ما ما معلش عندى منامين اول واحد حلمت ان اخويا بيقولى اجهزى عشان هنسافر احنا الاتنين ايطايلا واكن فيه عربية فخمة جاية تاخدنا المطار فروحت موضبة حاجتى بسرعة وهو اتلكع شوية بس كان بيوضب حاجته رغم انه كان بيستعجلنى بس كان قرب يخلص توضيب حاجته وكنا مرتبطين بميعاد عشان نلحق السفر وكان لسه باقى شوية وقت فقولت البس العدسات بتاعتى لقيت عدسة منهم اتقطعت او اتخرمت وكمان كان شكل العدسات مكور كده ولو اتلبست فى العين هتبقى مولمة وكان شكلها صعب اووووى فقولت مش هلبس العدسات القديمة انا هجيب علبة جديدة عشان كنت عايزة البس نظارة الشمس بتاعتى وانا مسافرة ومكانش ينفع البسها من غير العدسات الطبية دى ...خويا مش مرتبط وطبع يا قمر عارفة انى انا كمان مش مرتبطة
الحلم التانى
حلمت ان فيه رجل وسيم اسمع عمار وامووووووور قوى بيقولى اركبى على ظهرى ودماغى هتبقى تحتك انا قولتلك لا ميصحش واتكسفت اوووووووووووووووووى بس هوه اصر جداااااااااااااااااااا فركبت على ظهره وفجاة تحول الى حصان بنى كنت خايفة لا يجرى بيا جامد بس مش جرى وكنت مسيطرة عليه وبتهيالى كان يشبه حصان عربى اصيل شفته فى منامى من سنة كده وبعدين لقيت نفسى قاعدة مع الشاب ده وقاعدة جنبه وعلى رجل ولد صغير قاعد يعيط اطبطب عليه يسكت وبعد كده قعد يعيط تانى فروحت مطبطبة عليه تانى وسكت خااااااالص وقال ايه ان الولد ده هوه اللى بيربط بينى وبين الشخص ده
