تفسير احلام يوم الخميس الموافق 12\7 ان شاء الله

الحلم 3
السلام عليكم ماما نجية

انا حلمت انى خارجة من عند طالبة بدى لها درس وراحة الدرس اللى بعدة قابلتنى واحدة ف الشارع ماعرفهاش وقالت لى تعالى معايا لآخر الشارع دا مشوار عشان مش هاعرف امشي مع الراجل دا وكان في واحد شاب ماشي قدامها قلت لها بس ورايا دروس وعيالى ف الحضانة قالت لى مش هانتاخر تعالى مشيت معاها ودخلنا في شوارع غريبة وف الاخر وصلنا المكان اللى هى عيزاة وعلى اول الشارع دا مليان كلاب وعايزين يعضونا انا حطيت ايدى على كتف البنت وماشين بسرعة كلب منهم هجم على ايدى وعضها فأنا بصيت لايدى وخفت بس مالقيتش اى جرح قلت الحمد لله لو كان ف اى جرح كنت هاضطر اخد الحقن لكن مفيش حاجة وطلعنا عمارة وجابت هى والولد اللى معاها أوراق وحاجات وقلت لها الوقت اتأخر وبقت الساعة 5 تعالى بقي نجيب عيالى ماوافقتش نزلت جرى وانا خايفة من الكلاب ولقيت جوزى قلت لة اطلع انت معايا اجيب العيال وطلعنا العمارة تانى ودورت ع الحضانة لقيتها فاضية مافيهاش غير عيالى وبيلعبو مع بنوتة فاخدتهم وجوزى كان بيدفع مصاريف الحضانة وقال لها احنا يعتبر مش هاتيجي تانى هاندفع الشهر كلة لية وبتكلم مع المدرسة لقيت البنوتة طالعة تعيط وعايزانى اسيب العيال يلعبو معاها وتتاسف منى متوقعة أنها عملت غلط عشان كدة هاخدهم وامشي طبطبت عليها وهى برضة زعلانة وبتعيط

متزوجة وعندى ولدين

6
حلمت اني كنت دايخه ولقيت واحدة زميله عمتو وفاء جيبالي كيسه الكيسه بتقولي مالك بقولها دايخه اوي ومش مركزة قالتلي انا جبتلك الهدوم اللي قولتيلي عليها قولتلها تعالي اشوفهم لقيتها جايبه هدوم قديمة كانت عبارة عن 3 بناطيل واحد متبهدل ومقطع وواحد سليم وواحد مقطوع من عند السمانه بتاعه الرجل وكان في 2 سولبيت اطفال مقطوعين من عند الذراع وكان فيها اقلام وكتب قولتلها خلاص سبيهم معايا عشان مش مركزة دلوقت ولو لقيت حاجه تنفعني هاخدها قالتلي ماشي
انا انسة
بصلي
28 سنه
مش مرتبطه
الحلم قبل الفجر

ماما نجية كنت كتبت لك حلم المرة اللى فاتت و حضرتك فسرتى الحلم بس انا عايزة اوضح حاجة فى الاستخارة و ياريت حضرتك تشوفى الحلم تانى بعد ما اوضح لك و تعيدى تفسيره ....الاستخارة كانت عن فتح موضوع العريس بس يعنى نفتح الموضوع ولا لا يعنى الاستخارة مش علشان نوافق عليه ولا لا ....و الحلم و تفسيره اهو كان كده ((((( انا عملت استخارة على موضوع العريس القديم علشان هو رجع بيلمح تانى ...حلمت ب ٣ حاجات فى نفس الليلة ...اول حاجة انى قاعدة مع واحدة قريبتى (هى فى الحقيقة تعبانة و عندها زى الزهايمر و مش واعية خالص ل اى حاجة حواليها) شفتها فى الحلم قاعدة معايا و بتتكلم و كويسة و واعية خالص و انا كنت مبسوطة جدا و بقول دى اتحسنت خالص ...حاجة تانية حلمت ان بنتى الكبيرة لابسة  جاكيت طويل و تحته زى البادى  لونه اخضر شوية و الجاكيت لونه بمبي على  بيج ..و هى واقفة تشوف نفسها وانا كمان بشوف الهدوم عليها و بقول لون الجاكيت بمبي و هى تقول لا ده زى البيج و قلت لها خدي ده و خلاص و هتلبسيه مش محتاجة له اى حاجة ..قالت لى لا ده محتاج جيبة و بصينا على هدومها و لقيت حاجة باينة من تحت كأنها زى طرف جيبة و قلت لها مش مشكلة انتى عندك جيبة بيج فاتح تليق معاه ....شفت كمان علبة الوان خشب جديدة و فتحتها و ماسكة الألوان و لقيت بنتى الصغيرة جايبة مقامة فيها الوان قديمة و انا قلت لها كده ما ينفعش يا تاخدى الألوان الجديدة او القديمة و فتحت المقلمة و زى لقيت حاجات مكركبة و زى عايزة اشيل الحاجات دى ...شكرا

