تفسير احلام يوم الخميس الموفق 1\3 باذن الله

انا حلمت ان معايا مفاتيح كتير وكان لونهم فضي و فاتح و بنت جايه تقولي انتي اخدتيهم مني بقولها مكانش قصدي انا كنت عايزه اديهم للسايس بس البنت اسمها هانزادا وكانت دفعتي ايام الجامعه و هي متزوجة و بتشتغل في الجامعه انا انسه 

snow white.m كتب:

سلام عليكم
حلمت انى كنت ماسكه اجنده مكتوب فيها حاجات بخط رصاص خفيف وانا بمشى عالكلام واتقل عليه بقلم جاف والكلام المكتوب كان عباره عن اولا ارقام اولها 01 لحد 029 كل رقم مكتوب قبلو زيرو ومكتوبين تحت بعض وبعدين تحت كلام مشدمفهوم فيه كلمه الله بخط غريب برضو مشيت عالكلام كام عباره عن جمله سطر كلام غير مفهوم وبعدين كان تحتو كلام مضمونو سوره الفلق وجوا الحروف مثلا حرف الفاء مرسومه على شكل عين وانا بتقل عليها بالجاف والونها واكمل الايه بخط غريب وفالاخر خالص كان مرسوم وش شيطان وفضلت اتقل عليه برضو وارسمو زى ماهو مرسوم لحد ماخلصت انا مش عارفه فالخلم كنت بتقل عالكلام عليه ولا كنت فاهمه ايه دا بس بعد كدا وريتو لماما وهى كمان مفهمتش ( انا متزوجه وعندى طفلين )

reham mahmoud كتب:

حلمت ان انا وماما واقفين قدام عربيه جوز اختي اسمه ابراهيم وانه كان معاه واحدة في العربيه ولما شفنا خباها وكان بيرقبنا 3شباب فماما بتقولي هيا لللي معاه دي بنت غير اختك قولتلها تقريبا قالتلي لا انا هروح اشوف الموضوع دا لقينا ال3شباب مشوا بعيد عننا واحنا روحنا عند العربيه  فماما مسكت في خناق ابراهيم وبتقوله بتخون بنتي وانا ببص لقيت في عربيته 3خواتم دهب كان الفص علي شكل دولفين وكان دهب برضو سادة قولت اقيس واحد منهم قيست واحد  في صباع البنصر ملقتهوش دخل لقيته ضيق
انا عندي 28سنه
مش مرتبطه
بصلي الحمد لله

أملى بالله كتب:

امي الغالية
عملت استخارة في موضوع ارتباط بس احنا اختلفنا وبعدنا من شهرين وانا عايزه نتصالح عشان نكمل الموضوع على خير فصلين استخارة اني ابدا صلح معاه ولا لا وفي موضوعه كله
صليت تلات ايام اول يوم محلمتش بحاجة
تاني يوم حلمت اننا رايحين فرح تقريبا اللي متذكراه من الحلم أن فيه فرح
تالت يوم حلمت اني رايحة مع جارتي وولادها (ولدين وبنت) فرح مع العلم ان اسمه على اسم ابن جارتي دي فحلمت اني مع جارتي وولادها في فرح وابنها اللي على اسمه بينادي عليا انا واختي وعايز يوصلنا البيت بعد الفرح بعربية  بس هو مكنش شكل جارنا كان اسمه بس شكل واحد تاني وانا يومها بعد الاستخارة دعيت ربنا كتير انه يديني إشارة ويقين عشان اعرف اعمل ايه
مستنية ردك يا حبيبتي وشكرا لكي

snow white.m كتب:

