارب تكوني بخير
ماما انا متزوجه و عندي ولد عنده سنه حلمت ان جايلي عريس هو ابن عمتي و انا بسال ماما ابني هيبقي مع مين لو اتجوزت و في الحلم انا مش فاكره جوزي خالص ..

انا متزوجه عندي ولد متوسطه التدين انا مبسوطه مع جوزي جدا الحمد لله ومفيش اي مشاكل
جوزي متوسط التدين
ابن عمتي متزوج و عنده ولد

السلام عليكم ياماما
الحلم ده لصاحبتى هى صلت استخارة على عريس
هى حلمت  اللهم اجعله خير انها فى منور بيتهم ولقيت شوال فيه غلة ونصه واقع على الارض وقالت لا انا هنقلها من مكانها ونقلتها فعلا فى شوال سليم لكن الشوال الجديد طلع مقطوع بردو وبعدين عملت زى رقعة وسدت القطع
وانتهى الحلم
وفى نفس الليلة شافت حلم تانى
اللهم اجعله خير انها لابسه خاتم ده هو بتاعها فى الحقيقة هو على شكل وردة وفى الحلم الخاتم ده فى اجزاء بتتركب وبتتفك ووقع منه جزء ودورت عليه ولقيته وبعدين وقع تانى ومالقيتوش وبعدين لقيت اخواتها وهى ماسكة بنت منيماها فى الارض وصاحبتى متاكدة انها جن وصاحبتى مسكتها جامد وفضلت تقرا اية الكرسى كتير وبصوت عالى وخاصىة اخر جزء منها وتعيد فيها كتير والجن دى لما قرات القران وشها كان بيضرب الوان يزرق ويحمر لكن ماماتتش فى ايديها او اتحرقت وانتهى الحلم
الحلمين دول ياماما كانو بعد صلاة استخارةوكانت نايمة على وضوء

حلم رقم5
بابا حلم ان هو كان بيصلي في المسجد اللي تحت بيتنا هو و 5 كمان يعرفهم صلاة العيد واعدوا يكبروا وبعدين بابا وهو خارج شاف المسئول عم الجامع فبابا زعقله وقاله انت ليه مبقتش بتجيب ناس تدي للناس دروس زي زمان فالمسؤل عن الجامع بص لبابا ومردش عليه راح بابا قاله تاني بقولك ليه مبقتش تجيب ناس تدي للناس دروس زي زمان رتح المسؤل عن الجامع بص لبابا وسابه ومشي وانتهي الحلم

الحلم رقم (١)
حلمت انه يوم فرحي .بس انا كنت متجوزة قبل كدة مرتين ومطلقة. وانا مش مجهزة حاجة خالص ووالجاتوه وحش مش عاجبني ومجبتش فستان لسة ولا حجزت كوافير.سمر بنت خالتى قعدت تدور معايا علشان اتاجر فستان وجابتلي فستانين ومش عاجبني رحت انا ادور على فستان وكان عادي بس كنت هاوافق عليه وخلاص ولسة بادخل الكوافير لقيت العريس وكنت اول مرة اشوفه ..لقيته وحش وبلطجي ..قلت مستحيل اتجوزه مستحيل افشل لثالث مرة ..ومرضيتشي نتجوز
انا متزوجة ومعايا بنتين وولد وحامل فى الشهر السادس

الحلم رقم (٢)
اخويا حلم بإن اخويا أحمد الله يرحمه ماشي في جنازة
استتتتتتتتترها يارب

الحلم رقم3
انا ف شخص اعرفة بس علاقتى بى من بعيد واول مرة احلم بى
حلمت ان انا كنت نايمة ع سرير ى وهو جمبى وحضنى من ضهرى وبيحاول يصحينى من النوم

رقم 2
والدتي حلمت ان هي اعدة في شقة هي وجدتي ام بابا وبابا وجدتي اعدة في الارض بتقطف ملوخية وكان في بنت بنتها بيبي
اعدت تحبي ووقعت من السلم فراحت جدتي قالت الحقوا البت وقعت راحت بنت عم بابا جرت علشان تجيبها فجبتها وحطتها علي الارض البت كان نفسها رايح فبنت عم بتبا عمالو تقول الحقوا الحقوا وهما مش واخدين بالهم خالص ففجاة النفس رجع للبنت تاني فماما راحت قايمة عشان تشيل قشر الملوخية كن الارض وجدتي فبتدي جدتي عود في ورقاخضر قالتلها لا ارميها فجدتي بتقولها تنا هشتري السجاد كله الليﻻعند نتدية ونادية دي جارتها في البيت
مع العلم ان جدتي متوفيه وفي مشاكل مع هماتي

حلم رقم 4 
حلمت انى روحت اعمل حاجه فرموشى مش فاكره ايه هى بالظبط وبعد ماعملهالى ببص فالمرايه ملقتش رموشى اللى تحت خالص ومن غير رموش تحت اللى فوق كانو زى ماهما ومش ﻻقيه اللى تحت فضلت اقول هقول لجوزى ايه واعمل ايه وصحيت

جدتي حلمت ان الميه انقطعت من عندنا وصحيت تسالني الميه انقطعت او لا ده حلم ولا حديث نفس ولا ايه ؟؟

وفي حلم شافتو مرات بابا زمان ان في نور شعااع قوي وصحيت من النوم بس كده