تفسير احلام يوم الاربعاء الموافق 11 \15 ان ىشاء الله 11

حلم رقم ٧ 

انا حلمت ان عندنا شيكولاته بكمية كبيره بس مأكلتش منهم 

وحلمت مره تانيه ان الرئيس عبد الفتاح السيسي قالي اعمل حله محشي وكنت بلف كرنب و برضه مأكلتش منها 

انا انسه 

رقم ١١

ماما حلمت انها عماله تغسل هدوم و بابا ادالها غيار بتاعه غسلته بردو و الغساله اتملت ميه و بعدين لقت حد حدف عليها جلابيه بيضا حريمي 

بابا عايش ربنا يديله الصحه وانا انسه وليا اخ متزوج 

انا حلمت اني راكبه عربيه لونها ازرق و العربيه في الحلم كانت زي عربيّات السباق وكنت عارفه انها غاليه و بعد ما ركبت بقول لحد الدريكسيون بتاعها خفيف مش زي عربيبتي 

انا انسه 

بوسى 123 كتب:

رقم ١
حلمت بواحد بياع خضار و فاكهة فى شارعنا اسمه ابراهيم و انا بشترى منه من زمان ..اول الحلم مش فاكراه كويس بس تقريبا انا و بنتى الصغيرة كنا معاه فى الشارع و هو اخد تليفون بنتى او حاجة زى كده ..بعد كده شفت نفسي فى البيت و بنتى الصغيرة حد بيتصل عليها و هى مش فاهمة مين ده و بيقول ايه ..اخدت منها الموبايل و لقيت ابراهيم ده هو اللى بيتصل ..و قال لى انه فيه قفصين عندى فى البيت و هو عايزهم و بيقول لى طلعيهم عند الطرقة قدام باب الشقة (انا فى الحلم شفت الطرقة بتاعت شقتى القديمة )..انا بصيت لقيت فعلا عندى قفصين فى الحجرة و أعتقد شفت قفصين كمان فى الحجرة التانية ..(القفص بتاع الخضار بس فاضى و يمكن حجمه اكبر شوية من العادى) و لقيته بيقول لى عايز القفصين اللى فيهم ارجل من تحت و بصيت لقيت فعلا فى حاجة تحت كده ..و قلت ايوة مضبوط عندهم ارجل ...شكرا

بوسى 123 كتب:

رقم ٢
حلمت انه انا و بنتى الكبيرة قاعدين فى حجرة اعتقد انها فى بيت جدى القديم  و انا بقول لها هنلبس ايه؟؟زى ما تكون معزومين على فرح يعنى ..و بقول لها انا ما معنديش حاجة البسها و انتى كويس ان عندك فساتين موجودة  ..و بصيت للدولاب و شاورت على فستان و بقول لها الفستان ده ينفع تلبسيه لان الفرح معمول فى مكان فخم ..هى قالت لى لا الفستان الابيض هخليه للسنة الجاية ..انا اصلا ماكنتش شاورت على فستان ابيض كان قصدى فستان تانى بس ما قلتش ليها حاجة و لقيت فستان سكرى يعنى مش ابيض قوى موجود فى الدولاب و باين جزء منه ..و بعدين قلت لها طب تلبسي ايه ..قالت لى ممكن البس الفستان الأخضر ده ..لقيت فستان اخضر فى الدولاب و مسكته علشان اشوفه لقيته عليه دانتيل دهبي فاتح  على الصدر اعتقد كان بدون أكمام  و حسيت شكله مش جميل قوى يعنى بس قلت مش مشكلة..و زى قلت انه الفستان ده كان لبسته لما كانت خست شوية قبل كده ...بعد كده فجاءة افتكرت انه انا كان عندى قطعتين قماش سواريه  و فصلتهم و ممكن اروح بواحد منهم ..و بقول ان واحدة فصلتها فستان و التانية فصلتها بلوزة و جيبة ..و بقول لبنتى مش تفكرينى انه انا فصلت القماش  ..و بعدين زى بنتى هتقيس حاجة من الهدوم بتاعتى دى و لقيتها ماسكة جيبة منفوشة زى ما يكون تحتها جيبونة  و مطرزة بس تطريز هادى و لونها زى  موف هادى و تشبه قماش عندى فعلا فى الحقيقة بس ما فصلتهوش لسه و بتلبسها من فوق و رحت اساعدها لقيت ذراعها و كتفها عريانين و جزء من صدرها و انا بقول لها دخلى ذراعك الاول يعنى بساعدها تلبس ..شكرا

