تفسير احلام يوم الخميس الموافق 10\20 باذن الله

حلمت اني بجهز لجوازي واتنين قرايبي متجوزين هما اكبر مني سنا وعندهم اولاد قالولي ان في نيش مليان كوبايات وكاسات حلوه روحي خدي اللي يعجبك والحاجات دي بتاعتهم من زمان المهم روحت اخد الكاسات حلوه وقيمه بس عليها تراب وانا اقول هنضفها مش مهم ولقيت شويه حاجات وبعدين شوفت كاسين بتوع عروسه وعريس قولت هاخدهم علشان اشرب فيهم انا وزوجي جبتهم ببص لاقيتهم برطمنات واحد صغير بتاع العروسه وليه غطي دهبي والتاني كبير بتاع العريس ليه غطي دهبي بس برضوا عليهم تراب والغطيان الذهبي لونها رايح فقولت هبقي ادهنهم لون دهبي واغسلهم وهيبقوا حلوين
انسه مش مخطوبه وبشتغل ومفيش مواضيع زواج حاليا قرايبي واحده اسمها صفاء والتانية اسمها عزه

حلمت خير اللهم اجعله خير حلم غريب شوية 
انا كنت مخطوبة لابن خالتى ومحصلش نصيب وانا اتجوزت واحد تانى وهو راح اتجوز بنت خالتنا التانية المهم بقي حلمت

انى حسيب جوزى واتجوز ابن خالتي ده وجوزى موافق جدا ومرحب بالموضوع وبيسرلي الطريق للزواج ده وانا بحب زوجى في الحلم مش عاوزه اسيبه واتجوز غيره وشايله هم ولادى مين حياخد باله منهم فجوزى قالي انا حاخد بالى منهم ولقيت جوزى بمكنه حلاقة بيحلقلي دقني وبيظبطنى عشان عروسة بقي ولبست فستان الفرح وجوزى ده موصلني للعريس الجديد بقي ... وروحت قابلت العريس الجديد ( ابن خالتي ) وكانو عاملين زى لمه كبيرة منتظريني بقي .. فانا لما وصلت هناك عنده سألته حنتجوز فين قالى في شقة مامته ( خالتي) قولتله لا مينفعش انا حتجوز فى شقتك قالى لا عشان مراتى حامل والشقة من حقها احنا مستنين الجنين اللى فى بطنها يموت وحناخد الشقة منها ونبقي ننقل فيها ... قولتله لا انا مضمنش ان الجنين يموت ما يمكن يعيش انا مش حكمل الجوازة ... وببص لقيت ولادى ( بنت وولد ) بس البنت في الحلم كانت ولد يعنى انا شوفتهم ولدين واقفين شكلهم وحش كده ولابسين لبس وحش واقفين جنب باسكيت زبالة كبير زى يعني ضاعو من بعدى .. فقولت لا انا حرجع لبيتي ولولادى ومش حكمل الجوازة دى وفعلا في الحلم رجعت لجوزى واخدت ولادى فى حضنى وكنت فرحانه جدا جدا انى رجعتلهم ...
اسفة الحلم طويل بس بجد خايفه منه ومستغرباه

حلم رقم ٣
ماما جوزي حلم ان هو في بيت علي بحر و معاه ناس من اسيا و البوليس جه يحقق معاه علشان قتل وحده ست وابنها صغير اعترف علييه و اكتشف المكان اللي هي مدفونه فييه و طل ايدها .. و المديربتاعه استغل كده ووقفه عن الشغل لحد التحقيق ميخلص بس

هو متوسط التدين عندنا ولد

الحلم ده انا حلمته لواحدة صاحبتى تأخرت شوية في الانجاب 

حلمت خير اللهم اجعله خير ان انا وصديقتى ( يمني ) رايحين لصاحبتنا ( سارة ) اللى تأخر حملها شوية ... وواخدين هدايا ورايحين ليها عشان عيد ميلادها فصديقنى ( يمني ) طلعت هديتها لسارة وكانت عبارة عن فرشة شعر بيبهات وببرونة وسلوبيتات اطفال لسه مولودة ... فسارة دمعت كده لما شافت حاجات البيبيهات وقالت ياااااارب فأنا قولتلها ايوه ياسارة قولى يارب ... وفى الحلم سارة كانت لابسة سلسة حبل مش دهب وكان نازل من السلسلة علقتين عليقة مربعه خشب عليها صور لسارة والعليقة التانيه مستطيلة كده عليها صورة سارة بس في لبس تنكرى بتاع الفراعنه والعليقة المستطيلة دى كانت بتتخلع كل شوية فسارة خافت ان العليقة تقع فلزقتها بسليكون بس اللزق مكنش قوى ... العليقة كانت متشبثة كده ... بس الحلم ده انا حلمت وصحيت توقيت الفجر

حلمت اني يوم الجمعه ونايمه وصحيت سمعت صوت خطبه الجمعه فدعيت ربنا يجعل شخص معين انا معجبه بيه من نصيبي
وبس
انا انسه وفي شخص نفسي ارتبط بيه وهو ده اللي دعيت انه يكون من نصيبي في الحلم

حلمت اني عندى امتحان فيزياء وبذاكر كتير وبخفظ المنهج وفجأة ببص في الساعة لقيتها بقت 9الصبح قلت يبقي الامتحان بدأ ولبست بسرعة جدا ولبست كاب علي راسي ونزلت علي اول الشارع اركب تاكسي لقيت اخويا الله يرحمة راكب عربية وابن عمي واقف ف الشارع قال ي راحة فين قلت لة الامتحان قالي تعالي اخوكي يوصلك وماركبناش قلت لة ممكن اللجنة بتاعتي ف المدرسة القريبة فاخدني وبيوصلني للمدرسة ببص لقيتني لابسة شبشب الحمام وكمان نسيت البس طرحة فبقول لابن عمي اية دا نسيت البس حجاب ولبست الكاب بس اتضايق منى جدا وسكت ووصلت لبيت كانة فيه امتحاني وطلعت لقيت اللجنة كلها بنات بتتكلم والمراقب مشغل اغاني وهيصة زعقت وقلت اقفل الهيصة دي واخدت ورقة الامتحان لقيتني مش عارفة احل حاجة مع اني كنت مزاكرة كويس

انا متزوجة وعندى ولدين