تفسير احلام يوم الخميس الموافق 3\16 ان شاء الله

ماما واحده صاحبتي حلمت بيا والحلم انه هيا كانت في بيت جدتها القديم وكان كل خالاتها موجودين ومتجمعين وانه كان. فيه واحد عايزها تكلمه من تحت اابيت واسمه شريف فهي مش ققابلته عشان مش ينفع لانها متجوزه ولكن خالاتها وكلهم نزلوله. وهي بعدها بصت من البلكونه لاقيته مشي ولكن شافتني انا جايه من بعيد ومعايا اهلي وكان معايا زي مخبوزات بالعجوه وريحتها جميله اوي ولسه طالع من الفرن واني كنت فرحانه اوي وجيت اديتها ورميتهولها ليها في البلكونه. ومشيت ومكمله مع اههلي وكنت لابسه عبايه ليها زعبوط وكنت رفيعه وجسمي حلو فهي اخدت المخبوزات ووزعتها علئ خالاتها ومامتها وريحتها تجنن وسخنه وانا كملت طريقي 
وبس
صاحبتي متجوزه وحامل. ملتزمه.

حلم 3

انا حلمت اني كنت مسافره لوحدي هدرس برا واكمل تعليمي وكنت بشتري حاجات للسفر وكان معايا حاجاات وهدوم جديده وفلوس كتيره 

وحلم تاني يا ماما انا حلمت امبارح بعد الفجر كدا اني عندي جزم كتيره اووووي وكنت بفرجهم لبنت خالي وكانو فعلا كتير وكلهم مقفولين وشكلهم شيك اوي وجداد وشبه بتاعت الناس الاغنيه اوي اللي منهم مقفول لفوق واللي بوت طويل اوي لحد الركبه ولونه اسود بيلمع والله نبيتي وبرباط كدا ةكذا واحد بس هما كانو اسود ونبيتي بس حوالي 8 مثلا وكلهم كانو بكعب عالي ولما قستهم كانو علي مقاسي وبنت خالي قالتلي انهم حلوين اوي كلهم

السلام عليكم
حلمت اني عندي مناسبه بس مش عارفه مناسبه بتاعتي ولا بتاعت حد تاني وبعدين لاقيت بنت خالي جيبالي عدسات لاصقة تلت الوان كل عدستين مع بعض المهم انا اخدت منهم عدستين لونهم ازرق عاطي علي موف غامق بس لابست عدسة منهم جيت البس التانيه لاقيتها زي ما تكون انقطعت او اتمسحت وبعدين قولت كده هي هتزعل انا هدفعلها حق اللي باظت دي ورجعتلها بقيت العدسات المفروض اني كنت هحضر بالعدسات دي مناسبه
انا انسه حالي واقف جدا بنت خالي حسوديه جدا وهي حاليا مطلقه وانا بدعي ربنا يعوضني ويرزقني بزوج زي ما بتمني
في حلم تاني صغير حلمت اني كنت زعلانه اني مشتريتش بالطو الشتا ده فببص في دولابي لاقيت جاكت حلو اوي كله فرو وشكله فخم جدا جدا فلبسته واستغرب ازاي اني كنت فاكره اني مشتريتش وانا لاقيت عندي الجاكت الحلو ده

رقم 6 ..حلمت انى فى حجرة بنتى الصغيرة و لقيت حاجات دهب جنب سريرها و اخدتهم و كانوا تقريبا سلسلة و دلاية و حلق تقريبا و طلعت علبة الدهب من الدولاب بتاعها و حطيت الحاجات فيها ..بس العلبة كانت مليانة و فيها اسورة او اسورتين و ما كنتش عارفة اقفل العلبة كويس ..و بعدين قلت يا خبر كده الجيران ممكن يشوفونى و انا معايا الدهب كده ..بصيت ورايا على الشباك لقيته مقفول ..كان الشيش بس هو إللى مقفول ...
حلمت ان بنتى الكبيرة بتقيس بلوزة خضراء و كان فيها شريطة تتربط فيونكة و هى مش عاجباها الشريطة دى و انا بقول لها انه عادى شكلها كويس و هى مش مقتنعة ..و بعدين انا مديت ايدى و شلت الشريطة من مكانها و قلت لها شلتها علشان ترتاحى ..و بعد كده لقيت بنتى بتجرى و كان فيه قضبان ترام أكتر من قضيب يعنى زى ما يكون فيه أكتر من ترام بيمر من الحتة دى ...و هى يتعدى فوق القضبان و انا خايفة و بقول لها استنى متأكد انه مافيش ترام و بصيت حواليا و عديت وراها ..و اعتقد كان الوقت بالليل ...شكرا