عواميد النور والقطن والشاش في الحلم يا ماما نجية ( استفسار من صاحبة الحلم ياماما نجية )

السلام عليكم ورحمة الله وبركاته

في الحقيقة في موضوع الاحلام في شخص حلمت بيه 3 احلام وعايزاكي تفسريلي الباقي يا ماما نجية ربنا يكرمك

اول حلم دة كان من حوالي 8 شهور بواحد انا معجبة بيه


حلمت اني واقفة انا والشخص دة في شارع واسع واحنا واقفين جمب بعض بس في مسافة بينا وفوق كل واحد فينا عمود نور وفجاة ناس قالت ان في موكب للوزير حيعدي من الشارع دة وعدت عربيات كتير وموتسكلات كتير وجت عربية فيها بنات ووقفت قدامنا راح هو فاتح باب العربية وقالي اركبي مع البنات دي وروحي معاهم وركبني وانتهي الحلم علي كدة

للامانة انا وقتها حكيت الحلم دة لواحدة وقالتلي انه مش حيكون في بينكم اي صلة وانه حيرميكي للدنيا عشان البنات دنيا
وقتها انا زعلت اوي اوي وبعدها قعدت ييجي شهر معرفش عنه حاجة بس بعد الشهر رجعت شوفته تاني وعرفت اخباره بس انا قولتلك الحلم دة لاني قلقانة اوي ليكون كلامها صح وانا قريت موضوع هنا في المنتدي ان مش شرط الحلم يقع علي اول معبر لكن تفسيره بيقع علي المعبر الصحيح اللي بيفسر صح فمش عارفة بقي دة ايه




الحلم التاني حلمت انه حاطط علي عين من عينه قطن وشاش والحلم دة كان من شهر كدة وبعدها مد ايده اليمين سلم عليا روحت انا مديت ايدي وسلمت عليه وابتسمنا لبعض

برضه الحلم دة فسرتهولي ان القطن والشاش اللي علي عينه انه مش شايفني قولتلها طب والسلام والابتسامة قالتلي ملهمش تفسير

الحلم التالت انا كتبته هنا في المنتدي ومقولتلهاش عليه اللي هو

ان في شخص انا معجبة بيه حلمت انه واقف
يصلي جمبي وكنا في صلاة جماعة وهو كان حافي وانا حافية"لاننا كنا في
صلاة"وبعدين كان واقف جمبي في اول صف وكنا ع اليمين وفي ستات كتير اوي
ورانا بيصلوا وبعدين في ست ورانا قالتله يابني مينفعش كدة انزل صلي مع
الرجالة تحت قالها لا معلش انا حقف اصلي هنا جمبها انا عايز اصلي جمبها
بعدها حلمت كأنه هو"حسين فهمي"وانا في بيته كا قصر ومليان خير وعز وكان في
اتنين ستات معايا بس انا معرفش هم مين

وانتي فسرتهولي وبشرتيني قلتيلي دة حيحصل نصيب بينكم ممكن تشوفيلي الاحلام الاولي دي تفسيرها كدة صح ولا غلط والتفسير حيقع ولا لا وهو انا عشان بفكر فيه دي احاديث نفس ولا دي رؤي من الله عز وجل انا والله لو كنت اعرف حضرتك من الاول كنت قولتلك علي كل احلامي :) معلش انا عافة اني حتعبك معايا وجزاكي الله كل خير



الحالة الاجتماعية انسة
حالتي الدينية الحمد لله ملتزمة
حالتي النفسية كويسة الحمد لله ودايما بصلي استخارة وادعي ربنا انه يجعله زوج صالح ليا ودايما قبل ما انام ادعي اني اشوف فيه رؤيا خير

شكرا يا ماما نجية ربنا يعمل ما فيه الخير بس عندي استفسار صغير مش هنا برضه في تناقض في الاحلام وتفسيرها يعني الاول عكس الاخير تماما هو دة عادي ولا كل حلم بيدل علي الوقت والزمن اللي هو فيه يعني كل حلم ليه وقت محدد وممكن الاحداث يتغير فيتغير الحلم؟