سلام عليكم
حلمت انى فشقه مفروض انها شقتى بس كانت على شكل تانى وفى الباد اللى جوزى بيشتغل فيها ( كنت معاه ونزلت عيشت فمصر من فتره) الشقه دى كانت واسعه ومفيهاش عفش خالص كانت كلها سيراميك اببض وتلفزيون وتربيزه بس فالصاله لاقيت طائر غريب عمال يعمل صوت جامد فالشقه كان بحجم الوزه مثلا بس اطول وجناحو كبير بس كان بيمشى فالشقه مش بيطير ولونو اصفر فاتح وعمال يصيح خفت منى وفضلت اجرى وكنت شايله ابنى رضيع وهو بيجرى ورايا زى اللى عايز يحضنى او عيزنى اشيلو وانا خايفه وكل ما اهرب منو وادخل اوضه يزنق نفسو فالباب وعايز يدخلى ميعرفش يدخل يقوم خارج من الشقه يشوفنى طلعت يدخلى تانى لاقيت فايدى مسدس  كل ما انشن عليه الطلقه متجيش عليه وهو طالع من باب الشقه مدينى ضهرو ضربت اخر طلقه معايا وطلعت من غير صوت وطرطش دم على عربيه جوزى كانت قدام باب البيت ( للعلم هو معندوش عربيه فالحقيقه) وبعدين الطائر قام تانى وابتسملى ومسك الطقله كأنو بيقولى انها مجتش عليه جريت منو جرى ورايا ولمسنى وفضل يصبح ووشو ملى هدومى دم بس كان لونو اصفر هربت منو دخلت الحمام وقفلت عليا بفتح القعده لاقيتها اسفه يعنى براز بشد المايه لاقيتو مسدود وصحيت

Ghalia كتب:

انا حلمت ان معايا مفاتيح كتير وكان لونهم فضي و فاتح و بنت جايه تقولي انتي اخدتيهم مني بقولها مكانش قصدي انا كنت عايزه اديهم للسايس بس البنت اسمها هانزادا وكانت دفعتي ايام الجامعه و هي متزوجة و بتشتغل في الجامعه انا انسه 

بوسى 123 كتب:

حلمت انه انا قدام بوفيه لونه بنى و بفتح الضلف و الادراج بتاعته ..و لقيت حاجات و قلت انه فى حد ساب الحاجات دى هنا تقريبا قلت انه راجل  سوداني..و بعدين شفت نفسي طلعت حاجات فضة جديدة ..كلهم كانوا فى العلب بتاعتهم بس من فوق الغطا شفاف..كان فيهم معالق فضية و حاجات تانية و كانوا كام علبة طلعتهم ورا بعض و قلت كويس الحاجات دى تنفعنى و احطهم فى دولاب الفضية بتاعى (و شفت دولاب الفضية بتاعى الحقيقى ) و لقيت بنتى الكبيرة و قلت لها الحاجات دى كويسة علشان نستعملها ..و لقيت حاجة زى مفاتيح صغيرة جدا و قديمة و انا قلت يا ترى دى بتاعت ايه و قلت تلاقى زوجى هو اللى تركهم هنا و لقيت كمان زى اكسسوارات تقريبا عقدين او عقد و اسورة  فيهم لولى و حاجة بتلمع بس انا قلت ان دى هدايا انا كنت جبتهم من زمان ل حنان بس لم اعطيهم لها .الحاجات كان شكلهم يعنى رخيص مش حاجة قيمة يعنى ..و اخدت الحاجات دى ووضعتهم فى درج (حنان صاحبتى من زمان و متزوجة و أولادها فى المدرسة بس مش بنتكلم غير قليل )..و فى الجزء ده شفت نفسي فى حجرة السفرة فى شقة والدى القديمة و انا لم اصلى الظهر و قاعدة ارتب الحاجات و فجاءة سمعت صوت اذان المفروض انه العصر بس انا شايفة الساعة تقريبا كانت واحدة و قلت ده مش معاد العصر ..بس قلت بسرعة اصلى الظهر و فعلا بدأت اصلى وانا سامعة الاذان ...بس حسيت شعرى مش متغطى كويس يعنى جزء من النص باين و رفعت الطرحة من على راسي خالص و عدلتها..  و كملت صلاة بس بنتى الكبيرة قعدت جنبي و عمالة تكلمنى و انا فى الصلاة و مش عارفة اقول لها تسكت.و بعدين انا سجدت و انا واقفة بطريقة شبه الركوع ..و حسيت انى كده غلط ...شكرا

بوسى 123 كتب:

حلمت انى فى مطبخ و فى حلة صغيرة على البوتاجاز فيها زى رز و معاه مكسرات  و انا لسه هعمله ...و بعدين بنتى الكبيرة عايزة تروح تاكل عند  جدتها الله يرحمها. و زى بنقول انه ده فطار يعنى صايمة و هتفطر  ..و انا قلت طب لو هى رايحة ل جدتها بلاش اطبخ انا ولا ايه ..و لقيت انى بفتح تلاجة و تقريبا كانت فى مطبخ امى الله يرحمها و انا اصلا المفروض رايحة اشوف هى امى عندها اكل ولا لا علشان بنتى ...لقيت التلاجة  فيها حلة فتحتها لقيت فيها محشي فلفل بس كمية قليلة و قلت طب ليه امى تقول لها تيجى و هى اصلا ماعندهاش اكل كفاية و كان فى حاجات تانية فى التلاجة ..و شفت امى و بنت خالتى قاعدين على سرير تقريبا ..و شفت بنتى مدت أيدها فى حلة الرز اللى كنت لسه ب اطبخه و اخدت شوية فى أيدها...شكرا

بوسى 123 كتب:

حلمت اننا معزومين على فرح او مناسبة..بس انا فى مكان مفتوح و زى بجهز نفسي و فى راجل عنده ذقن المفروض هو رايح يجهز العربية علشان نروح الفرح و انا قلت له انى هركب معاه العربية (اعتقد كان اسمه محمود فى الحلم).وبعد كده   لقيت بنتى الكبيرة معايا وانا بحاول احط كحل فى عينى بس اتعوج شوية و عايزة اعدله و لقيت اسود شوية عند خدى او شفايفى ..يعنى زى انا حطيت حاجة غلط و تقريبا بدأت امسح الحاجات دى ...و بعدين قلت انا كده اتأخرت على الراجل و كنت حاسة انه فات وقت كتير  و قلت احنا اصلا هناخد عربيتين هو واحدة و بنتى تسوق العربية التانية وبعدين  مشيت فى شارع و اعتقد كنت فى القاهرة و مشيت كتير و بعدين قلت ايوة المكان عند موقف الاتوبيس و دخلت كده ع اليمين مكان مفتوح و لقيت ناس كتير و قلت كده العربيتين  مش هيكونوا كفاية  ...و شفت واحدة قريبتى منتقبة و معاها بنتها الكبيرة (قريبتى فى الحقيقة كانت منتقبة بس شالت النقاب من فترة و بنتها فى العشرينات  غير مرتبطة)و هى زى بتقول ل بنتها  عقبالك .. طول الحلم انا شايلة زى جاكيت او شال على ايدى الشمال . و الوقت كان بالليل طول الحلم ....شكرا  

هبه من الله كتب:

حلمت خير اللهم اجعله خير انى انا وزمايل المدرسه والمديرة المدرسه رايحين النادى وقاعدين على كتبه الانتظار
وانا طلبت جيلى وعصير لمون لابنى وفضلت اكل من الجيلى بالموز 
وحلمت حلم تانى فى نفس الليله خالتى امال وجارتها اسمها سلوى عندى وبسلم عليهم ويسلموا عاليا وبيبوسونى وبوسهم 
وخلص الحلم

صوت روح كتب:

السلام عليكم و رحمة الله

رأيت اني كنت اركب حافلة الى مكان ما ثم نزل بعض المسافرين و اتت سيارة كان يقودها احمد بالخير و قلت في نفسي ان السيارة كبيرة و يمكنها استقبال راكبين . ركبت بجانب احمد و اتجه بنا الى ملعب رادس الذي كان ممتلئ بالجمهور و كانت السيارة تسير وسط الملعب.

آنسة موضفة

احمد بالخير زميل عمل سابق

ملعب رادس اكبر ملعب كرة قدم بالبلاد

بوسى 123 كتب:

