السلآم عليكم ارجوا من الخبيرات تفسير حلمي ...
الحلم الاول..
حلمت بأني كنت واقفه جنب جمس وكان جالس مكان السواق فنان مشهور خليجي ...
قمت انا جبت عود كبريت ورميتها في الجمس من جوا وانفجرت وسارت سوده ,,,
بعدها لمن انطفت النار دخلت جوت الجمس ادور على حاجه لقيت دله دهبيه ماتغير لونها ولا شي بس حسيت فيها سخونه وخرجت من الجمس وكاني شردت من الحادثه الا سويتها انا ...
لقيت بنت من بعيد ما اعرفها شعرها قصير تطالع فيا شكت انو انا الا حرقت الجمس لانها شافت دلة القهوة في يدي البنت قالت في نفسها لو انها رمت الدله في القمامه كان محد شك فيا
قمت انا لقيت محل ملابس دخلت قلت بشتري ومنها اشرد من البنت لقيت صحبتي رحمه وكانت متبرجه بس هياا ((البنت ملتزمه في الاصل)) وعندها بنتها في يدها مع اختها للعلم انها حامل اول حمل لها ))
بعدين انا مسكت الدله لقيت في مسبحه بيضه صغيره ...
الحلم التاني ..
حلمت انو ام عريس جات واعطتني خواتم في يدي ولبستني وحده واعطتني اربعه خواتم في يدي وحده وزنها تقيل وانا فرحانه بيها وقلت لازم ابشر صحبتي الدبله الا لابستها عليها اسمي وتاريخ لكن التاريخ ماشفتوا ..
خرجت من الباب لقيت حرمه ما اعرفها شافت الخاتم التقيل في يدي وحسدتني عليه قالت انا جوزي ماعمرو جبلي خاتم زي كدا ب3000 وفي حرمه تاني كمان قالت حتى جوزي ماعمروا جبلي زي كدا ...
عمري 20
غير متجوزه ..
فسريلي حلمي بالخير جزاكي الله خير