احلام جميلة كتب:

السلام عليكم ماما نجية
انا كنت نايمة زعلانة على حالى وحال طلاقى وحلمت كانى واقفة فى بلكونة شقتى اللى اتجوزت فيها واللى نقلت منها قبل طلاقى وبعدين انا واقفة فى البلكونة كانى جاية عشان ابص ع الشقة كمحاولات منهم انى ارجعها وواقفة وعندى حنين للشقة بس بكابر وانى مش عايزة ارجعها وقاعدة بس شوية وهمشى وبعدين وانا فى البلكونة لقيت جيران جايين عمالين يسلموا علية ويهنونى انى رجعت وانا عايزة اقولهم انى جاية شوية بس لكن كلامهم محمسنى أفضل لان مكانى واحشنى وبعدين زى مايكون لازق فى البلكونة بلكونة للجيران وفيها واحدة قاعدة بعيالها ولقيتها بتندهلى وتقولى من البلكونة على كل اللى اهل طليقى بيقولوه عليا بس كنت مش فارق معايا الكلام لانى حاسة انى مش جاية شوية وفعلا هقعد وخلصت كلام معاها وبعد شوية لقيت واحدة كانى اعرفها وكأنها جيران برضه وزميلتى وهى واحدة كبيرة وطيبة لقيتها جاية تسلم علية وبتهنينى انى رجعت وانا واقفة ومش فاهمة ليه بيهنونى ع رجوع البيت مع انى حاطة فى دماغي انى قاعدة شوية بس لكن حسيت برضه بفرحة وتمنى وهى بتهنيتى وحاسة انى محتارة لكن حاسة برضه انى خلاص هقعد وبحاول احسم قرارى وبقول فى بالى شقتى الإيجار هسيبها ازاى وارجع هنا بس حاسة مش بتأكيد انى هحسم قرارى وافضل فى شقتي اللى كانت في جوازى اللى انا واقفة فى بلكونتها بس مترددة ومحتارة ومش مصدقة برضه وبعد شوية لقيت عربية جات فيها عفشى وحاجتى وشيفاهم بيدخولها وأول حاجة بيدخلوها كانت البطاطين ومفارش النوم والحاجات دى ودخلت جوة فوجئت بامى واختى قاعدين يرتبوا فى حاجاتي وكانى عروسة وكنت حاسة بالحيرة والاستغراب والفرحة انى هقعد وتأكيد انى هرجع واقعد فعلا
والحلم صاحية منه كانه حقيقى مش خيال
انا 30 سنة مطلقة ومؤمنة الحمدلله

صوت روح كتب:

4

السلام عليكم و رحمة الله

رأيت اني في وسيلة نقل ( مترو) نهارا وهو يسير بشكل عادي  و حولي اناس و كنت واقفة بجانب شباك و فجأة اصبحت  الدنيا بالخارج ظلاما حالكا و قال احدهم نحن لا نرى شيئا بسبب الظلمة فنظرت من خلال الشباك و رأيت السماء ملبدة بالسحب الكثيفة السوداء و رأيت صعقة برق من بعيد بقيت لبعض الوقت فاخذ المسافرون ينادون السائق بأن يوقف المترو لأنه يسير باتجاه الصعقة فاوقف السائق المترو و مر بجانبنا مترو آخر كان يسير بسرعة فائقة بنفس الاتجاه ثم فجأة  اختفت الظلمة و الغيوم عاد كل شيئ طبيعيا و اصبحت الدنيا نهارا و الجو جميلا.

آنسة موظفة مهمومة و لدي مشاكل و انتظر الفرج

صوت روح كتب:

5

السلام عليكم و رحمة الله

رأيت اني ذهبت الى محل صنع المفاتيح لاستخراج مفتاح لي ووجدت رجلين في المحل و طلبت من احدهم استخراج نسخة عن مفتاح لدي فنهض كي يعد لي المفتاح الذي طلبت.

