تفسير احلام يوم الاثنين الموافق 12\11ان شاء الله

اني حامل و انا بقول لماما محدش لمسني والله يا ماما و بعدين أكن بطنى اتفتحت و خرج منها عضو ذكري ( أسفه والله بس الحلم كان كده ) وبقول لماما صدقتي بقى و الناس جم يهنوني اني ربنا برأني من تهمه الحمل من غير جواز انا أنسه   

حبيبه قلب احمد كتب:

ماما عامله ايه؟ يارب تكوني بخير 
انا حلمت كاني مع ناس اصحابي ومعاهم اخواتي وكانو بيدورو علئ خاتم المهم انا كان معايا خاتم وللبساه في ايدي. الشمال وقولتلهم زي ده قاللولي اه بس فيه فص الماظ المهم كنت بدور معاهم وخايفه يشكو فيا ولا حاجة ولاقيت الخاتم فعلا في كيس ابيض كبير بس الفص كان واقع فلزقته باايدي وركب واديتهؤلهم وفرحو اخواتي بيه جدا وبدور في الكيس تاني لاقيت توينز تلاته بس فضه وليه فص وقولتلهم ده كمان لاقيته قالولي خديه وخدته فعلا. وكان شكله حلو وبيبرق ؤبيلمع وعجبني جدا ولاقيت ازازه ميه شربت منها وارتحت ان المشكلة اتحلت ؤفرحؤ
أنا حامل لسه في الاول وعندي ابن

sasoloveyou كتب:

حلم 2

انا حلمت اني كنت ماشيه ف الشارع واخويا ضربني رصاصه ف رجلي
هو انا فاكره انها مكانتش وجعاني وهو ضربني الضربه فوق ركبتي بشويه والجرح مكنش كبير ومكنش في دم شوفتو هو انا فاكره انها كانت مفتوحه شويه وبارز ان في رصاصه ولون الجرح احمر شويه ورحت ف نفس اليوم ف الحلم المستشفي عشان احجز للعمليه عشان اشيل الرصاصه وتاني يوم كنت هروح اعملها بس كنت بمشي عادي ف الحلم وكنت طول الحلم بعيط وزعلانه عشان هو عمل فيا كدا وشوفت حماته ف الحلم وسألتني مالك وحضنتها وقعدت اعيط ودي اخر حاجه فكراها

يارب حل كتب:

حلمت ان واحده زميلتي في الشغل عملتلي شعري ضفيره وشكلي كان حلو جدا وانا ربطت الضفيره بتوكه في الاخر وكان شعري اسود جدا وناعم وجميل
انا انسه مش مخطوبه زميلتي مكتوب كتابها وفرحها قريب

يارب حل كتب:

حلمت اني في فندق اسمه فندق جده وكنت عايزه انزل حمام السباحه بس لازم تذكرتي تتختم المهم روحت وقفت في طابور وختمولي تذكرتي بسرعه
انسه امنيتي اتجوز واعيش في السعوديه هل ليها علاقه بالحلم

بوسى 123 كتب:

رقم ٥
حلمت ان فيه واحدة ماسكة فى ايديها ٢ سوتيان واحد ابيض وواحد بيج و بتفرجهم لى ..و الاتنين كانوا يشبهوا بعض شوية ..بس هى قالت ان فيه واحد يشبه الفستان ...و بعدين لقيت بنتى الكبيرة لابسة فستان وواقفة و انا بقول لها انتى لسه مش حاطة ماكياج .قالت لى لا انا خلاص حطيت ماكياج .مع ان  وشها ما كانش باين عليه ..و قلت لها يالا الساعة ٧ و بصيت على ساعة الحيطة و بعدين بنتى قالت لا الساعة مش ٧ .الساعة ٦ الا ربع .و انا لقيت ان فعلا كلامها صح ..
حلم تانى ..انا قاعدة فى عربية و بنتى الكبيرة قاعدة ورايا ..و المفروض اننا رايحين حفلة و انا فتحت مراية العربية و طلعت قلم كحل من شنطتى و حطيت فى عينى و كان لونه اسود و كنت بحاول اضبط الكحل لأنه حسيت انه اللون تقيل شوية ... و لقيت كمان ماسكارا فى الشنطة ..شكرا  

اليقن بالله كتب:

حلمت اللهم اجعله خير ان بابا الله يرحمه عاوزنى اتجوز غصب عنى وانا اقعد اعيط جامد اوى واقعد اقول مش عايزه العريس والعريس كان اسمه ابراهيم الحربى هو قربنا بس غنى وانا اقعد اقول ده شكله وحش انا مش عايزه وبعدين لقيت ست جايه بتبيع بلوفرات مستعمله بس ماما لقيت واحد منهم مقطوع فمردتش تاخدهم منهم وبعدين لقيت العريس جيه علشان يتفق مع بابا وبعدين جيه العريس علشان يشوفنىفلبست طرحه علشان انا مش عايزه مع ان اختى  اللى معايا فى الحلم مكنتش لبسه طرحه بس انا لبستها علشان مش عايزاه وبعدين شوفته فا قالت فى عقلى هو مش وحش اوى بس انا مش عايزه لكن العريس حاول يمسك رقبتى ويلمسنى رحت انا زعقتله راح قال ده مش عايزنى  وخلص الحلم بس انا طول الحلم بعيط ومش عايزه العريس وبابا عايزه
فى الحقيقه انا متزوجه وعندى بنت وبابا متوفى

