تفسير احلام يوم الخميس الموافق 8\10 ان شاء الله

رقم 1 . انا حلمت كام حلم ورا بعض ..انا كنت عاملة استخارة على مدرسة تعطى درس ل بنتى الصغيرة .حلمت انى كنت فى البيت و افتكرت انى نسيت الاكل على البوتاجاز و رحت بسرعة لقيت حلتين على البوتاجاز و فتحت الأولى المفروض انه كان فيها فرخة بس ما شفت غير مرقة و كانت كميتها قليلة و بعدين حاولت اطفى النار تحتها بس اول مرة ما انطفت و بعدين تانى مرة تقريبا انطفت و عين البوتاجاز التانية اللى عليها حلة تانية حاولت اطفيها أكتر من مرة الاقى النار شغالة مع انى بقفل المفتاح يمكن 3 مرات و بعدين انطفت .و انا قلت مفاتيح البوتاجاز محتاجين يتصلحوا..الحلم التانى انى واقفة فى بيتى بس هو مش شبه بيتى فى الحقيقة و كنت بتفرج على الريسبشن و لقيت مكتبة عريضة و قلت شكلها حلو و بقول دى بتاعت ماما الله يرحمها..و بعدين لقيت زهرية ورد كبيرة و الورد طالع منها طويل و فروعه طويلة و عجبنى شكله و كان فيه وردة لونها احمر بطيخى وردة صفراء و قلت يا ترى مين إللى ضبط الورد بالشكل الحلو ده ...شكرا

رقم 2...حلمت انى فى سيارة و معايا بناتى و المفروض ان البنتين مسافرين ووصلنا كمان تقريبا المطار و فيه ضابط وقف جنب السيارة و طلب جواز السفر ...بنتى الكبيرة أعطت له جواز السفر بتاعها و هو فتحه و بص فيه ..و بعدين اكتشفنا أن جواز السفر بتاع بنتى الصغيرة مش معانا ...و رجعنا البيت و قلت لهم ان أن جواز السفر بتاع بنتى الكبيرة كان ضايع و وجدناه ..ممكن تلاقى بتاع البنت الصغيرة ...و بعدين قلت ل زوجى و بنتى اننا لازم نتصل بسرعة و نؤجل السفر علشان ثمن التذكرة ما يضيع علينا ...شكرا

حلمت خير اللهم اجعله خير 
ان ماما طالعه الحج وجالها زى بوكس فيه حجات الحج بفتحه لقيت خاتم قديم بتاعى فضى اخته وبعد كده هى لقت خاتم بتاع الحج وراحت تحج واخدت اختى الصغيرة معاها