حلمت انى فى عربية مع زوجى فى الشارع بتاع بيت والدى القديم ..و فى اماكن فاضية و هو كان يركن العربية .و فعلا بدأ يركن جنب الرصيف كنا امام البيت القديم   بس لقيته  بيرجع للخلف فى الشارع ووصلنا لحد اخر الشارع  .و ناحية الرصيف زى فى حتة ضيقة و هو دخل فيها بالعربية و انا بقول انه هو شاطر فى السواقة انه عرف يعمل كده ...بعد كده لقيت نفسي قاعدة فى الكنبة اللى ورا فى العربية و زوجى نزل خلاص و انا مش عارفة انزل لان الكرسي اللى قدامى زانق عليا ..و قلت ل زوجى ييجى يتصرف و تقريبا هو زق الكرسي شوية بايده ...و بعدين لقيت نفسي فى الشارع و المفروض معانا اكل فى كيس ..و لقيت طفل صغير مثلا ٦ او ٧ سنوات عايز اكل ..و مسك فى هدومى او ايدى جامد و مش عايز يسيبنى غير لما ياخد اكل ...لقيت زوجى طلع علبة فول و حسيت انها صغيرة و الاكل فيها مش كتير و اعطينا للولد فول مهروس فى طبق و مشينا ..بعد كده دخلنا البيت مش فاكرة حصل ايه بالضبط لكن المفروض ابنى كان متضايق و انا رايحة اكلمه ..و انا قلت له اننا احضرنا الاكل و هو قام يشوف الاكل و بنتى كانت خلاص اخدت من الاكل ..و انا زى بقول لنفسي  انها اخدت لوحدها من غير ما تفتكر أخوها..شكرا

بوسى 123 كتب:

حلمت انى واقفة فى الطرقة بتاعت شقتى و لقيت جاكتات بدل رجالى متعلقين و زى انهم بتوع زوجى و عايزين نختار منهم و فى واحدة عجبتنى جدا و بقول انه دى الجاكيت الجديدة احلى واحدة و قلت لونها لايق على القميص المقلم  ..
(هو زوجى فى شغل جديد بيفكر يروحه )  

بوسى 123 كتب:

حلمت انى فى ريسبشن شقتى القديمة و واحدة ست جت المفروض انها مدرسة و جاية ل بنتى الصغيرة و رحت انور النجفة لقيت النور ضعيف جدا و بصيت للنجفة لقيتها حجمها صغير و انا اتكسفت و قلت للست انا ممكن انور النجفة اللى فى جزء الريسبشن التانى  و النور يوصل عندكم و فعلا رحت انور و فضلت اجرب اكتر من مفتاح نور بس النور فى النجفة التانية  نفس الشئ ضعيف ..و لقيت بنتى الكبيرة قعدت جنب اختها الصغيرة و لقيت لون خدودها غريب و غامق كده و قلت انه الشمس هى اللى عملت فيها كده ..و بعدين قلت انه انا اروح اشوف مفاتيح نور تانية يمكن الإضاءة تتحسن و الست كانت زى مستهزاة ب انى مش عارفة انور النور عدل ..الست كان فيها شبه من واحدة خياطة كنت اعرفها زمان و كلهم كانوا قاعدين ع الارض مافيش كراسي فى الشقة ....(بنتى الصغيرة بتفكر تروح ل مدرس جديد  و انا كنت استخرت عليه هل ده له علاقة بالحلم )..شكرا

بوسى 123 كتب:

حلمت حلم ملخبط شوية ..انا فى محل جزم و فى  صندل انا بقيسه ..و فى جنب الكرسي جزمة و شبشب خروج لونهم اسود المفروض انهم بتوعى و كل ما حد ييجى اقول لهم الجزم دى بتاعتى ما حدش له دعوة بيهم ..و  بعد كده لقيت الراجل فى المحل و شاورت على رجلى و كان فيها شبشب و بقوله ده مفتوح عند الأصابع و انا عايزة نفس الشكل بس الصوابع  متغطية .و لقيته بيفرجنى على جزمة لونها كحلى و بترولى و لقيتها مليانة ترتر و بتلمع و قلت له دى سواريه و انا عايزة حاجة عادية دى مش هتنفع ..و بعدين رجعت عند الكرسي مالقيتش الشبشب الاسود اللى كان بتاعى المفروض ..بعد كده الحلم اتغير لحاجة سخيفة انه انا فى واحدة بتضايقنى و انا لقيت نفسي بهرب و لقيت واحد بيفتح باب و انا طلعت بسرعة و عديت من فتحة فى قماش محطوط على شكل حاجز ..و لقيت نفسي حافية فى الشارع و لقيت ست قلت لها تساعدنى اخد تاكسي و عدى ٢ تاكسي بسرعة و مش عايزين يقفوا .و الشارع ده قريب من بيتى فى الحقيقة .دخلنا شارع جانبي و مالقيتش و قلت نرجع تانى برة لقيت جامع و ناس طالعين منه بعد الصلاة  و طلعت الشارع و الست سلمت عليا و قالت إنها هتمشي..و جه اتوبيس مش عارفة انا كنت هركب ولا ايه ... شكرا

kokoadam كتب:

