تفسير احلام يوم الثلاثاء الموافق 3\28 ان شاء الله

السلام عليكم ورحمة الله وبركاته حلم 1 الرؤية دى لصديقتى حلمت ان ابنة خالها المتوفية اسمها اميرة جالسة بينهم وعندما سألوها عن حالها قالت انها لم تغب والوقت الماضى كانت نائمه وقالت لها هناك 300 دولار قادمة الى سيد زوجك ولكن اصبرى شوية وانتهت الرؤية الحالمة اسمها نورا متزوجة ولديها3 أطفال وسيد هذا زوجها والمتوفية اسمها اميرة وماتت بمرض السرطان وجزاك الله خيرا على تعبك

انا حلمت انى في ايدى فلوس كتير متزوجة وعندي اطفال

السلام عليكم ماما نجية
الحلم ده امى حلمته حلمت ان فى بيت حمايا كأنه فيه فرح بس من غير انوار ولا طبل وجيه جدى ابو امى الله يرحمه احسن حمايا وكان جدى بيعيط وحمايا بيمثل العياط وامى شافته مفيش فى عينيه دموع المهم حط حمايا فى جيب جدى الله يرحمه حاجة وبعدين طلع جدى اللى فى جيبه فماما بتساله ايه ده قالها مؤخر الصداق بتاع بنتك اللى هو انا يعنى وجدة قالها يغوروا فى داهية دول ناس مش كويسين وحماتى فى الحلم لعوب برضه زى الحقيقة ومنافقة ومبسوطة فى الحلم وكان مفيش حاجة وبعدين امى بتبص لقت جوزى واقف على حافة الهاوية كانه على حافة جبل اللى هو حرك رجله هيقع وواقف مش همه ومش عارف معاه حاجة والناس والرجالة اللى تبعوا واقفين وراه بمسافة بعيد عنه بس واقفين يتفرجوا عليه وانتهى الحلم على كدة والنهاية مفتوحة مفيش حاجة واضحة بيها
امى 53 سنة مؤمنة الحمدلله وانا فيه مشاكل بينى وبين جوزى

الحلم ده امى برضه حلمته
حلمت ان هى واقفة فى المطبخ وجوزى واقف وراها وبتقوله مش هتشوف ضفر بنتى اللى هو انا وهو بيضحك ضحكة صفرا وعمالة تانبه برضه بيضحك ضحكة خبيثة صفرا وكأنها مبتقولش حاجة
امى 53 سنة مؤمنة الحمدلله وانا 28 سنة ومؤمنة الحمدلله وانا على مشاكل مع جوزى وبقالى 3 شهور فى بيت ابوية

رقم 8 ..حلمت ان عمى الله يرحمه قاعد على السرير بتاعى فى نفس المكان اللى انا بنام عليه و تقريبا كان بيقرا قرآن بس مش فاكرة كويس ..هو نده عليا و بيورينى حاجة فى المكتوب قدامه اللى هو المفروض انه المصحف ..و تقريبا كان بيسالنى عن نطق كلمة او بيقرا قدامى علشان يفهمنى انه عارف يقرا ..بس انا كنت مش مبسوطة انه نده عليا و رحت اشوفه و انا مش متحمسة يعنى زى ما تكون كنت مستعجلة و مش فاضية ...عمى اتوفى من كام سنة و كان غير متزوج ..و كان مش ملتزم دينيا و الله اعلم بالنفوس اللهم اجعله خير
حلم تانى ...دخلت شقة صاحبتى اسمها غادة (متزوجة و عندها اطفال) و لقيت عندها بنت خالتى (متزوجة و عندها أولاد بيشتغلوا و مش متزوجين ) لقيت فى الشقة أكتر من طقم .انتريه ..كل ما ابص فى حتة الاقى انتريه ...و بصيت فى حجرة لقيت فيها كمان اطقم انتريه ..بنت خالتى دى كان حصل بيننا مشكلة من كام يوم بس مش متخاصمين ...

رقم 9 ..حلمت ان شفت فيها كركبة و الشغالة بتنضف و المفروض اننا فى رمضان و فاضل ساعة تقريبا على المغرب و بقول هعمل اكل ايه و عايزة الشغالة تخلص ...و اتكلمت انا و الشغالة فى موضوع فلوس يعنى تقريبا هى عايزة تزود الأجرة بتاعتها ...و دخلت حجرة و لقيت فيها حاجات المفروض انها قديمة لقيت علبة فيها زى اكسسوارات زى مثلا دلاية او حلق و كانت كل الحاجات فيها واحدة لولى ابيض ..(اللؤلؤ)يعنى ...و قلت انهم حلوين و ممكن ينفعوا بناتى و حطيتهم على جنب ...