تفسير احلام يوم الاثنين الموافق 10\31 ان شاء الله

حلم 1

الحلم دا لصحبتي هيا حلمت انها شافت شخص كان ليه علاقه بيا ومحصلش نصيب بينا هيا حلمت اننا كنا ماشيين انا وهيا وشوفناه ماشي حافي وانا سألتها هو ماشي كدا ازاي ةحصل فيه كدا ليه قالتلي عشان هو شخص مش كويس بيحصل فيه كدا وبعدها دخل ف رجله مسمار او حاجه وكان بيتوجع وانا كنت مبسوطه انه ربنا اذاه
وبعدين حلمت انه كنا قاعدين انا وهيا وهو في مكان فيه ناس كتير وحد بيسألنا اسئله زي امتحان شفوي كدا وهو مكنش عارف يجاوب علي اي حاجه خالص
هيا حلمت الحلمين دول وكانت متوضيه وصلت قبل م تنام

حلم 2
الحلم ده لجارتي هي ست متوسطة العمر وعايشها مع زوجها وعندها بنت متخرجة من الجامعه وولدين بيشتغلو اعمال حرة
هي حلمت ان عنده 6 بطات بيض ورجليهم حمر كانها بتربيهم بس الغريب انها كانت بتنسي تاكلهم وماتفتكرش الالما تلاقي واحدة منهم بتحاول تطير من علي السطوح او تخبطلها علي الباب تحطيلهم الاكل ساعتها والشرب وبس

انا الحالة الاجتماعة انسة مش مرتبطة
الاشخاص المرتبطة بالحلم : مي جارتنا في بيتنا التاني هو بيت في مكان صحراوي  و هي لسة مخطوبة قريب  و هبة بنت عمتي متزوجة و هي تقرب لمي و و اختي امنية هبة بنت خالتي متزوجة و خالتي  و ليست ام هبة متزوجة ايضا  و هبة بنت خالتي و خالتي في الحقيقة مايعرفوش مي 
حلمت ان بيتنا التاني ده معزوم  في ناس كتييير من العيلة و ترابيزات و اكل و في جنب البيت بيطل على بحر و ريجة الجو حلوة اوييي  مع انه في الحقيقة ش بيطل على بحر و قال انا اتخطبت و نازلة مع مي نجيب ستاير لها و ليا بس اختي امنية قالت لي لا كل واحد ينزل لواحده عشان لو جبتي حاجة غالية ماتبصلكيش فيها قلتلها ماشي نروح نتفسح انا و هي سوا بس مي أتأخرت عليا بس في الاخر جت  هي و بنت عمتي و قالت لي استنني في العربية لاقيت بنت خالتي و خالتي مستنين في العربية و ركبت في الكرسي اللي ورا و قلتلها مش هجيب معاها الستاير بس تيجي نتفسح قالت لي ماشي فبصيت للبحر هو في فسحة اجمل من كده اصلا نتفسح بره ليه قامت العربية مشت لوحدها  من غير سواق و مش عارفين نوقفها  و لا فرامل اليد عارفة توقفها لحد ما راحت لوسط البلد  بيعييييد عن البيت قمت شادة فرامل اليد  كويس ووقفت و سوقت بيهم راجعة للبيت بس العربية عشان نوعها قديييم ماشية ببطئ و انا بقول مش مهم كده كده هنوصل بس ربنا يصبرني ع المشوار ده و انا للعلم مابعرفش اسوق و العربية في الحقيقة بتاعت ابو مي