السلام عليكم ماما نجية
انا حلمت انى داخلة من بوابة كبيرة زى بوابات الكليات والحمد لله اول ماعديت لقيت لوح خشب كبير وقع قلت الحمد لله كان هايقع عليا والبنات الواقفين اخدو الخشبة دى يلعبو بيها ودخلت جوة وكأن في مناسبة بس حد ماعرفوش وجبت فستان لونة لبنى البسة وطلعت السلسلة الدهب بتاعتى البسها لقيتها طويلة جدا حوالى 2متر وكان فيها دلايات كتير ووقع منها كذا واحدة لميتهم وبدأت اصلح فيها واركبهم تانى وببص لصباعى لقيت داخل فية حتة دهب بس مش حاسة بوجع شديتها وبدأت الفها على رقبتى واصحابي دخلو لبسونى الطرحة ويلفوها لقيت شكلها وحش اوى ولقيتنى لابسة فستاان تانى وحش اضايقت وقعدت ادور على الفستان اللى كنت جيباة البسة مش لاقياة وصحيت وانا بدور علية

متزوجة وعندى ولدين حياتى إلى حد ما حاليا مستقرة الحمد لله

هبه من الله كتب:

حلمت خير اللهم اجعله خير
انى فى والمدرسه وزى محتاجه اولويز واميره زملتى المسحيه حتجبلى اولويز حجم كبير 
وحاروح تغير والبسه فى الحمام وبعدين حركب انا وايمان زميلتى عربيه ومعاناة استاذ 
وحينزل يجبلنا اكل سندوتات سمين وحايحط ايده على كتفى وحانزلهاله ادام وحده زميلتنا وخلص الحلم 
انا متزوجه وعندى ابن وبشتغل فى والمدرسه وبصلى القروض وبواظب على الاذكار

kokoadam كتب:

السلام عليكم

حلمت انى قاعدة في شقتى لقيت حد بيخبط فتحت لقيت حماتى وابنها ومراتة وبنتين مااعرفهمش اجانب تبع سلفتى ودخلو وحماتى قالت انتى مازوقتتيش الشقةة لية لسة كأن في مناسبة بس انا ماعرفش اية هى وانا ملبوخة جدا ماعرفش لية وسلمت على البنات الأجانب دول وبلف في الشقة ....متزوجة وعندى ولدين

بوسى 123 كتب:

حلمت انى فى حجرة النوم بتاعتى و بنتى الكبيرة جت و كانت لابسة هدومها و احنا يعنى هننزل مع بعض و هى فتحت الدرج اللى جنبي كانت بتبحث عن حاجة اعتقد حلويات و كان فى كيس صغير لونه احمر و انا عارفة انه فيه  بونبونى ملون  صغير   و انا قفلت الدرج ..بعد كده قلت لها انه انا عايزة اصلح البنطلون بتاعى ..هى سالتنى اقصد اى بنطلون  ..قلت لها آخر بنطلون جبته و كان واسع و لونه فاتح و مقطوع من عند الركبة ..و انا فى الحلم شايفة شكله شبه البنطلون الجينز الفاتح (انا مش بلبس جينز فى الحقيقة)..و لقيت زوجى و قلت له انا رايحين نصلح البنطلون و سألته لو عنده حاجة تتصلح و انا فى نفسي بقول اننا رايحين مشوار تانى كمان بعد كده بس مش هقول له ..و بعدين مش عارفة انا مسكت حاجة ووقع منها دبابيس طرح كتير على طرف السرير بتاعى و ع الارض و انا قعدت لميت كل الدبابيس و كان فى علبتين صغيرين بتوع دبابيس و كنت بقول انه الدبابيس ممكن تدخل فى رجل حد...و بعدين بنتى لقيتها وقفت فوق ميزان و شافت وزنها كام و قالت رقمين اول رقم مش واضح لكن التانى كان 90 ..شكرا
..