آنسة موظفة مهمومة 

Ghalia كتب:

حلم رقم ٦

ماما حلمت ان في دبانه كبيره بتلف حوالين رجلها الشمال فماما حركت رجليها الدبانه اختفت خالص

شكرًا جزيلا

Ghalia كتب:

حلم رقم ٧ 

انا حلمت ان عندنا شيكولاته بكمية كبيره بس مأكلتش منهم 

وحلمت مره تانيه ان الرئيس عبد الفتاح السيسي قالي اعمل حله محشي وكنت بلف كرنب و برضه مأكلتش منها 

انا انسه 

بوسى 123 كتب:

رقم ٨
رقم ٨
حلمت حلم غريب ...بنتى الصغيرة بتروح تمرين فى النادى و الكابتن اسمه محمد ...حلمت انه انا واقفة جنب الكابتن و فيه تقرببا بنتين المفروض انهم شاطرين و الكابتن بيقول انه البنات بيكون معاهم حصان او حصانين يعنى للبنتين و قلت له هو انت يتمسك الحصان و تمشيه قال لى لا هو بيمشي لوحده   بعد كده لقيت انا  و بنتى الصغيرة  رايحين معاه مكان المفروض انه مدرسة و هو بيجمع لى زرع علشان انا اشتريه او أخده منه ..و لقيته بيجمع زرع و ماسكه فى ايده زى ما نكون بنختار يعنى الزرع  و لقينا نوع شكله مش كويس كان فيه زى كور او دوائر  كده  و قلنا ده مش هينفع ..و فجأة شفت نبات طويل جدا جدا ورقه اخضر و كبير و محطوط فى قصرية زرع صغيرة و انا قلت له النوع ده انا عارفاه و كان عندى قبل كده و قلت له اسمه بالانجليزي .و قلت انه عمره ما كان بيطول كده ..و لقيته بيقول على كابتن تانى احيانا بيدرب بنتى انه مدرس فى المدرسة .....مش فاهمة ايه الحلم ده انا مش بتكلم مع الكابتن ده اصلا و لا اعرف حاجة غير اسمه ..(فى النادى بيقولوا على التمرين انه تمرين مدارس لما يكون لسه اللاعب مبتدئ جديد فى اللعبة)....انا كنت عاملة استخارة لبنتى على مدرسة بتعطيها درس خصوصى ..الاستخارة على انه تكمل معاها ولا لا ..لان هى بتفكر تروح لمدرسة تانية ...مش عارفة الحلم ده تبع الاستخارة ولا ايه ..

نادو كتب:

ازيك ماما نجيه
كل سنة وانتى طيبه
حلمت انى رحت عند ريهام صحبتى وانى فتحت باب الشقه وندهت عليها وهيا نزلت وبعدين كان فى بالى انها مطلقه وإن عندها ولد عمره شهور وانها هتتجوز تانى فكنت يبارك ليها واديتها خاتم دهب فى علبه صغيرة وكان فى بالى انى اشتريت الخاتم ده ب 3100 وبعدين لقيت ريهام اديتنى سلسله شكلها حلو دهب سألتها أن كانت دهب مش هخدها وإن كانت عاديه هخدها علشان جبت ليها خاتم مينفعش اخد قصائده  وخدتها وهيا لونها أصفر زى الذهب ومكنتش عارفه ان كانت دهب ولا لا وكان فى بالى انى هشوف الموضوع ده وبعدين هيا سألت الشقه إلى مامتها قاعده فيها وراحت شقه تأتيه وأنا مشيت وكنت بدور على تاكسى تركبه لما جت عربيه كانت هتخبطنى بس الغربيه وقفت ادامى على طول
ماما نجيه ريهام متجوزه وعندها ولد وبنت وأنا مش مرتبطة ملتزمه فى استغفار

reham mahmoud كتب:

10
حلمت ان وشي بيتقشر بقي لونه افتح من الاول بس مشوفتش قشرة ومكنش كله كان لسه فوق الفم ونصف المناخير بس ويبيض كله 

انا انسه 
عندي 28 سنه
مش مرتبطه 
بصلي مداومه يوميا علي قراه سورة البقرة

Ghalia كتب:

رقم ١١

ماما حلمت انها عماله تغسل هدوم و بابا ادالها غيار بتاعه غسلته بردو و الغساله اتملت ميه و بعدين لقت حد حدف عليها جلابيه بيضا حريمي 

بابا عايش ربنا يديله الصحه وانا انسه وليا اخ متزوج 

Ghalia كتب:

رقم ١٢ 

انا حلمت اني راكبه عربيه لونها ازرق و العربيه في الحلم كانت زي عربيّات السباق وكنت عارفه انها غاليه و بعد ما ركبت بقول لحد الدريكسيون بتاعها خفيف مش زي عربيبتي 

انا انسه 

sehamgomaa كتب:

رقم 13

لو سمحتى يا ماما ربنا يبارك لك يارب 

انال حلمت اكتر من حلم بخطيبى جاى جعان جدا او ل مره كان لوحده وانا كنت لوحدى فالبيت وهو جاى من سفر ولبست اى لبس عشان هو كان جعان وكده ودخلت المطبخ وعملت الاكل بس  مش عارفه اكل او لا 

تانى مره هو برضه موجود وجعان جدا  بس العايلله معزومه وكده بس  هو ملهوف اوى وجعان ومستعجل  

تالت حلم وده بنت عمى اللي حلمت بيه انه معزوم عندها وانا معاه وبياكل جرجير اصفر من الجوع وهى مستغربه وكده فالاخر لقت بوقه كله شعر اسود 

الاحلام دى بدات بعد الخطوبه ع طول 

حاليا ف مشاكل ف حياته ومفيش بينا اى كلام بسيط 

انا مطلقه بدون اولاد 30سنه 

هو منفصل ولسه بينهم قضايا واولاد لكن لسه مطلقوش  عنده 38 سنه 

soli كتب:

حلمت انى بشيل بطانية فجمعتها وسبتها مكانها وقولت هخرج اخدها بعد شوية ودخلت ولما طلعت اخدها لقتها مش موجودة وكانت بنت اخويا وبنت تانية بيلعبوا فى الشارع سوا فسألتهم مين خد البطانية دى فشاوروا على بيت وكان فى واحد يبان انوا قريبنا بس انا مش اعرفوا بيتخانق مع الست اللى فى البيت دا وانها خدت البطانية بتاعتنا وهى طلعت البطانية وقالت ليه ايوا خدتها ومش هرجعها ليك وهو بيتخانق معاها جامد فهو رجع لى مكسوف انوا مش عرف يرجع البطانية فانا قولتلوا هروح ليها وفعلا رحت وقابلتها وقولتها ازاى تاخدى البطانية بتاعتى فقالت لى مش خدت حاجة وانكرت تماما وخرجت بطانية تانية خالص غير بتاعتى وقالت دى البطانية اللى عندى وانا مكنتش عارفه اعمل ايه 

الحمد لله بصلى ومش بشتغل ومش متزوجة

soli كتب:

حلمت انى انا واختى قاعدين فى شقتنا اللى فى الدور الارضى وزى ما يكون فى مكتب فى اوضه منهم واحنا شغالين فيه وكنا بشعرنا واحنا فى الاصل محجبات فالمدير زى ما يكون بيتهمنا اننا عملنا حاجة وانا بقوله احنا مش عملنا الحاجة دى واحنا مالنا فكان فى واحد فى الشغل نزل بوشه على راسى وقالى خلاص بقى انهى الموضوع فانا بعدته عنى وقولت ليه هنهى ايه انا مالى فنزل تانى على راسى وغمس وشه فى شعرى وفضل يشم فيه وانا بعدته عنى ومشيت انا واختى وكان معانا واحد تانى من الشركة شكله يبان غلبان بس برضه كنت خايفه منوا بس مش قادرة اتكلم وطلع معانا شقتنا انا واختى ونام معانا على السرير بس حسيت برضه انوا بيحاول يقرب منى ومعتبر الامور كلها عادى لكن انا بعدت فقام خد نفسه وقال انا همشى بقى وانا كنت خايفه اصلا حد يعرف انوا بايت عندنا او موجود وفرحت لما قال همشى علشان مش ينفع ابات هنا وفتحت الباب ليه يمشى وكان اخويا جه يخبط على الباب وهو موجود بس انا مش فتحت علشان اخويا مش يشوفوا عندنا وكان اخويا جايب زى مجموعة مرايات قديمة فيها زى فصوص فاضية وحطها قدام الباب عندنا وطلع فلما فتحت الباب للراجل يمشى شوفتها 

انا واختى مش بنشتغل ولا متزوجين ووالدى ووالتى متوفيين وبنصلى الحمد لله 

soli كتب:

