تفسير احلام يوم السبت الموافق 11\5 ان شاء الله

السلام عليكم 
حلمت حلم غريب اوي يا ماما نجيه
حلمت اني في شقه كبيره وواسعه اوي المفروض  في الحلم انها شقتنا واتنين صحابي جاين يزوروني واحده منهم لسه متجوزه قريب وانا قدمت للتانيه اللي مش مخطوبه فراوله بس كانت متجمده وانا اخدت فراوليه اكلتها كانت مش متجمده وحلوه وبعدين لاقيت جدتي الله يرحمها قاعده هي وواحده تانيه قريبتنا متوفيه خالتي كانت موجوده قالتلي قومي وصليهم قمت اخدتهم الاتنين كل واحده مسكتني من ايد وانا في النص ومشينا في صاله الشقه وكانت طويله وكلها نجف بس النجف مطفي مش شغال فهما الاتنين قعدوا بصوت عالي اوي يقولوا يا نور نور نور يا نور وكل ما يقولوا كده النجف يشتغل وينور لحد ما نجف الصاله كله نور وهما اختفوا ولا قيت نفسي واقفه لوحدي والانوار كلها منوره
انا انسه مواضيع الجواز مبتمش خالص ومفيش اي حاجه حاليا الحال متوقف معايا جدا جدا انا في كرب شديد

السلام عليكم 
انا متزوجة يا ماما والحمد لله عندى بنت وولد وحلمت انى مع جوزى في بيت واسع بس زي ما يكون انى مش مراته وانى قريبته وقاعده مع الأولاد في البيت بربيهم وكان في البيت حشرات صغيرة مكنتش عارفين ايه هيا بس كانت موجودة علي الأرض وبعدين جيه ميعاد الصلاة وبنصلي انا وهو جماعه لقيته خرج من الصلاة وبيقولي بسرعه حضري الحاجه علشان حنمشي من هنا فبقوله فيه ايه قالي وانا بصلي لقيت دم ماشي علي الحيطة وانا بلم الحاجه ببص علي السقف لقيت زى ما يكون حشرة وقفت علي السقف وبدأت تتحول خفاش

حلم رقم 5

ماما انا حلمت اني رحت مكان في ايس كريم كتير و كان معايا حد بس مش فاكره ميين .. و جبت ايس كريم

انا متوسطه التدين متجوزه عندي ولد

6
حلمت اني جبت بنت ولابسه حلق ذهب وكان ماما بتقول هذه بنتك لكن انا كنت متوقعه اني جبت ولد ليس بنت وكانت البنت كانها بعمر اربع شهور وملامحها عاديه ليست جميله وانا لامباليه بها ...
انا عندي طفلين ولست حامل

7
سلام عليكم.. حلمت انى كنت راكبه سياره لونها ابيض مع خالى وكان معانا اختى واتنين تانيين مش فاكره كانو مين ممكن ماما وصاحبتى مش فاكره وانا كنت قعده قدام وماشيين طريق سريع شويه يكون فيه عربيات كتير وشويه فاضى وهو يسرع اوى وانا اقولو بالراحه بخاف وهو سايق كان بيظهرلنا فجأه على زجاج العربيه ناس واحد او وحده من نحيتى وواحد او وحده من نحيتو عشان منشوفش الطريق ويبقو ماسكين ايد بعض ويفضلو يقربوا اوى من الازاز لحد مانصفهم الاولانى من جسمهم يملى الازاز كلو ومنشوفش الطريق يقوم خالى يدخل بالعربيه فالنص بينهم عشان يفر
قهم ويكمل طريقو وهكذا كل شويه يطلعلنا اتنين لحد ما اختفوا خالص وبعدين بقى يطير بين العربيات وينزل عالارض بالعربيه يمشى عادى وكنت بشوفو بيعمل حركه غريبه كأنو بيحول العربيه لطبق مسطح ابيض يغرف بيه رمل ويرمى الرمل اللى فيه تانى ويرجع يغرفو رمل ويدلقو بس انا كنت راكبه عادى وشايفه حركه الطبق اللى بيطير قدامى دا وبعدين لقيتو راح طريق مختلف ولقيت اننا ماشيين على رجلنا كان الطريق ضيييق وفيه رمل كتيييير يغرز فى رجلنا ولما سالتو مشيتنا ليه منو قال عشان الطريق اللى كنا فيه زحمه هنمشى دا على رجلنا وبعدين هنكمل بالعربيه بس كان عالجنب عاليمين طريق تانى جنبنا بس تحت شويه مفيهوش رمل خالص اختى فضلت تمشى فيه بس احنا فضلنا نمشى فالرمل الكتير اوى دا وخالو كان بيقولنا حاسبو عشان فى بحر قدام وصحيت اول ماخلصنا مشى تقريبا ( للعلم خالى فى امريكا بقالو سنيييين مشفتهوش وانا متزوجه ومغتربه واختى حامل )