تفسير احلام يوم الخميس الموافق 8\17 ان شاء الله

الحلم رقم ٦ 
انا حلمت ان بابا بيدبح خروف ابيض و بعدين حط عينيه في علبه و ادهاني فأنا كنت قرفاته فقالي لا خديها وبصي فيها فأنا فتحت العلبه لقيت تعليقتين واحده بيضا و وواحده غامقه سوده او زرقا مميزتش لونها بالظبط و كانوا احجار كريمه و بيلمعوا 
و في حلم تاني حلمته يوم ما شوفت عريس حلمت اني لابسه فستان دانتيل ابيض بس مش لابسه تحته حاجه 
انا حاليا متقدملي عريس انا حاسه انه كويس بس ماديا في فرق في المستوى هل الأحلام دي ليها علاقه بالموضوع 
وبابا كان عمل عمليه في القلب من شهر تقريبا 

مظله كتب:

الحلم رقم (١)
حلمت خير اللهم اجعله خير انى بركن عربيتي في سوق كبير وواضح انه سوق جملة ... ونزلت اشترى طلبات وكان معايا عنب أحمر جميييل اوى وعناقيد ماسكه نفسها وفيه جزء مفرفط ... فانا سيبت كرتونة فيه العنب المفرفط واخدت العنب اللى ماسك بعضه وحطيته فى عبايتى من ادام كده وغطيته بعبايتي ... ولما رجعت بقول للراجل فين العنب المفرفط اللى كان هنا قالى اتسرق ... فانا قولت في سري انا عارفه انه حيتسرق عشان كده سيبت المفرفط واخدت الجميل ... وكانت عربيتى فى الحلم بتاعت جوز عمتى اسمه ( كمال ) ... فبقول للراجل لو سمحت شيل حاجتك من ورا عربيتي عشان اطلع امشي قالي لا ورخم عليا ... فظهر والدى رحمة الله عليه وساعدنى ان الراجل يبعد عن طريقي عشان اخد عربيتي وامشي .. ومشيت وانا مبسوطة ان معايا العنب الاحمر
متزوجة ومعايا طفلين

Thediamondblue كتب:

حلم رقم 2
السلام عليكم ورحمة الله وبركاته ازيك يامامانجيه كل عام وانتي بخير
اناحلمت وده كان العصر اني ماشيه في طريق انا وواحدة صاحبتي وايدينا في ايد بعض الطريق كان بالليل بس فيه نور مش واضح مصدرة وكانه في عزبة علي جنب بيوت فلاحين والناحيه التانيه ترعه قديمة الطريق ماكنش ممهد كان فيه زلط ومطبات صغيرة بس احنا كنا ماشيين عادي وكاننا رايحين مكان معين وفي وسط الطريق كان فيه 3 شباب بيهزروا مع بعض منهم واحد قرص زميله بالهزار ولماشافونا اتكسفو ووقفوا علي جنب بس الولد اللي اتقرص مسك صباعي مااعرفش ازاي انا ماحسيتش غير وهو ماسكة جامد وصاحبه بيقوله عيب كده سيبها وعلي فكرة انا منتقبه ومابسلمش ساب صباعي بس رجع مسكه تاني قبل مالحق اشيل ايدي وفضل يضغط عليه واصحابه يقولوه سيبه لغايه لماسابه بس كان بيألمني جامد وفضلت حاسه بالالم مدة وانا ماشيه جنب صاحبتي وبدأت دموعي تنزل من الالم وصعبت علي نفسي ولاحظت ان الولد ده كان ماشي ورانا وانا شايفاه
ملحوظة الاصبع اللي كان ماسكه اصبع جنب الاصبع الصغير في اليد اليمنى

snow white.m كتب:

حلم ٣
سلام عليكم حلمت ان جوزى بيجامعنى وكان بياكل تمر فى وقتها

نهر الحياه كتب:

حلمت انى أرى برص صغير  يدخل المطبخ وأيضا عنكبوت أسود  كبير  يدخل  الحمام انسه 

مظله كتب:

الحلم رقم (٥)
حلمت خير اللهم اجعله خير انى ولدت ولدين توأم وبنت سميت ولد أحمد وولد آدم والبنت اتخانقت انا وزوجى على انى اسميها ( درة ) بس زوجى رفض وقال ان اسم البنت اللى حيختاره والده وانا رفضت ان والد زوجى يختار اسم بنتى .. 

