تفسير احلام يوم الخميس الموافق 11\2 باذن الله

انا حلمت اني سايقه عربيه آيات صاحبتي ( عربيه آيات لونها اسود العربيه الي كنت سايقاها لونها احمر و انا عربيتي لونها احمر ) بس اكنها عربيه آيات و بعدين ركنتها و نسيت مكانها وكنت عماله أدور على العربيه في الحلم و بعدين روحت شقتنا القديمة و لأول واهله حسّيت انها نضيفه و دخلت كذا أوضه لقيتها قذره جدا و فيهم كلاب  و اسد بس هادي مكانش طالعله صوت حتى الكلاب انا شكيت انهم يكونوا ميتين فقرفت من الشقه و طلعت أدور على العربيه تاني بس ملقتهاش 

sasoloveyou كتب:

حلم 1

انا حلمت اني راكبه طياره ومسافره للسعوديه وكنت بقول اني اول م اروح هعمل عمره وكانت الطياره كبيره وزي م تكون خاصه مش عاديه

نودى2 كتب:

رقم 2

حلمت انى شفت قطتين لونهم ابيض فى بيتنا وعرفت ان طليقه اخويا جابتهم وسبتهم فى

الجنينه واستغربت لما شفت القطتين لان كان فى بالى انها باعت واحده منهم وانا كنت مضايقه

وقلت خلاص هسربهم زى القطه الى قبلهم

اخوبا عنده بنتين من طليقته وهما فعلا بيربو قطط

mokaa كتب:

حلم 3


(فى شخص متقدملى و انا و اهلى موافقين عليه و هنتخطب قريب بس لسة محددناش معاد الخطوبة .. و حاليا حصلت بينى انا و الشخص دة مشكلة كبيرة و بقالنا كذا يوم متخاصمين )


حلمت ان اخو الشخص ( الى متقدملى ) دة جالى البيت .. و انه بيحبنى جدا .. وبيقرب منى و بيقبلنى فى وجهى 


و انتهى الحلم على كدة

^بكرة أحلى^ كتب:

4

السلام عليكم يا ماما نجية 

ليا صديقتي بتحلم حلم بقالها مده و على فترات 

بتقول خير يارب 

"انها بتحلم ان حد زي اختها او اي بنات يجامعوها ,المهم بتكون امرأه ,  لكن مش بيحصل بالمعنى المفهوم و بتكون في الحلم بتقاوم او ممكن بتقول ان ده حرام, و زي مثلا مؤخرا حلمت زي مأذون و عايزين يجوزوها اختها و هي قالت لأ " . 

هيا الحمد لله ملتزمه و بتصلي و آنسه و بتشتغل 

و جزاك الله خيرا 

شكرا ليكي 

حبيبه قلب احمد كتب:

ماما انا حلمت ان جوزي حط في حجري اتنين جرؤ (صغير الكلب) وكانو لونهم بني فاتح وكانو حلوين بيلعبو ونا شيلت واحد كان حلو وكان ذكر وانا وابني كنا مبسوطين جدا بيهم وابني كان بيلعب مع التاني وانا للي شيلته كان كانه بيضحك بس عمل حمام ميه عليا خفيف وابتسمت بس مش كنت قرفانه وكانت الميه شفافه.... 
انا عندي ابن عمره سنتين ؤنص
انا حامل

يارب حل كتب:

حلمت اني انا وصحبتي واقفين قدام بيتي في الشارع وببص ع البلكونه لاقيت في البلكونه من جوه منشور فستان فرح ابيض وببص لاقيت ماما معاها فستان تاني ابيض برضوا وراحت رميته عليا من فوق لاقيت نفسي لابسه وصحبتي كمان لاقيتها لابسه فستان فرح وانا وصواريخ والعاب ناريه قعدت تضرب في السما وتعمل الوان حلوه واشكال وانا وانا واقفه تحت شايفه الفستان التاني منشور علي حبل الغسيل في البلكونه من جوه
انا وصحبتي انسات ومفيش عرسان حاليا

^بكرة أحلى^ كتب:

7

عندي حلم ليا يا ماما نجيه 

اولا انا بقرأ الرقية على الماء و بشرب منها الحمد لله بقالي فتره 

و كنت يوم ما حلمت قرأت الرقيه على المياه و شربت و دعيت بعدها ليا و لأهلي و نمت شويه 

حلمت خير يارب , ان في طائر في غرفتي , صغيير و انا خفت و قعدت اقول ل ماما الحقي في عصفور دخل اوضتي و كنت خايفه و عايزة أطلعه من الاوضه , و بعدين لقيته اتحرك و كبر و شكله كان غريب بس جميل و مميز كدا و عصفور شكله مش مألوف ولا عارفه نوعه ايه, زي مايكون راسه قريبه من شكل السمك , مش عارفه مش متأكده بس كان شكله مميز و ملون الوان كتير لكن يغلب عليه اللون الأسود و قعد يتحرك في الاوضه و انا خايفه منه لسه عايزاه يخرج و مش عارفه أخرجه, و لقيته راح ناحية سريري و خلص الحلم على كدا و صحيت و المغرب بيأذن 

ملتزمة الحمد لله 

آنسة 

جزاك الله خيرا   

شكرا ليكي 

نهر الحياه كتب:

اختى  متزوجه حلمت اني البس  نقاب به زغرفه بشراشيب أو شريط به خطوط  انسه

mokaa كتب:

حلم 9


فى شخص متقدملى بس حصل بينا خلاف قوى و متخاصمين بقلنا فترة 


حلمت ان الشخص دة اتصل بيا على تلفونى الشخصى و انا رديت عليه و اتكلمنا عادى بهدوء و كنا متفاهمين 


و صحيت بعدها

ايه كتب:

حلم رقم ١٠ 

انا حلمت اني سايقه عربيه آيات صاحبتي ( عربيه آيات لونها اسود العربيه الي كنت سايقاها لونها احمر و انا عربيتي لونها احمر ) بس اكنها عربيه آيات و بعدين ركنتها و نسيت مكانها وكنت عماله أدور على العربيه في الحلم و بعدين روحت شقتنا القديمة و لأول واهله حسّيت انها نضيفه و دخلت كذا أوضه لقيتها قذره جدا و فيهم كلاب  و اسد بس هادي مكانش طالعله صوت حتى الكلاب انا شكيت انهم يكونوا ميتين فقرفت من الشقه و طلعت أدور على العربيه تاني بس ملقتهاش 

انا أنسه

^بكرة أحلى^ كتب:

11

السلام عليكم 

انا بيتكرر عندي حلم لكن بأشكال مختلفه لكن المضمون واحد 

بحلم ان في حشره في أوضتي و بحاول اخرجها او بقتلها و مرات بيكون معايا حد من اهلي بيساعدني

مره كان اخويا الكبير معايا بيحاول يقتلها معايا, و دايما يكون اللي بيحصل ده في اوضتي انا و بيخلص الحلم من غير ما تأذيني , يا بيكون قتلتلها او بحاول اقتلها او اطلعها بره الاوضه  , و مره كان طير يا ماما نجيه زي ماكتبت الحلم فوق بس ماكنش بيدايقني بالعكس انا اللي كنت خايفه منه لكن الطير كان في اوضتي و بيطير بهدوء و مش بيأذيني  

مع العلم اني بكون مش بفكر في حاجه او في شيء معين مدايقني الحمد لله 

آنسه و ملتزمه الحمد لله و برقي نفسي و بشرب من الماء المقري عليه دائما الحمد لله 

بوسى 123 كتب:

رقم 12..حلمت ان انا و زوجى فى محل و معانا حاجة زى كنبة و كانت متغطية بحاجة زى ورق يعنى متغلفة علشان جديدة و المفروض احنا اشترينا الكنبة دى من محل تانى و لقيت راجل بيشتغل فى المحل إللى احنا فيه و فتح جزء من الورق إللى مغلف الكنبة و قال انه الخشب بتاعها من النوع الكويس...    و زى ما يكون بيشرح ل زوجى مكان يعمل فيه حاجة للكنبة و  سمعت زى بيقول شارع 48 او 49 ..و أعطى زوجى حاجات فى ايده ..زوجى قال انه مش محتاج يوصف له حاجة لأنه يعرف راجل تانى يعمل اللى احنا محتاجينه ..و بعدين كنا هنمشي من المحل و زوجى راح يشيل الكنبة بس لقيتها بقت سفرة و زوجى شالها و مشينا...شكرا  

بوسى 123 كتب:

رقم 13 ...حلم لصديقة....هى كانت علاقتها مش حلوة مع خالتها الله يرحمها ...حلمت انه خالتها المتوفاة واقفة تكوى..و صديقتى عدت من جنبها و كانت متضايقة انها شافت خالتها ..و بصقت (تفت) و كانت تقصد انها تتف  على خالتها بس من غير ما يبان انها تقصد ...و علشان كده راحت الحمام و عملت نفسها ان عندها كحة و علشان كده بتتف..و كانت بتحاول تكح بس مش عارفة ....شكرا  

بوسى 123 كتب:

رقم 14..حلمت انى دخلت مطبخ امى الله يرحمها و لقيت زوجى ماسك جزمة رجالى و المفروض انها جزمته و بيقول لى انه هيرميها و انا قلت له دى جديدة يادوب من شهر ولا شهرين ..قال لى انه الجزمة دخل فيها مسمار و بقت مش نافعة ...لقيت نفسي معايا جزمة سوداء تشبه جزمة عندى فى الحقيقة و كانت متوسخة شوية و فتحت الحنفية و غسلتها و رحت حجرة و قلت احط الجزمة على جنب علشان تنشف و كان فيه راديو على الأرض و تقريبا كان شغال فيه قرآن..و حطيت الجزمة ع الارض...
حلم تانى ..انه شفت بنتى الكبيرة و معاها بنت تانية ..و التانية دى زى بتقول لها على عريس و المفروض انه العريس ده كان يعرف البنت دى وواحدة تانية كمان او كان خاطبهم  قبل كده..   و انا قلت للبنت انه لو بنتى عايزة تقابل االعريس ده هى حرة ..بس احنا مش هناخد فضلاتكم و كنت متضايقة... كنت اقصد انه البنت يعنى عايزة تعطى بنتى الشاب ده بعد ما خلاص بقت مش عايزاه ....شكرا

بسمه رضى كتب:

حلم رقم ١٥
الحلم ده لأمي حلمت خير اللهم اجعله خير ان بابا بيسوق بينا العربيه بتاعته وانا وامي واخواتي الاتنين البنات معاه في العربيه وبابا اشتري. لاختي سلمى بيت وبعدين اشترى ليا زي غرفه او بيت عند ناس سعودين بابا عرفهم وبيقول لماما انا دفعت ليها ٨٠٠٠  ايجار وماما بتقوله طيب والعفش قالها على اخر السنه وهنكون نزلنا انا دفعت الايجار وماما قالت خلاص انا هديها من عندي البوتجاز والثلاجه  وكام حاجه كده من البيت وقامت على كده هي حلمت الحلم ده بعد الفجر وللعلم انا في مشاكل مع زوجي ووقفه على الطلاق

بوسى 123 كتب:

رقم 16 ...حلمت ان انا و زوجى و بنتى الكبيرة قدام محل و بنتى شاورت  على الفترينة و كان فيها اطقم ملايا ت..اول طقم انا قلت ده ب 500 جنيه و بنتى قالت لا الطقم التانى احلى و قالت انه ب 600 و انا بصيت على السعر و كان مكتوب بخط صغير شوية ..و بعدين دخلنا المحل و تقريبا كان محل العامرية و اتا قلت ل بنتى انه الخامة هنا بتكون احسن حاجة ..و لقينا الست إللى بتبيع و قالت لنا انه فيه فرع قريب من بيتنا ..و انا زى عرفت الفرع فين و بشرح لبنتى  المكان..شكرا