السلام عليكم ورحمة الله وبركاتة
كل عام وانتى بخير يا ماما نجية ارجو من الله ان تكونى فى افضل حال
شفت فى الرؤيا ان زوجى واختة ماشيين مع بعض فى طريق وعلى ناحية ايد زوجى الشمال كان سياج فى الطريق (السياج هو سور ارتفاعة متر تقريبا من الحديد والسلك)
وانا شايفاهم من الخلف كانو بعيد عنى بكام خطوة فقلت لهم على سبيل المداعبة وعشان يستنونى اية دة اية دة وقبل ما اوصل ليهم بخطوة تقريبا وبتلقائية ودون قصد كان مكانى لو مشيت معاهم انى اكون فى وسطهم فهو ابتسم لى واختة كان شكل منطقة الوسط عندها وخدودها منتفخين(حسيت ان النفخة من الضيق جواها) وهى مش مبسوطة خالص وبصت فية هو وكأنها مش حابة تمشى معايا ولا تكلمنى خالص(كأن جواها كراهية لأنى متأكدة انى معملتش حاجة تضايقها) وقالت لة كدة ومشيت وسابتنا وكان هو بيبتسم ليها بيحاول يسترضيها واول ما بعدت قالى لازم نجيب لها عباية (برضة عشان يسترضيها)كل دة وانا فى حالة ذهول ومبتسمة ورحنا انا وهو نخلص شغل لناس كدة معرفهمش وقالى تانى لازم نجيب عباية ليها .
انا مكنتش رافضة انة يجيب ولا متحمسة وتقريبا هو حس بيا عشان كدة بيكرر ها
**********
ربنا يبارك ليكى فى وقتك وكل امورك ويسعدك فى الدنيا والاخرة