انا متزوجة ومعايا ولد وبنت ومش حامل

ايه كتب:

الحلم رقم ٦ 
انا حلمت ان بابا بيدبح خروف ابيض و بعدين حط عينيه في علبه و ادهاني فأنا كنت قرفاته فقالي لا خديها وبصي فيها فأنا فتحت العلبه لقيت تعليقتين واحده بيضا و وواحده غامقه سوده او زرقا مميزتش لونها بالظبط و كانوا احجار كريمه و بيلمعوا 
و في حلم تاني حلمته يوم ما شوفت عريس حلمت اني لابسه فستان دانتيل ابيض بس مش لابسه تحته حاجه 
انا حاليا متقدملي عريس انا حاسه انه كويس بس ماديا في فرق في المستوى هل الأحلام دي ليها علاقه بالموضوع 
وبابا كان عمل عمليه في القلب من شهر تقريبا 

Thediamondblue كتب:

اناصاحبة الحلم رقم 2 حبيت بس اضيف اني متزوجة وعندي بنت وولدين

sasoloveyou كتب:

حلم رقم 7

انا حلمت اني كنت رايحه لبيت جدتي وف الشارع بتاعها وقدام البيت ببص لقيت احصنه كتير اوي كل حصان لونو بني فاتح كدا ومتزين بحاجات وشكله نضيف اوي فرس يعني وشعره ناعم وكانو كتير اوي اكتر من 10
بس انت كنت خايفه منهم طبعا لاني بخاف منهم عموما

صوت روح كتب:

8

السلام عليكم و رحمة الله

هذه رؤيا اليوم

رأيت اني غادرت مقر العمل عائدة الى المنزل و كان هناك سيارة بيضاء ركبت فيها ( ليست سيارتي) وواصلت السياقة وكنت امر باماكن عدة و كنت اجيد السياقة الى ان وصلت الى مدخل مغطى فاوقفت السيارة و قلت في نفسي انه علي اعادتها الى صاحبها و ضميري كان يؤنبني لذلك.. ثم وجدت نفسي اواصل السير بها الى ان وصلت الى مكان يطل على البحر و كان الجو صحوا و جميلا و لكني انتبهت الى ان هناك اناسا جالسين على الحافة و وسط الماء بثيابهم فاستغربت الامر الى ان اقتربت من امرأة محجبة و جلست تحادثني عن الابتلاء .. كانت تخبرني عن ما تعانيه و انا اقول لها اعلم ذلك و كأنني مررت بنفس تجاربها و لكنها اختارت حلا ما لا اذكره و فجأة اتت الينا الممثلة انطوانيت نجيب .. سلمت علي فرددت عليها السلام و كانها اتت من اجل تلك المرأة كي تتولى امورها و انتهت الرؤيا و في نفسي شعور ان ما ستفعله المرأة ليس صائب.

خيرا ان شاء الله

آنسة موظفة

بسمه رضى كتب:

حلم رقم٩
حلمت خير اللهم اجعله خير ان طليقى جايبلي هديه باعتها مع اخته عبارة عن ٢جلابيه وحده لونها كموني والتاني بامبي فاتح  و ٢ شورت داخلي انا اسفه في اللفظ وشكلهم جميل جدا بس انا مستغربه باعتهم ليه وانا متجوزة وكنت هرجع الحاجات ليه وقمت ورجعت نمت تاني
حلمت ان بابا الله يرحمه جاي بعربيه بيضا فخمه جدا وكبيرة وعاليه عن الارض وجايب معاه شاب قمه في الجمال سبحان اللي خلقه وانا كنت في السوق واتعرفت على الشاب ده وهو كان بيحبني جدا بيعشقني وانا مكنتش متقبله في الاول بس خلاني احبه وكان مهتم بيا وهيشيل بنتي بس انا كنت حامل وبطني كبيرة اوي وهو كان هيولدني واشتريت حاجات المدرسه لبنتي وهو اللي دفع وبابا كان بيبص علينا من بعيد ومبسوط وركبت معاه عربيه بابا وبابا معانا وهيروحوني البيت وقمت على كده
انا يا ماما متجوزة وحياتي معاه الحمد لله ماشيه وخلاص وعلى طول بنتخانق ومحدش طايق التاني وكل شويه يهددني بالزواج

يارب حل كتب:

حلم رقم 1
في ناس اتكلموا انهم يجوا يتقدموا ولسه ملوش البيت لحد الان بقالهم فتره
الحلم اني لاقيت بابا بيقولي مبروك الولد اتصل وقال انه جاي وانه اشتري لبابا ساعه هديه بس ساعه غاليه جدا فقولتله الله يبارك فيك يا بابا بس انا سمعتبابا وهو بيتكلم مع الولد في التليفون والولد قاله انه صلح الساعه الغاليه اللي كانت عنده هيجيها بابا هديه
وبعدين لاقيت الولد ده نايم في غرفه نوم بابا ع السرير وانا دخلت الغرفه فسلم عليا وقالي اني جميله جدا وعيوني حلوين جدا وكان بهزر مع اخويا واخد مامتي في حضنه كانها مامته
وابوه اتصل بوالدي واعتبرته وقاله ان اللي كان معطلة عن الاتصال هو ابنه لانه مكنش موجود وهو كان متضايق وحزين وعايزه يتجوزوبس
انا انسه الولد ده مشفنيش قبل كده لانه مسافر وهوكان متجوز قبل كده ومطلق
حلم تاني صغير حلمت اني معايا عقد انا اللي عملته بايدي شكله حلو جدا بس هو مقلوب اللي فوق تحت واللي تحت فوق وانا في الحلم بقول اناهضبطه والعقد جميل وقيم جدا