Thediamondblue كتب:

السلام عليكم ورحمةالله وبركاته
حلمت ان والدي الله يرحمه قالي عامله ايه قالته  الحمد الله بس كنت في مشكله واحد صاحبه اسمه السيد البرعي هو ان هيحل موضوع بس مش عاد بيرد علي تليفون رد علي والدي قالي ده مات من عشر ايام الله يرحمه  بعدها سمعت اذان الفجر

اليقن بالله كتب:

ماما حلمت اللهم اجعله خير ان اخوى عيل صغير وموسخ هدومه وماما قالت لبابا الله يرحمه حميه وانا هجيبله هدومه وخلص الحلم على كده
اخوىكبير مش صغير


واخوى حلم انو رايح العمره ومش معاه فلوس وبعدين لقى ابوى الله يرحمه طالع من صندوق خشب وراح ابتسمله واياله فلوس راح اخوى قال خلاص انا هطلع السعوديه واعمل عمره وخلص الحلم

هبه من الله كتب:

السلام عليكم 
حلمت خير الله ما اجعله خير
إن إحنا ماما وبابا واخواتى راكبين طيارة من شرم الشيخ وهبطت بينا فى أسوان واحنا راكبين شفت متحف جميل اوى اوى اسمه المتحف الوطنى لونه اخضر وعليه عصافير وكنت خايف فى طيارة وهى بتهبط ولما نزلت كنت فرحانه ومبسوطه ورحت كتبت على الفيس بوك انى شفت المتحف الوطنى 
انا متزوجه وعندى ابن ويشتغل

^بكرة أحلى^ كتب:

السلام عليكم و رحمة الله و بركاته 

يارب تكوني بخير يا ماما نجيه 

في موضوع زواج انفتح مع اهلي بخصوصي من مده قليله و حاليا بصلي استخاره من وقت للتاني او بقول الدعاء إلى أن تحصل المقابله بإذن الله 

اليوم الجمعه الصباح مع وقت الضحى صليت الضحى و شربت ماء زمزم و دعيت ب دعاء الاستخاره بخصوص هذا الشخص و زواجي منه  و حلمت خير يارب 

ان هو و أهله عندنا في البيت و ان دي أول مره أشوفه و شفنا بعض و حصل قبول و كان اهله قاعدين في غرفة نومي في الواقع وهو معاهم و انا و اهلي , و كانو بيتكلمو في انهم حايخطبوني لابنهم , بس لاحظت ان ابنهم زي مايكون عنده مشكله في مشيته , و حسيت و انا جمبه اني كمان رجليا الاتنين مش مستويين في طريقة مشيتي حسيت فعلا كدا و استغربت و بعدين لقتني عادي  , و مرات اشوفه لا عادي مافيش فيه حاجه, و وجهه كان مقبول جدا ليا , بس زي مايكون فيه حاجه  الشخص بس مش عارفه ايه , مش واضح ليا ايه اللي غريب  و مرات اسمع صوته عالي زي ما يكون متعصب , بس الواضح انه حصل قبول , و كان اخواته معانا كانهم يعرفونا من زمان و كنت بتكلم مع اختي في خصوصيات قدامه اخوه عادي  زي مايكونو أهلنا فعلا و نعرفهم من زمان , و اختي (متزوجه ) كانت بتوضب لي كل حاجه و افتكر انها كانت بتنزل تشتريلي حاجات و ترجع , زي ماكون بترتبلي للخطوبه ,  و لاحظت ان اخواته البنات حلوين جدا و امه كمان , و لقيت أمه بتمسك موبايلي و فتحته و قرأت رسايلي مع اختي تقريبا بس من غير ماتقلب فيه و انا حسيت بالاحراج بس سكت و قلت مش مشكله , بس حسيت ان أمه مش حباني أوي بس فرحانه بيا لابنها , و والده اللي حسيته انه فرحان بيا و لقيته بيسلم عليا بإيده و في الحقيقه والده فعلا هو اللي اختارني لابنه و قال ليه عليا و فاتح أهلى في الموضوع ,  بس اجمالا كنت مبسوطه في الحلم  و قمت مبسوطه منه

مش عارفه هل الحلم  ليه معنى ام لا ؟ 

ملتزمه الحمد لله

آنسه 

و تنصحيني بإيه يا ماما نجيه     و جزاك الله خيرا 

بوسى 123 كتب:

حلمت ان انا و بنتى بنتفرج على  محل و مش لاقيين حاجة عاجبانا  و انا قلت لها نروح محل فى الإبراهيمية .و احنا واقفين لقيت بنتى زى نطت و قعدت على سور و انا معرفتش اقعد زيها ..و قالت لى اهو الترام جه ..و مشيت بنتى و انا وراها و بعدين ما بقتش شايفة هى ركبت ولا لا ..و مش عارفة اركب ولا لا ..و كان فيه ناس كتير نازلين و بعدين ركبت الترام ..و مالقتش بنتى فيه .و زى هى اتصلت بيا و قلت لها تعالى انتى مشي و خلاص  ..و بعدين لقيت نفسي مع بنتى فى الشارع و فيه جزء متفرع من الشارع على اليمين و بنتى قالت لى نمشي منين و انا شاورت على الجزء اليمين ...و لقيت اننا فى محل جزم و فيه جزم زى بعض بس الوان مختلفة احمر و اخضر و ازرق جنب بعض ..و مش فاكرة انا سالت على المقاسات قالوا ٤٠ و ٤١ و بعدين قلت خلاص مش هنلاقى المقاس ولسه كنت همشي لقيت واحد بيقول لى انه عنده مقاس ٣٨ او ٣٩ مش فاكرة و انا فى الحلم كنت حاسة انه محتاجة مقاس تانى ...و قالى عايزة لون ايه ..قلت له ازرق ..و مسكت الجزمة و لبستها و لقيتها واسعة و بعدين قلت اشد الرباط و لقيت المقاس احسن ..بنتى شافت الجزمة و قالت إنها مش حلوة و انا كمان بصيت لقيت الجزمة طالع منها حاجة زى قماش من الجنب و قلت فعلا دى وحشة .....بنتى فى الحقيقة فى بالها تسافر و انا مش مقتنعة بالموضوع و صليت استخارة  مش عارفة الحلم ده له علاقة ولا ايه ...شكرا

ايه كتب:

انا حلمت اللهم اجعله خير 

اني حامل و انا بقول لماما محدش لمسني والله يا ماما و بعدين أكن بطنى اتفتحت و خرج منها عضو ذكري ( أسفه والله بس الحلم كان كده ) وبقول لماما صدقتي بقى و الناس جم يهنوني اني ربنا برأني من تهمه الحمل من غير جواز انا أنسه   

kitkat كتب:

السلام عليكم
حلمت بوالد شخص كان متقدملى و مازال عايز يتقدملى تانى والده ده متوفى ...
حلمت ان هو. كان لابس،نضارة  و كان قاعد و ماما موجودة كأنهم أصحاب،و انا كنت كأنى جاية عليهم و اول ما قعدت سالنى جبتله الخضرة معايا قولتله ياااه نسيت قولتله بس قول لفلان إللى هو ابنه يفكرنى بالليل عشان ابقى اجبهاله و بعدين قام مع راجل غريب معرفوش مشى و قالى ماشى و ابقى اجبله كمان النظام الغذائي النباتى عشان عايز يبقى رياضى او يحافظ على صحته او يحسنها
و فى اخر الحلم شوفت الخضرة إللى هى بقدونس و كده
انسه موظفه

صوت روح كتب:

14

السلام عليكم و رحمة الله 

 شفت نفسي دخلت محل بيع ماكولات جاهزة فيها انواع من الأطعمة منها الحلو و المالح و انا حبيت اشتري شي مالح سندويتش او حاجة مشابهة البائع  اقترح علي نوعين و كان ثمنهم مناسب اشترتهم و دفعت الثمن و البائع اعاد الي الي تبقى من المال ورقه نقدية ب10 الاف انا استغربت في الاول

و زاد استغرابي لما لقيت العملة مو تونسية مكتوب المغرب على الورقة النقديةو اجت بنت شافت الورقة بيدي تفاجات و قالتلي الورقة كتير قيمتها عالية و انا قلتلها ايه بس و انتهت الرؤيا

انسة موظفة مستنية تحقق أمنية بالمغرب حتتسبب في تغيير حياتي للأفضل إن شاء الله 

ronyrosa كتب:

السلام عليكم ورحمه الله وبركاته انا متزوجه وعندي طفل حلمت اني نزلت الدور الارضي لبيتنا لقيت في نصف الشقه طشت احمر طبير مليان مايه وفيه سلاحف صغيره لما قربت منها لقيتها بتكتر لدرجه انها بقت تنزل في الارض بعدها كنت بكنس الارض بالمكنسه فكإن المكنسه شفطت رجل سلحفه وانا خفت واعدت اخبص المكنسه لحد ما رجل السلحفه خرجت بس لقيت السلاحف اتلمت عليها خفت وطلعت اجري علي السلم لقيت كلب بيجىي ورايه لحد ما دخلت شقتي ولقيت اخويه بيقولي ان هو الي جاب السلاحف دي