حبيبتى الاستخارة طبعا حلوة واذا رجعوا وافقى فورا))))))

الحلم 8
هناك شخص أرمل عرض علي الزواج منه بالواقع رأيت في المنام
زوجته المتوفيه رحمها الله تدخل منزلهم لابسه عباية سوداء ومحجبه وكانت كأنها والده طفل جديد كانت تحمله ولما دخلت مشت ودخلت غرفه فرأيت زوجها وعيالها يلحقون بها وكأنهم مشغوفون ومتعلقون بها وانا كنت واقفه وأتساءل أنهم لم ينتبهوا لوجودي فما تفسير ذلك هل المنام له معنى فيما اذا سيتم زواجي به او لا؟

الحلم 9
رأت امي ان أخي لديه طفل وضعوه بجانب مدفأة فمات من حرارتها فأخذت تنادي باسم أخي بعدها أخذت الطفل واعطته أخي فاحتضنه وبكى بصوت علما ان أخي هذا مطلق ليس لديه اولاد

12

ماما حلمت ان الحمام بتاعنا لونه ابيض مَش سماوي والحوض مكسور و بعدين ملقتش الحوض أصلا و لا البانيو ولا الغساله ولا اي حاجه بس شافت راجل في الحمام 

انا بقالي حوالي أسبوع منتظمة في سوره البقره و ماما كل يكّوم تقوم مخضوضه من الأحلام الي بتشوفها 

هل ليهم علاقه ببعض انا انسه

كام يوم بعمل استخارة على العريس القديم لو فى نصيب معاه ولا لا ..
شفت كام حلم ..اول واحد انه انا واقفة مع بنتى و فيه باب كبير و عريض و متوارب و في شباب واقفين قدام الباب ..و بنتى عايزة تسال حد جوة الباب عن حاجة و قربت من الباب ..انا رحت قدامها و رجعتها للخلف و قلت لها ما ينفعش كده في شباب واقفين ...و قلت انه انا اللى هروح اسال و قربت من الباب ..بعد كده لقيت انا و هى بنتكلم و اللى فاكراه انها قالت (دى تصرفات الناس البيئة ) و انا كنت زى بفكر بينى و بين نفسي انه انا اللى بحاول ازقها على فتح موضوع العريس ده و بعدين هى مشيت و انا لسه واقفة و بعد كده لقيت زى شاشة و بنتى ظاهرة عليها و قالت لى انتى صليتى العشاء و قلت لها ايوة بس كنت ببص حواليا زى ما اكون خايفة حد يشوفنا..
حلم تانى ..الشغالة القديمة اللى كانت عندى جاية تنظف و بتقول لى فين علبة البيروسول الصفراء اللى كانت جابتها عندنا قبل كده..انا بصيت لقيت علبة بيروسول صفراء و قلت لها هى دى ؟؟ قالت لى لا مش دى ..و بعدين شفت نفسي فى البلكونة و بدأت انشر غسيل و بعدين قلت طب الشغالة هتنظف البلكونة يبقى بلاش انشر دلوقتى واعتقد لميت جزء من الغسيل ..و لقيت بنتى الصغيرة جايبة لى كيس مخدة عندى زيه فى الحقيقة و بتقول لى خدى يا ماما كيس المخدة اللى كنتى بتقولى انه مش موجود ..يعنى هى اللى وجدته و انا اخدته منها ...
حلم كمان ...انه انا زى رايحة اقيس هدوم و دخلت عند دولاب بنتى و زى انا محتاجة كومبليزون علشان البسه مع الهدوم ..اخدت تقريبا حاجتين كومبليزون و فانلة تقريبا و كمان اخدت قطعة قماش لونها بمبي فاتح و حجمها متوسط بس أطرافها فيها زى خيوط شوية ..و اخدت الحاجات و دخلت حمام يشبه الحمام بتاع بيت والدى زمان ..و قفلت الباب و كنت رايحة احط الحاجات اللى فى ايدى على جنب ..بس وانا معدية قدام المراية شفت نفسي لابسة زى كومبليزون او قميص نوم عريان و شفت جزء من صدرى باين و قلت ده القميص ده مخلى شكل صدرى حلو حتى من قبل ما البس ..و بعدين حطيت الحاجات على جنب و رجعت بصيت تانى فى المرايا لقيت صدرى عريان و كمان شفت الحلمات و كانت الهالة اللى حول الحلمات كبيرة شوية ..و عمالة ابص عليهم و حاسة شكل صدرى حلو ..
آخر حلم انه انا فى عربية و والدى الله يرحمه هو اللى سايق العربية والدتى الله يرحمها جنبه قدام و انا قاعدة ورا و معايا ولادى بس مش فاكرة مين منهم بالضبط و بعدين والدتى قاعدة على حجرها بنتى الصغيرة و هى بتقول لى اعملى البنت فستان فيه دانتيل كده ع الصدر و شفت فى أيدها دانتيل بس لونه يمكن جنزارى كده .بعد كده لقيت اننا عند مدخل حديقة الحيوان و بناتى جنبي و بقول ل بنتى الكبيرة هو جدو جاى معانا زى تيتا ؟؟ قالت لا ..و طلعت فلوس من جيبي علشان ادفع تذاكر و قلت احنا 4 ..و شفت ٥٠ جنيه فى ايدى مع فلوس تانية ..و جه راجل المفروض ده ياخد الحساب ..بس للاسف صحيت على المنبه و ما كملش الحلم ..
شكرا ل تعب حضرتك و ربنا يجازيك خير دنيا و اخرة ..