مظله كتب:

السلام عليكم ماما نجية انا حلمت حلم غريب والحلم كله كان في بيت حضرتك

حلمت خير اللهم اجعله خير انى جيالك بيتك عشان تفسريلي حلم وبنت حضرتك فتحتلى الباب ودخلت البيت وملقتش حضرتك ... قولتلها ماما نجية فين قالتلى ماما في البلد راحت عشان تحل مشكلة هناك وراجعه .. خير قولتلها انا جايه عشان تعبانه وعاوزاها تريحنى .. واحنا بنتكلم جوز بنت حضرتك دخل علينا هو كان ملتزم ومربي دقنه ودقن كبيرة .. فانا لما شوفته خوفت اووووى ... واستخبيت في مطبخ البيت عندكو .. وماشاء الله المطبخ كان بيتعمل فيه حلويات وجاتوهات حلوة اوى .. المهم انا اصريت انى اظهر لجوز بنتك قولت طالما انا خايفه منه كده يبقي انا عليا حاجه ملبوسة يعنى .. وفعلا روحتله الاوضة وفضل جسمي ينتفض فهو فهم انى ادام خوفت منه يبقي عليا حاجه قالي تعالي متخافيش ورفع جسمي من عند منطقة ضهرى بصباع واحد ( صباع الإبهام ) وفضل رافعنى فوق وبدأت أحس بألم رهيب في ضهرى ومغص في بطنى وقعدت اعيط اقوله انا تعبانه قالى اصبري هو بيخرج منك ... وفعلا فى الحلم خرج منى وفضل بقى هو يكلمنى يقولى بصي اوعى تعيطي قبل النوم ولا تخافي منهم ولا من اى حاجه وقولى اذكارك واقري قرآن كتير واتبعي السنه في لبسك وهما مش حيضروكى تانى ... وبعدين حضرتك رجعتى وقولتيلى نفس النصايح بتاعت جوز بنتك ... وصحيت من النوم فعلا على الم في ضهرى في نفس المنطقة اللى كنت متشالة منها .. اسفل الضهر كده .. 

اسفه عالاطالة بس انا عمرى ما وسوست حتى انى ممكن يكون حاصلى حاجه او ملبوسة يعنى ولا فكرت مجرد تفكير .. 

سؤال معلش .. هو انا لو حلمت ان فيه شاب ظابط عريس بيتجوز والناس متجمعه في فرحه بس من غير عروسة ... ده وحش لقدر الله

Thediamondblue كتب:

حلم رقم 2
السلام عليكم ورحمة الله وبركاته ازيك يامامانجيه كل عام وانتي بخير
اناحلمت وده كان العصر اني ماشيه في طريق انا وواحدة صاحبتي وايدينا في ايد بعض الطريق كان بالليل بس فيه نور مش واضح مصدرة وكانه في عزبة علي جنب بيوت فلاحين والناحيه التانيه ترعه قديمة الطريق ماكنش ممهد كان فيه زلط ومطبات صغيرة بس احنا كنا ماشيين عادي وكاننا رايحين مكان معين وفي وسط الطريق كان فيه 3 شباب بيهزروا مع بعض منهم واحد قرص زميله بالهزار ولماشافونا اتكسفو ووقفوا علي جنب بس الولد اللي اتقرص مسك صباعي مااعرفش ازاي انا ماحسيتش غير وهو ماسكة جامد وصاحبه بيقوله عيب كده سيبها وعلي فكرة انا منتقبه ومابسلمش ساب صباعي بس رجع مسكه تاني قبل مالحق اشيل ايدي وفضل يضغط عليه واصحابه يقولوه سيبه لغايه لماسابه بس كان بيألمني جامد وفضلت حاسه بالالم مدة وانا ماشيه جنب صاحبتي وبدأت دموعي تنزل من الالم وصعبت علي نفسي ولاحظت ان الولد ده كان ماشي ورانا وانا شايفاه
ملحوظة الاصبع اللي كان ماسكه اصبع جنب الاصبع الصغير في اليد اليمنى