حلمت ان اختى فى عندها لبن كتير مرمى على السلم قدام شقتها وانا بقولها حرام اللبن دا يابنتى كدا كتير وهى بتقولى هعمل ايه طيب 

اختى متزوجة ومعاها طفل ومش بتشتغل وبتصلى الحمد لله

kokoadam كتب:

الحلم 17

ازيك ماما نجية
حلمت انى برة البيت بشتري حاجات وعديت على راجل بيبيع حواوشي واشتريت اتنين وقلت ليا انا وبنت اختى على ما ابقي اعزمها يوم تانى على الغدا برة واشتريت كمان عيش كتير ووصلت بيت ماما لقيتهم عاملين فطار كتير وبياكلو فقلت انا هاعطى اخويا الله يرحمة رغيف حواوشي دخلت لة اوضتة لقيتة قاعد على كرسي وشكلة جميل قلت لة خد ياعلى كل دا بفتح الكيس لقيت فية أربع ارغفة مش اتنين وكمان الرغيف كبير اوى فقلت هابقي اروح الراجل ادفع تمن الاتنين الغلط دول في اى وقت واديت لاخويا الله يرحمة رغيف قالى والله شبعان  دا لسة فاكر فراخ قلت لة مش مشكلة كل دا كمان
انا متزوجة وعندى ولدين ولسة من يومين مطلعين صدقة بسيطة علية

بوسى 123 كتب:

رقم ١٨ ..
حلمت انى مع واحدة ست و المفروض هى جايبة حاجات معاها هدية ..بس فى حاجة مش لاقينها  و انا بحاول ادور عليها و سألتها هى شكلها ايه و قالت هى زى ستارة و انا لقيت شنطة بنتى الصغيرة على جنب و قلت للست هاتى الشنطة ادور فيها ..و مديت ايدى جوة الشنطة لقيت حاجة زى علبة او كرتونة جوة كيس  ..بعد كده لقيت فى ايدى فرن كهربائي صغير و ابيض(اللى هو بنسخن فيه الاكل ) ..الست قالت لى ده بتاعك ..انا فرحت و ابتسمت مع انى قبلها ما كنتش مبسوطة من الست دى و يمكن كنت مكشرة شوية ..و قلت لها انا كان عندى زى الفرن ده قبل كده ..و كنت ماسكاه و بتفرج عليه ...شكرا

صوت روح كتب:

19
السلام عليكم ورحمة الله 
رأيت انيس جالسأ على الارض و بيده مصحف في مقر عمله يقرأ القرآن و حوله زملاءه يستمعون اليه و كنت واقفة استمع إلى تلاوته. 
انسة موضفة، مهمومة
انيس زميل عمل سابق بالشركة التي استقلت منها منذ شهور متزوج و له أبناء

صوت روح كتب:

السلام عليكم ورحمة الله 
رايت اني في مقر عملي القديم في اجتماع مع المدير و كان كل العاملين هناك موجودين و قام المدير بتعداد عدد العمال و قال ان العدد لا يشملني لاني استقلت من هناك و قد كنت اجلس في مقعد في آخر صف على اليمين. ثم رايت نفسي ذاهبة لقضاء حاجتي و دخلت مكتب آمال فوجدت الارضية مبتلة بالماء فتجاوزت المياه و دخلت لاقضي حاجتي  و لكنها تعسرت علي و كانت هناك فتحة مغطاة بطبقة حديدية بالحائط خلفي و خلفها شخص ما لم اره كان يدفع الطبقة الحديدية في كل مرة ليسترق النظر و قد انزعجت من ذلك.
انسة موضفة مهمومة لم يعد يربطني شيء بعملي السابق 
آمال مسؤولة شؤون الموظفين
ما تأويل المياه و هل هو مرتبط بالعمل هناك ام بي؟
و ما تاويل من يتجسس من وراء الحائط من خلال تلك الفتحة؟

sa_ra كتب:

حلم رقم ٢١ 

ماما حلمت اني موجوده في مكان زي المصيف في بحر لبني فاتح اوي و الامواج عاليه بس الشط اكنه جبال كده و كله رمل اصفر فاتح اوي وانا وقفه علي جبل من الرمل و ببص علي البحر بس كان مريح اوي 

انا متوسطه التدين متجوزه عندي ولد