تفسير احلام يوم الخميس الموافق 1\31ان شاء الله

دي احلام لواحده صاحبتي
حلمت ان بنت زميلتي ف الشغل اسمها أميرة فضت اللوكر بتاعتها عندنا ف الشغل و اديتهالى و انا قعدت ارتب هدومى و انقلها من اللوكر بتاعتى للوكر بتاعتها مع العلم ان الهدوم كانت مترتبة و متطبقة و نضيفة و انا أصلاً مش بحط لَبْس ف لوكر الشعل 
 
حلمت انى ف شقتنا القديمة هى كانت ضيقة بس ف الحلم كانت اوسع و بعدين عرفت ان اختى الكبيرة هتيجى تقعد معانا فبدأت اجهز الشقة و أرتبها و ادهن الحيطان نبيتى ف بيج و اجدد أوضة نوم بابا و ماما و ادهنها تانى نفس ألوانها بس يجددها هى بنى و منقوشة دهبى و اكتر حاجة فاكراها ان السراير كانت نضيفة و جميلة و اختى كمان جابت سرير معاها فكانوا كده حوالى ٣ سراير

 
حلمت انى مخلفة بنت بس الفكرة انى ما اتجوزتش أصلاً بس خلفت بنت و مش عارفة ازاى بابا سكت و الناس عارفة و عادى و واحدة صاحبيتى بتقولى خلفى تانى  
هي انسه وبتشتغل 

kokoadam كتب:

لمت ان سلفتى بتجوز تانى وعاملة فرح وفستان أبيض وهى اصلا لسة عروسة من كام شهر وانا محتارة هالبس اية وانا ما صدقت ان خلصنا من الفرح وهى قاعدة وحواليها أصحابها  وواحدة قريبتها وبيحاولو يتجاهلونى وفي واحد واقف بيصور ومش عارف يصور من إللى حواليها فأنا قلت يا جماعة الراجل مش عارف يصور والبنات مشت وكان في راجل ماعرفش مين قال مش هاروح افراح أنا هابارك بعدين ولما الكل مشي ندهت عليا وقالت مامتك قالت اية استغربت وقلت لها على اية قالت ألبس اية بعد الفرح قلت لها ماتلبسي اى قميص قالت كلة اتلبس خلاص مفيش حاجة جديدة قلت لها أنا موصية على قميص جديد ابعت اجيبهولك تلبسية قالت لا خلاص افتكرت واحدة جايبة لى هدية هالبسة قلت لها ماشي الفرح كان فيه هيصة.   لا مكانش في فرح اصلا كنا في شقة ولسة الفرح ف حتة تانية

^بكرة أحلى^ كتب:

السلام عليكم 

حلمت خير يارب 

اني بوضب في دولابي و برتب حاجتي و بنظمها و بعدين لقيت موبايل ليا قديم من سنين و مسكته و شغلته و كنت مستغرباه انه قد ايه قديم و شغال و إني لقيته بعد السنين دي موجود لسه و شغال

آنسه و ملتزمه الحمد لله 

شكرا ليكي جزاك الله خيرا 

remololoo كتب:

السلام عليكم ماما نجيه 




ماما حلمت بيا انى اعده معاهم بس بعيد وحماتى واخت جوزى عندنا وكاءن اخت جوزى حتتخطب وحماتى رايحه شقتها فى مكان بعيد هى فى الحقيقه عندها وانا كان معايا تلات شنط حلوين اوى على شكل مثلث فى الحلم هما تلاته وماما شافت اتنين وقالتلى ايه الجمال ووقالتلى سلمى على حماتك انا كنت اعده بعيد وشاورتلها وبس ياماما




انا مغتربه بصلى الحمد لله انا اساسا بصمم شنط بس من الجلد وحلمى افتح جاليرى باءذن الله ومع جوزى وولادى بنت وولد  مغتربين وبنسعى وبفكر طول الوقت منتظره تفسيرك جزاكى الله الجنه.. 