السلام عليكم
رأيت يدي بها قطعة قماش سوداء و كأن معي صديقات لم أرهم و لم اعرفهم و نظرت في المرآة ففوجئت بأنني ارتدي ملابس سوداء كالعباءة و قطعة القماش على وجهي.
كان المنظر مقرب و كله أسود و لم يكن بغطاء الوجه فتحة عن العينين بل عند الفم فظهرت شفتاي فقط. فقلت و أنا أضحك و أقول اعرف الآن لماذا يخاف الناس من المنقبات. انسة اعمل

السلام عليكم
غفلت لحظة فرأيت نفسي واقفة ارتدي عباءة سوداء و طرحة تغطي الوجه كما يلبس السعوديون و لكن قماش غطاء الوجه لم يكن طرحة بل نفس قماش العباية أي ثقيل عن الطرحة العادية. إنسية اعمل

السلام عليكم ماما نجيه
اختي حلمت انها ماشيه في شارع ولقيت ناس قاعده علي كراسي وبعدين لاقيت ماما المتوفيه قاعده علي كرسي وكأنها نايمه ولابسه كويس فاختي راحت قعدت تحت رجليها ومسكت رجليها وقعدت تحضن فيها وتقولها انتي لسه عايشه وانتي وحشتيني واختي عارفه وهي بالحلم انها ميته وبعديت لاقت ماما بتقولها انا عايشه وموجوده ومافيش حاجه واخوكي عارف اني عايشه وبعدين لاقيتها قاعده جنبها بالبيت فزوجه اخي اتضايقت جدا لما لاقيت ماما عايشه فاختي قالت لزوجه اخويا شفتي ماما عايشه وقاليتلي أنا زغردتي وهي مش فاكره انا زغردت ولا لاء وصحيت من الحلم
اختي اللي حلمت الحلم
وهل دا حلم وحش ليا علشان زغردت بالحلم
وجزاكي الله كل خير

الحلم 20
السلام عليكم ماما نجية
حلمت بأنى داخلة حديقة فيلا كبيرة واول ما دخلت من الباب لقيتها مليانة تعابين وفي راجل بيرش الحديقة عشان يموتهم وأغلبهم ميت بس كان في كذا واحدة لسة بتتحرك وانا خايفة جدا ودخلنا قعدنا على سفرة عشان ناكل والناس قاعدة عادى وانا كل شوية ابص تحت السفرة وخايفة ان يكون في ثعبان وكل شوية ارفع رجلى وابص متزوجة وعندى ولدين

السلام عليكم 
رايت اني رسمت رسمة جميلة و اخذتها لاريها لزميلاتي في العمل ثم وجدت نفسي في اجتماع كبير مع اناس لا اعرفهم و كان شاكر موجودا كمرشد في الاجتماع ثم خرجت مسرعة إلى الخارج ووجدت اخي حافظ امين آت باتجاهي و لكن كان يعرج فسالته ما به و اعطيته جزء من موزة كنت آكلها ثم دخل المقر الذي به الاجتماع اما انا فعدت و دخلت مكان الاجتماع فوجدت غرفة الاستقبال بها العديد من المأكولات المخصصة لنا ثم مر شاكر من امامي حين دخولي و قالت إحدى المشرفات هناك ان الاجتماع انتهى و انه هناك اجتماع آخر الاسبوع القادم بالوزارة و مع الاذاعة حول نشاطنا. و انتهت الرؤيا
انسة موضفة 
شاكر مدير سابق متزوج
اخي حافظ امين متزوج و موضف

ماما حلمت انها في شقه جديدة ومطبخها كان ضيق وكانت واقفه تحضر اكل وعملت اكل كتير ولقت اصحابها في لشغل عندها جابتلهم الاكل اكلو مشربوش الشاي ومشوا
ماما بتصلي
علي المعاش

السلام عليكم
الحلم دا لماما حلمت ان انا وهى وبابا ماشين في طريق وفوق طريق وتحت طريق والدنيا بتشتى علينا وانا وماما فرحانين وبابا متضايق ولقيناة شايل شيلة تقيلة على ضهرة فواحد قالة هات اما اساعدك وشال معاة الشيلة وطلع الطريق اللى فوق وماما تدور على بابا مالقيتوش فمشينا وماما بتبص ع الارض لقت ساعة جميلة جدا قالت انا هعطيها لعادل اللى هو جوزى هدية لو ماحدش سأل عليها إنها بتاعتة وعدى عليها شباب كتير وماحدش قال انة ضائع منة ساعة