السلام عليكم ورحمة الله وبركاتة
ازيك يا ماما نجية ربنا يكرمك ويحفظك ويرزقك سعادة الدارين
دى رؤيا لاختى يا ماما انا تعبتك معايا سامحينى
شافت انها رايحة لمكان شغلها القديم وانا معاها (كانت بتشتغل من فترة بعيدة وسابتة طاعة لله عشان الاختلاط)وكانت رايحة تاخد المرتب بتاعها وخدتة واحنا راجعين شافت سوق كبير وكلة بدو قاعدين كلهم مجموعات مجموعات وكل مجموعة من لمتهم على بعض معرفتش تشوف هما بيبيعو اية وحاولت تشوف عرفت انهم بيبيعو حمام وسألتهم عن السعر عايزة تشترى للبيت وجبة لكن كان غالى ومشيت شافت واحد بيبيع فراخ واشترت ستة وقالت دول على عددنا بدل الحمام وحبت تاخد كمان ستة عشان يبقى لكل شخص اتنين وقالها البياع فية اتنين كبار بس زى اللى اخدتيهم واربعة صغيرين وفكرت تاخدهم تدى للكبار كل واحد اتنين كبار (اللى هما والدى ووالدتى كأنهم فى بيتهم زى الاول بس هما الله يرحمهم متوفيين)
وكل واحدة فينا تاخد واحدة كبيرة وواحدة صغيرة يعنى انا وهى ومتعرفش مين تانى معانا واشترتهم فعلا ورجعنا البيت وشافت حد من اخواتى وحاولت تخبيهم وقالت لوالدتى خديهم (يعنى كأن والدى ووالدتى هما اللى اشتروهم بر بالوالدين واحترام)وانتهت
اختى وانا :الحمدلله وبفضلة ملتزمات وبندعى كتير ربنا يرزقنا الحجات والعمرات تباعا
كنا عايشين مع بعض ووالدى ووالدتى فترة طويلة بعد زواج اخواتى الاكبر وكنا واشتغلنا فترة مع بعض فى مكان واحد وتركنا العمل ودلوقتى كل واحدة متزوجة وعايشة مع زوجها