بوسى 123 كتب:

حلمت اللهم اجعله خير انى نايمة فى بيت جدى القديم و صحيت على صوت جرس الباب و لقيت زوجى بدأ يصلى و انا أتضايقت علشان كنت عايزاه يفتح الباب الاول علشان انا لابسة هدوم البيت ..و نزلت الدور الأرضى و كان فيه سفرة كبيرة و عليها مفرش شبه بتاعى فى الحقيقة و بصيت على ملابسي و كنت لابسة نفس الهدوم اللى انا نايمة بيها فعلا ..بادى و بنطلون و فوقهم قميص نوم ازرق ..و قلت خلاص أقلع قميص النوم و اقابلهم بالبنطلون  و البادى و فعلا قلعت القميص و وضعته على السفرة و انا فى الحلم  عارفة انه والدى و والدتى  الله يرحمهم و بنت عمى وزوجها هم اللى جايين و قلت ابعت اجيب فطار و  قلت الساعة ١٠ ونص   ..و لقيت باب حجرة مقفول ..و فى الحلم المفروض الحجرة دى كنت ممكن اوصل منها ل باب البيت
.بس قلت خلاص يمكن حد نايم فى الحجرة ..و بعدين رحت عند باب البيت و من ورا الزجاج بتاع الباب حاولت اشوف عدد الناس اللى جايين  كنت عايزة اعرف هو بابا و ماما بس ولا بنت عمى و زوجها كمان ..و لقيت خيال بتاع عدد من الأشخاص و قلت يبقى كلهم جايين و قلت افتح الباب و ادخلهم و اجرى بسرعة اغير هدومى و عدلت شعرى ب ايدى (ما كنتش محجبة يعنى )و فتحت الباب لقيت والدى سلمت عليه و بوسته و كان فى ايده علبة كرتون مربعة زى بتاعت التورتة مثلا ..و بعدين سلمت على بنت عمى ..و قالت لى ريحتك  حلوة جدا ..و بعدين سلمت على والدتى و بوستها و زى سندتها ب ايدى و بقول لها تحبي تقعدى على كرسي السفرة ولا فى الصالون و تقريبا كانت عايزة الصالون..زوج بنت عمى و كمان اختى كانوا واقفين بس لسه ما سلمناش على  بعض و كانوا منتظرين اسلم على ماما فى الاول ...شكرا  

reham mahmoud كتب:

حلمت ان كنت واقفه عن فرن ووكنت بشتري فطير الفطيرة كانت سخنه فاالراجل قالي استني اما تبرد واديهالك قولته ماشي ببص لقيت صحبتي تيسير وابنها زين واقفين فرحت اوي ورحت ليها جري وقعدت ابوس فيها وننط سوا وبعدين قعدت تحكيلي ان جوزها مبيشتغلش وببص لقيتها دخلت حمام وماسكه قران زي اللي بيتوزعوا علي الميت وعماله تقرا في الحمام بقولها لا ياتيسير حرام تقراي قران في الحمام قالتي دا مش قران دي احاديث وكان لسانه تقيل اووي في الكلام
انا عندي 28 سنه
ملتزمة بالصلاه
بقرا يوميا سورة البقرة
مش مرتبطه

هبه من الله كتب:

حلمت خير اللهم اجعله خير 
انى كنت فى البحر ونزلت البحر وطلعت بعد كده اخدت دوش وغسلت شعرى بالشمبو 
وحمام الكريم وخلص الحلم 
متزوجه وعندى ابن وبشتغل

بسمه رضى كتب:

حلم رقم 7
حلمت خير اللهم اجعله خير أن العمارة اللي ساكنه فيها امي بتغوص لتحت بس لا احنا خايفين ولا فيه ذعر وعايشين عادي بس وماما في الاخر قالت ليا لمي الحاجات اللي تقدري عليها عشان نطلع من العمارة لحد ما نشوف ازاي نعرف ندخل تاني بس العمارة غاصت بينا لتحت ومكنش فيه غير منفذ صغير

