موضوع: ماما نجية فسريلي حلمي لو سمحتيييييي الثلاثاء 16 أغسطس - 18:39
السلام عليكم ورحمة الله وبركاته
انا آنسة عندي 22 سنة
والحمدلله ملتزمة وعلاقتي بربنا كويسة ..........
هفهم حضرتك الموضوع الاول قبل ماا قولك الحلم
في شاب انا قلبي متعلق بيه وبتمناه زوج صالح ليا وكان في مشروع ارتباط بينا
لكن مكملش بسبب مشاكل كتير وانا استخرت ربنا فيه كتير
وبصراحة لسة متعلقة بيه
امبارح كنت نايمة وبدعي بقلبي ان ربنا ينور بصيرتي عشان ارسا على بر من ناحيتو
لاني لسة متعلقة بيه ومش عارفة استناه ولا لا وانا من اول رمضان بدعي ربنا يجعلو من نصيبي واملي ف ربنا كبير ............
ولما نمت حلمت حلم غريب
حلمت ان في ناس بتقولي فلان ( الي بحكي لحضرتك عنو) بيقلولي فلان ف مشكلة انتي لازم تساعديه وحطو ف اديا مصحف وقالولي اقري السورة دي عشانو
وقالولي ان السورة اسمها البسمة فنا استغربت اوي وقلتلهم مفيش سورة في القرآن اسمها البسمة قالولي لا وشاورو على سورة
المهم بصيت على السورة لقتها فعلا موجودة في القرآن وانا عارفاها لكن مكنش اسمها البسمة لكن لما بصيت على اسمها لقيتو البسمة استغربت اوي ومقدرتش افتكر اسم السورة الحقيقي كان ايه
وشكل السورة في المصحف كانت بااادية ف اخر الصفحة وكانت آيتين بالظبط الي السورة بادية بيهم ودول الي شفتهم
لكن باقي الصفحات بتاعة السورة مشفتهاش
بعدين لقتني بتصل بيه وبقولو اني عايزة اشوفو ف كان كأنو بيوريني صورتو ولا ايه بجد مش عارفة لكن
فجأة لقيتو قدامي ف مسجد وقاعد على الأرض وكان لوحدو
وكأنو كان مستنيني او مستني حاجة تحصل
وخلص الحلم
انا مش فاكرة السورة ايه هيا بجد ولا فاكرة الايتين كانو ايه لكن فاكرة انها من القران واني عارفاها لكن مش فاكرة بتقول ايه خااااالص
ارجوكي لو مش حلو بلاش تقوليلي لاني خايفة اوي وبجد نفسيتي تعبانة من الموضوع دا
على قد ما حاسة ان الي جاي خير لكن خايفة
يااااريت تبشريني وتطمنيني
يارب يكون خير
ماما نجية شخصية vip
عدد المساهمات : 5535 تاريخ التسجيل : 17/07/2011
موضوع: رد: ماما نجية فسريلي حلمي لو سمحتيييييي الأربعاء 17 أغسطس - 2:25
يا حبيبتى المصحف عدل وشرف ورفعة وبركة وان شاء الله لك بسمة كبيرة باذن الله واطمئنى رؤيتك جميلة ان شاء اللله