اما الحلم التاني حلمت اني احنا في بيت كبير في الأرياف وعمتي وام طليقي وناس كتير قعدين واخواتي كانوا معايا وهنقعد قعده عرب مع جوز اختي وفي المجلس الكبير ده لاقيت بابا  الله يرحمه قاعد في آخره وانا لبست نقابي وقعدت جنبه وبقى بيعيط وبيقولي ما تزعقيش عشان جوزك قاعد وامي في الحلم تعيط وتزعق والرجاله قاموا عشان صلاة العشاء وجوز اختي وجوزي كانوا بيحضنوا ماما وبيهدوها وقمت على كده وبابا جنبي وبعيط جامد اوي على امي لأنها في الحلم كانت بتقول انها اتبهدلت من بعده

هو فيه مشاكل مع جوز اختي

سوسن نور كتب:

حلمت اني انا وزوجي وابنائي ذهبنا للسوق وخلعت حذائي فاخذها زوجي وذهب هو وابنائي وذهبوا بحثت عنه ولم اجده واتصلت به لايرد وكان حولي نساء في محلات التي بالسوق وكاني خائفة ان ينتبهون لي وانا بدون حذاء لكنني كنت لابسه جوارب سودا واقول الحمد لله لايمكن ان ينتبهوا اني بدون حذاء ثم جاء زوجي ومعه الحذاء ولبسته ....منزوجه وعندي ثلاثة اطفال لايوجد مشاكل ..عاطله وابحث عن عمل واريد اكمال دراستي العليا  

احلام جميلة كتب:

سلام عليكم ماما نجية
امى حلمت النهاردة ان جدتى الله يرحمها اللى هى والدتها بتديها ساندوتش كبير حلو ومااتكلمتش اديتهولها من سكات ومشيت فامى فتحت الساندوتش لقت جواه كذا قرص طعمية كبير وسخن طازة وحلو قوى وريحته جميلة وامى شافتنى واقفة جمبها فى الحلم فلما بصت لقتنى راحت قاسمة معايا الساندوتش واديتنى نصه

فيه حلم تانى امى حلمته برضه
حلمت ان هى ماشية فى مكان فيه بيتين عارفة انه كان قديم وبعدين وهى معدية لقتهم بيتبنوا عمارتين كبار ووهى ماشية كان فى ايديها 2 بصل اخضر بتاكلهم
انا مطلقة 30 سنة مؤمنة الحمدلله
وامى ارملة 55 سنة مؤمنة الحمدلله

Thediamondblue كتب:

السلام عليكم ورحمة الله وبركاته
ازيك ياماما
انا حلمت كاني مسافرة في شغل وطلعت بره المكان اللي بشتغل فيه وانا طبيبه اصلا لقيت 3 قرود واقفين واحنا خايفين منهم رغم انهم كانو صغيرين وفجأة واحد منهم قفز علي وخربشني في ظهر ايدي اليمين ورجع مكانه واتحولو التلاته وبقو كبار هددونا بعضلاتهم وبعدين مشيو
وفي نفس الحلم شفت اني داخله علي مان فيه سلفتي ومامتها واخواتها فبدات اسلم عليهم بس لاحظت اني لما بسلم انا اللي بقدم ايدي للسلام وكمان لما ببوس واخدة فيهم ببوسها علي الخد اليمين ومابترضاش تديني خدها الشمال وكلهم عملو كده او تحرجني وابوس علي الهوا وشفت بنت خال زوجي وهي بخيط مكرميه اللي بتتعمل بالهيط التخين وتتعلق بس عاملاها كبيرة قوي وقعدت اقولها ماشاء الله استمري وبعدين نسوقلك وتبيعي
انا طبيبه ومعاي 3 اطفال بنت وولدين  وعندي مناقشه الماجستير قريب
ه

Ghada كتب:

دي احلام لواحده صاحبتي
حلمت ان بنت زميلتي ف الشغل اسمها أميرة فضت اللوكر بتاعتها عندنا ف الشغل و اديتهالى و انا قعدت ارتب هدومى و انقلها من اللوكر بتاعتى للوكر بتاعتها مع العلم ان الهدوم كانت مترتبة و متطبقة و نضيفة و انا أصلاً مش بحط لَبْس ف لوكر الشعل 
 
حلمت انى ف شقتنا القديمة هى كانت ضيقة بس ف الحلم كانت اوسع و بعدين عرفت ان اختى الكبيرة هتيجى تقعد معانا فبدأت اجهز الشقة و أرتبها و ادهن الحيطان نبيتى ف بيج و اجدد أوضة نوم بابا و ماما و ادهنها تانى نفس ألوانها بس يجددها هى بنى و منقوشة دهبى و اكتر حاجة فاكراها ان السراير كانت نضيفة و جميلة و اختى كمان جابت سرير معاها فكانوا كده حوالى ٣ سراير

 
حلمت انى مخلفة بنت بس الفكرة انى ما اتجوزتش أصلاً بس خلفت بنت و مش عارفة ازاى بابا سكت و الناس عارفة و عادى و واحدة صاحبيتى بتقولى خلفى تانى  
هي انسه وبتشتغل 

sa_ra كتب:

ازي حضرتك يا ماما 
ماما انا عندي وحده صحبتي مش خلفت و متجوزه من فتره كبيره .. حلمت اني قبلتها و لقيت معاها بنت بقولها دي بنتك قالتي لا انا اتبنتها .. فضلت افكر هي فعلا خلفت ولا اتبنتها و هي خلفت بنت امتي ..
هي متوسطه التدين متجوزه من حوالي ١٤ سنه

بوسى 123 كتب:

حلمت ان باب الشقة مفتوح ع الاخر و زى انا سبته فترة مفتوح و بعدين قمت قفلته بس قلت فين سلسلة المفاتيح بتاعتى و لقيتها فى الباب . و بعدين قلت مش لازم اقفله بالمفتاح .و بعدين لقيت الباب مش مقفول كويس و قعدت احرك اكرة الباب علشان يقفل (الباب و الاكرة شبه بتوع شقتى القديمة) ..شكرا

صوت روح كتب:

السلام عليكم و رحمة الله

رأيت اني دخلت مع زميلات العمل و منهم زميلتي وفاق محل بيع المأكولات السريعة و طلبنا نوعا من السندويش فأخذ البائع يسألنا عن الوجبة الخفيفة المرافقة له من بين قائمة مكتوبة في ورقة فنظرت الى الورقة و اخذت اقرؤها .. اختارت وفاق وجبة تشبه الفطيرة و اخترت انا ايضا نفس ما اختارته وفاق فقال البائع انه سيعده في الحال لانه لم يتبق منه  و كنت حينها انضر الى انواع عدة من المأكولات الجاهزة و بالجانب كان هناك خبزباشكال متنوعة يطهى امامي .. اخذت في تقليبه كي لا يحترق و قلت للبائع اني اساعده  الى حين انتهائه من اعداد وجبتنا ثم وجدت نفسي اقف بجانب المحل و دخلت فرح المكان لتلتقي باشخاص و كنت لم ارها منذ مدة طويلة .. وقفت بجانبي تتحدث و كنت اريد ان اسلم عليها.

انسة موظفة

وفاق آنسة موظفة

فرح متزوجة و لها طفل

kokoadam كتب:

السلام عليكم
انا حلمت بأنى أنا وجوزى تحت عند حماتى بناكل وبشتكى لجوزى ان سلفتى كانت بتلمح ان بنت أخوها تعبانة وان ممكن اكون أنا حسدتها وقولت لة ان أنا وانت كنا بنتكلم وعمرى مابص للبنت كدة وببص ف المطبخ لقيت سلفتى واقفة مع حماتى فدخلت المطبخ عشان اقول لهم إنى هاطلع ألبس عشان اروح الشغل جت بنت خال جوزى ووقفت تضحك جامد مع حماتى فقلت لهم وطلعت لقيت أخو جوزى جايب بنت ونازل من شقتة وعمالين يضحكو ويدلعو ع السلم ومراتة تحت وساكتة جيت ادخل شقتى لقيتها مليانة رمل وكل مااقغل باب الشقة مايتقفلش دخلت واتوضيت ونزلت تانى أخو جوزى دخل وباس بنت خالة وسلم على مراتة ودخل  ياخد دش وماحدش قالة اى حاجة وكمان مراتة طلعت قدام الشقة تشوف البنت إللى كانت معاة